សាកលវិទ្យាល័យ១បើក​វគ្គបណ្តុះបណ្តាល ស្តីពីបញ្ហាប្រឈម នឹងដំណោះស្រាយទប់ទល់នឹង បំរែបំរួលអាកាសធាតុ

សកលវិទ្យាល័យបាត់ដំបង បានរៀបចំសន្និសិទអ្នកជំនាញ និងវគ្គបណ្តុះបណ្តាល ស្តីពីបញ្ហាប្រឈម និងដំណោះស្រាយទប់ទល់នឹង ការបំរែបំរួលកំពស់ទឹក ដែលមានរយៈពេល៥ថ្ងៃ ចាប់ពីថ្ងៃទី១០ដល់១៤ ខែកញ្ញា ឆ្នាំ២០១២។

លោក តូច វិសាល សុខ សកលវិទ្យាធិការសកលវិទ្យាល័យបាត់ដំបង បានមានប្រសាសន៍ និងបញ្ហាញនូវការគ្រប់គ្រងក្នុងសកលវិទ្យាល័យបាត់ដំបងថាៈ សកលវិទ្យាល័យបានរៀបចំ
ដំណើរទស្សនកិច្ចទៅកាន់តំបន់ទន្លេសាប ដែលរងប៉ះពាល់ដោយទឹកជំនន់ អញ្ជើញ អ្នកវិទ្យាសាស្រ្តវ័យក្មេង ផ្តល់និក្ខេបបទទាក់ទងទៅនឹង ការគ្រប់គ្រងគ្រោះមហន្តរាយ ផ្តោតសំខាន់នៅតំបន់អាស៊ីអាគ្នេយ៍។ ការបំរែបំរួលអាកាសធាតុ ដូចជា ខ្យល់ព្យុះ គ្រោះរាំងស្ងួតដ៏ធ្ងន់ធ្ងរ ត្រូវបានគេគិតថា នឹងកើនឡើងនៅតំបន់ជាច្រើន ពាសពេញ ពិភពលោក។ បើយោងតាម Global Climate Scenarios ដែលបានបោះពុម្ភផ្សាយក្នុង IPCC។

តំបន់អាស៊ីអាគ្នេយ៍ជាតំបន់ដែលទទួលឥទ្ធិពល ពីការបំរែបំរួលអាកាសធាតុ ដែលកើត ឡើងជាប្រចាំ នឹងធ្វើឲ្យបាត់បង់ជីវិតមនុស្សរាប់រយនាក់ ជារៀងរាល់ឆ្នាំ និងខូចខាត ទ្រព្យសម្បត្តិគិតជាថវិកាអស់ ថវិការរាប់កោដដុល្លា។ ម្យ៉ាងវិញទៀត ការអភិវឌ្ឍន៍សេដ្នកិច្ចសង្គមយ៉ាងឆាប់រហ័ស កំនើនប្រជាជន និងបច្ចេកវិទ្យាទំនើប របស់ពិភពលោកបាន បង្កើនភាពងាយរងគ្រោះដល់ជីវភាព និងហេដ្ឋារចនាសម្ព័ន្ធរូបវ័ន្ត។ របាយការណ៍ដែលបោះពុម្ភដោយ IPCC SREX នាពេលថ្មីៗនេះ ក្រោមចំណងជើងថា Managing the Risks of Extreme Events and Disasters to Advance Climate Adaptation បានលើកឡើងពី តំរូវការដើម្បីបង្កើនការគ្រប់គ្រងគ្រោះមហន្តរាយ និងការវិវឌ្ឍន៍យុទ្ធសាស្រ្ត សម្របសម្រួលដ៏មានប្រសិទិ្ធភាព ដើម្បីឆ្លើយតបទៅនឹង បំរែបំរែលអាកាសធាតុ។ សន្និសិទថ្ងៃនេះ មានគោលបំណងដោះដូរបទពិសោធ៍ រំលែកឧបសគ្គ ដោយប្រមូលនូវ អ្នកជំនាញវិទ្យាសាស្ត្រ អ្នកបង្កើតគោលនយោបាយ និងអ្នកអាជីពទាំងឡាយ ដើម្បីរកនូវ វិធីសាស្ត្រសម្រាប់ស្រាវជ្រាវរួមគ្នាលើប្រធានបទ ការគ្រប់គ្រង និង វាយតំលៃហានិភ័យ ប្រកបដោយប្រសិទិ្ធភាព។ ទិដ្ឋភាពខុសៗគ្នានៃDRMនឹងធ្វើការផ្តោតសំខាន់លើ សេដ្ឋកិច្ចសង្គម វិទ្យាសាស្ត្រ ធម្មជាតិ និងបញ្ហាបច្ចេកទេស តាមរយ: ការត្រួតពិនិត្យលើការកើនឡើងកំពស់ទឹក និងប្រព័ន្ធប្រកាសអាសន្ន ការវិភាគសិ្ថតិបែបប្រូបាបសំរាប់ ទស្សទាយបំរែបំរួលអាកាសធាតុ ផលប៉ះពាល់នៃការអភិវឌ្ឍន៍ ថាមពលវារីអគ្គិសនី និងការគ្រប់គ្រងវិធីសាស្រ្តប៉ាន់ស្មាន ភាពងាយរងគ្រោះ ការបង្ការគ្រប់គ្រងគ្រោះមហន្តរាយ និងតួនាទីរបស់ការគ្រប់ គ្រងអាងស្តុកទឹក(តំបន់ទន្លេមេគង្គ) សំរាប់ ការគ្រប់គ្រងគ្រោះមហន្តរាយ។

គ្រោះទឹកជំនន់យ៉ាងធ្ងន់ធ្ងរដែលបានកើតឡើងក្នុងឆ្នាំ ២០១១ នៅប្រទេសថៃ កម្ពុជា វៀតណាម នឹងដើរតួទៅជាករណីសិក្សាក្នុងការសិក្សាពីមូលហេតុ សំរាប់ការស៊ើបអង្កេតពីបញ្ហាគ្រោះ មហន្តរាយដែលធ្ងន់ធ្ងរទាំងនេះហើយដាក់បញ្ចូលក្នុងសកម្មភាពសំខាន់ៗ។