របាយ​ការគ្រោះ​ថ្នាក់ចរាចរណ៍ទូ​ទាំង​ប្រ​ទេស​​ថ្ងៃ​ទី​៨ខែនេះ

យោង​តាម​របាយ​ការ​របស់​អគ្គ​ស្នង​ការ​នគរបាន​ជាតិ​បាន​អោយ​ដឹង​ថា នៅថ្ងៃទី០៨ តុលា ២០១២ មាន​មនុស្ស​ស្លាប់​៥​នាក់ និង​រង​របួស​៣២​នាក់ ក្នុង​ករណី​គ្រោះ​ថ្នាក់​ចរាចរណ៍​១៥​លើក ​កើត​ឡើង​នៅ​ទូ​ទាំង​ប្រទេស​កម្ពុជា។

នា​យក​ដ្ឋាន​សណ្តាប់​ធ្នាប់ នៃ​អគ្គស្នង​ការដ្ឋាន​នគរបាល​ជាតិ​បានឲ្យ​ដឹងថា មាន​មនុស្ស​៥​នាក់ បាន​ស្លាប់ រង​របួស​ធ្ងន់​២៤​នាក់ និង​ស្រាល​៨​នាក់ ក្នុង​គ្រោះថ្នាក់​ចរាចរណ៍​កើត​ឡើង​១៥​លើក​ នៅថ្ងៃទី០៦ តុលា​នេះ។

ប្រភព​ដ​ដែល​បញ្ជាក់​ថា ក្នុងគ្រោះ​ថ្នាក់​ចរា​ចរណ៍​ខាង​លើ បង្ក​ឲ្យ​ខូច​ខាត យាន​យន្ត​សរុប​២៧​គ្រឿង ក្នុង​នោះ​ម៉ូតូ​១៩​គ្រឿង រថយន្ត​ធុនស្រាល​៤​គ្រឿង រថយន្ត​ធុន​ធ្ងន់​៣​គ្រឿង និង​យាន​ផ្សេង​ៗ​១គ្រឿង ។ ប្រភព​ដដែល​បន្ត​ថា​មូល​ហេតុ​ដែល​បណ្តាល​ឲ្យមាន​គ្រោះថ្នាក់ ​គឺមក​​ពី​ល្មើស​ល្បឿន​៦​លើក មិន​គោរពសិទ្ធ​៤​លើក ស្រវឹង​២​លើក កត្តា​ផ្លូវ ០១​លើក កត្តា​ធាតុ​អាកាស ១​លើក ផ្សេង​ៗ​០១​លើក និង​គ្រោះ​ថ្នាក់​មិន​ពាក់​មួក​សុវត្ថិភាព ១៦​នាក់ ៕