អ្នកស្រីឃ្លាំងយួនគុំរាមពលរដ្ឋមិនអោយយកញតិ្តជូនសម្តេចហ៊ុនសែននៅថ្ងៃទី១៤ខាងមុខ

ប្រជាពលរដ្ឋ៣៨គ្រួសារ រស់នៅភូមិអូអញ្ចា ឃុំសង្កែសាទប ស្រុកឪរាល់ កំពុងតែ​បារម្មណ៏​ព្រោះតែគ្មានឈ្មោះអ្នកភូមិណាម្នាក់បានចូលក្នុងពិធី សម្តេចតេជោ​អញ្ជើញ​ចូលរួមចែក​​  បណ្ណ័​កម្មសិទ្ធិ​ដីជូន​ពលរដ្ឋផ្សេងទៀតនៅថ្ងៃ១៤ ខែវិច្ឆិការ ឆ្នាំ២០១២ ខាងមុខនេះ។

ក្រុមប្រជាពលរដ្ឋបានប្រាបអ្នកយកព័ត៌មានយើងថាដោយសារតែមានការរារាំងពីអ្នកស្រីឃ្លាំង យួង អភិបារងស្រុកឪរ៉ាល់ និង លោក រស់​ សេរី ជាមេការក្រុមហ៊ុនសាងសងទំនប់ទឹកតាសាល ពួកគាត់​បាន​ត្រៀមញ្ញាត្តិដើម្បីជូនសម្តេចតេជោហ៊ុនសែននៅថ្ងៃដែលចូលរួមចែកបណ្ណ័កម្មសិទ្ធិដីឲ្យពលរដ្ឋ​ផ្សេង​ទៀត។ប៉ុន្តែក្រោយពីលិចឮព័ត៌មាននោះត្រូវអ្នកស្រីឃ្លាំង យួង បានមកដល់ភូមិរបស់ពួកគាត់​ហើយនិយាយថាមិនបាច់ចេញពីផ្ទះទេថ្ងៃសម្តេចមកនោះ ព្រោះអ្នកភូមិពួកគាត់គ្មានឈ្មោះ​ទៅក្នុងពិធី​នោះទេ​សូម្បីតែរបងក៏មិនបានទៅក្បែផង ដោយអ្នកស្រីនិយាយលួងលោមពលរដ្ឋថាអ្នកស្រីនិងរៀប​ចំឲ្យនិស្សិតចុះវាស់វែងដីទាំងនោះជូនពលរដ្ឋ ក្រោយពីបញ្ចប់បេសកម្មទទួលសម្តេច។

លោកស្រី ឃ្លាំង យួ​ង អភិបាលរង​ស្រុក​ឱ​រ៉ា​ល់​បាន​មាន​ប្រសា​ស​ន៏កាលពីថ្ងៃ១១ខែវិច្ឆិកាឆ្នាំ២០១២​ថា​បញ្ហា​ដែល​កើតឡើង​នោះ​គឺ​ អ្នកស្រី​ទទួលបញ្ជា​ពី​ថ្នាក់លើ អ្នកស្រីគ្មានសិទ្ធិហាមឃាត់​ក្រុមនស្សិតនោះ​ទេ ។ ក្រោយមក អ្នកស្រីទើបតែ​ទទួលបញ្ជា​ថ្នាក់លើ​ថាសម្រេច​ឲ្យ​និស្សិត​ចុះ​វាស់​វៃ​ង​ដី​នៅ​ពេល​ ខាងមុខ​ក្រោយពី​បញ្ចប់​បេសកម្ម​ទទួល​សម្តេច​តេ​ជោ​ហ៊ុនសែន មក​ចែក​ប័ណ្ណកម្មសិទ្ធិ​ដី​នៅ​ថ្ងៃទី១៤ ខែវិច្ឆិកា ឆ្នាំ២០១២ ។ ​លោកស្រី​បញ្ជាក់បន្ថែម​ផងដែរ​ថា ការវាស់វែង​ដី​នោះ​គឺធ្វើឡើង​ ទៅតាម​ច្បាប់​ភូមិបាល​ដោយ​មិន​វាស់​ចែក​ឲ្យ​តាមតែ​ចិត្ត​ចង់បាន​របស់​ពលរដ្ឋ ​នៅ​ចំនួន​ដី​របស់ខ្លួន​នោះទេ។

ដោយឡែកជុំវិញបញ្ហាមានការរារាំងពលរដ្ឋនាំញ្ញាត្តិទៅជួបសម្តេចនោះគ្មានការបំភ្លឺពីអ្នក​ស្រីឃ្លាំង យួង នៅឡើយដោយសារទូរស័ព្ទអ្នកស្រីមិនដំណើការនៅវេលាម៉ោង១១និង៤នាទី​ថ្ងៃ១២​ខែវិច្ឆិកា​ឆ្នាំ២០១២។

ក្រុមពលរដ្ឋ​បានឲ្យដឹងថាដោយសារតែពុំសូវមានទំនុកចិត្តទើបពួកគាត់នៅតែបារម្មណ៏ ព្រោះថាកន្លង​មកអ្នកស្រី​ឃ្លាំង យួង នោះជាអ្នកបដិសេដ្ឋមិនឲ្យមានការវាស់វែង ក្រោយពីដឹងថាពួកគាត់​ត្រៀមញ្ញាត្តិ​ជួបសម្តេច​ទើបអ្នកស្រីឃ្លាំង យួង នោះមកសម្របសម្រួលបែបនេះ។ក្រុមប្រជាពលរដ្ឋបានបន្តថាពួក​គាត់នៅតែត្រៀមខ្លួនជានិច្ចដើម្បីនាំញ្ញាតិ្តទៅជូនសម្តេចប៉ុន្តែមិនដឹងថាមានឪកាសឬអត់បើលោកស្រី​ឃ្លាំង​ យួង បានមករារាំងពួកគាត់មុនទៅហើយ៕