អាមេរិក នឹង សហភាពអឺរ៉ុប ប្រតិកម្ម

នៅថ្ងៃទី២ តុលា នេះ អ្នកនាំពាក្យ ក្រសួង ការបរទេស សហរដ្ឋអាមេរិក លោកស្រី Victoria Nuland បាន អំពាវនាវ ពីទីក្រុង វ៉ាស៊ីនតោន អោយ រដ្ឋាភិបាល កម្ពុជា ដោះលែងលោក ម៉ម សូណង់ដូ ដែលត្រូវបាន ផ្តន្ទាទោស ដោយតុលាការ ក្រុងភ្នំពេញ អោយជាប់ ពន្ឋនាគារ រយ:ពេល ២០ឆ្នាំ កាលពី ម្សិលមិញ ។

Written by ភ្នំពេញដេលីញូវ
Tuesday, 02 October 2012

លោកស្រី Victoria Nuland បានថ្លៃងថា យើងសូមគាំទ្រ យ៉ាងខ្លាំងក្លា ចំពោះសេរីភាព ក្នុងការ បញ្ចេញមតិ រួមទាំង សេរីភាព របស់អ្នក សារព័ត៌មាន ក្នុងការ សំដែងទស្សន នយោបាយ ដោយគ្មាន ការភ័យខ្លាច ពីការ ធ្វើទុក្ខទោស ការសងសឹក ឬការ បំភិតបំភ័យ ស្របតាម អនុញ្ញាអន្តរជាតិ ស្តីពីសិទ្ធិ ពលរដ្ឋ និងសិទ្ធិ នយោបាយ និងសេចក្តី ប្រកាសជា សាកល ស្តីពី សិទ្ធិមនុស្ស ។

“យើងសូម អំពាវនាវអោយ រដ្ឋាភិបាល កម្ពុជា ដោះលែង លោក ម៉ម សូណង់ដូ ជាបន្ទាន់ ដើម្បីបញ្ជាក់ អោយឃើញថា ប្រព័ន្ធតុលាការ របស់ប្រទេស កម្ពុជា មិនស្ថិតនៅ ក្រោមឥទ្ធិពល នយោបាយ និងដើម្បី បញ្ជាក់ សារជាថ្មី នូវការប្តេជ្ញាចិត្ត របស់ខ្លួន ក្នុងការធានាសិទ្ធិ មនុស្ស ជាមូលដ្ឋានសំរាប់ពលរដ្ឋ របស់ខ្លួន” ។

កាលពីម្សិលមិញ សហភាពអឺរ៉ុប ក៏បានរិះគន់ ចំពោះតុលាការ ក្រុងភ្នំពេញ ដោលបាន កាត់ទោស លោក ម៉ម សុណង់ដូ អោយជាប់ ពន្ឋនាគា ររយ:ពេល ២០ឆ្នាំដែរ ។ អ្នកតំណាង ជាន់ខ្ពស់ សហភាពអឺរុប សំរាប់កិច្ច ការបរទេស និង គោលនយោបាយ សន្តិសុខ លោក ស្រី កាថឺរីន អាសតុន (Catherine Ashton) បានសម្តែង ការព្រួយបារម្ភ យ៉ាងខ្លាំង ចំពោះការ កាត់ទោស លើលោក ម៉ម សូណង់ដូ នាយកវិទ្យុ សំបុកឃ្មុំ និងជា ប្រធានសមាគមន៍ អ្នកប្រជាធិបតេយ្យ ព្រមទាំងជន ជាប់ចោទ ផ្សេងទៀត ដូចជា លោក ផន ស្រឿន តូច រៀម និង ខាន់ សុវាន់ កាលពីថ្ងៃចន្ទ ទី១ ខែតុលា ឆ្នាំ២០១២ ដោយតុលាការ ក្រុងភ្នំពេញ៕