សេង មង្គល ជីកដីគ្មានច្បាប់ពីរ៉ែថាមពល ហើយដឹកបំផ្លាញផ្លូវពលរដ្ឋក្នុងភូមិ

ប្រជាពលរដ្ឋនៅក្នុងភូមិស្វាយព្រៃ សង្កាត់ស្វាយដង្គំ ក្រុងសៀមរាប រាប់រយនាក់តវ៉ាបិតផ្លូវមិនអោយឡានដឹកដីបើក​ព្រោះបង្កអោយខូចផ្លូវក្នុងភូមិរបស់ពួកគាត់។

កាលពីព្រឹកថ្ងៃទី១២ ខែធ្នូ ឆ្នាំ២០២៣ ពលរដ្ឋជាច្រើននាក់នៅក្នុងភូមិខាងលើ បានបិតផ្លូវឡានដឹកដីរបស់ម្ចាសរណ្តៅដីដែលមានឈ្មោះថា សៅ ភក្តី ភេទប្រុស មានអាសយដ្ឋានបច្ចុប្បន្ននៅ ភូមិវិហារចិន សង្កាត់ស្វាយដង្គំ ក្រុងសៀមរាប ដែលទទួលបានអាជ្ញាបណ្ណសិប្បកម្មធនធានរ៉ែ ពីរដ្ឋបាលខេត្តសៀមរាប កាលពីថ្ងៃទី១១ ខែឧសភា ឆ្នាំ២០២៣ ដើម្បីជីស្តាត្រពាំងរហាល។

ជាក់ស្តែងអ្នកយកព័ត៌មានយើងបានចុះទៅដល់ទីតាំងរណ្តៅដីខាងលើ សង្កេតឃើញថា ការជីស្តានេះមានជម្រៅជិតដល់ក្បាលប្រែត ហើយឡានដឹករាប់សិបគ្រឿង មិនគ្រប មិនស្រោចទឹកថ្នល់ បណ្តាលអោយខូចផ្លូវ ហុយដីក្នុងភូមិ។

ពលរដ្ឋក្នុងភូមិស្នើសុំអោយលោក សៅ ភក្តី ស្រោចទឹកថ្នល់ ហើយធ្វើកិច្ចសន្យាជាមួយអាជ្ញាធរសង្កាត់ ក្នុងការធ្វើផ្លូវអោយស្អាជូនពួកគាត់វិញ ជាបណ្តើរៗ និងនៅពេលឈប់ដឹកដី ពីព្រោះមានក្រុមអ្នកកាយដីដឹកដីច្រើនហើយ ពេលបញ្ចប់គម្រោងជីកស្តា អត់ធ្វើផ្លូវជូនពលរដ្ឋវិញទេ គឺបិតសាប៊ូគូទដូចបងទន្យាអញ្ចឹង។

ម្យ៉ាងវិញទៀត អង្គភាពសារព័ត៌មានយើងមិនឃើញមានលិខិតអនុញ្ញាតិពីមន្ទីររ៉ែនិងថាពលខេត្តសៀមរាបនោះទេ ហើយលោក សៅ ភក្តី ដំបូងបានប្រាប់តាមទូរស័ព្ទថា លិខិតស្នាមខាងរ៉ែធ្វើហើយតែមិនទាន់បានទៅយក ក្រោយមកឆ្លើយថា នៅក្នុងកាបូបនៅគូទឡាន គាត់កំពុងបើកឡាន ពុំអាចថតផ្ញើអោយមើលបានទេ។

អ្នកយកព័ត៌មានយើងបានផ្ញើតេឡេក្រាមសាកសួរទៅ លោក មាស ជូរ៉ានី ប្រធានមន្ទីររ៉ែ និងថាមពលខេត្តសៀមរាបនៅរសៀលនេះផងដែរ តែលោកចុចមើល មិនទាន់ឃើញឆ្លើយតប ពាក់ព័ន្ទនឹង ជម្រៅ ទំហំ ក្នុងការជីស្តា ហើយនិងលិខិតផ្លូវច្បាប់ពាក់ព័ន្ទជាមួយរ៉ែ និងថាមពល។

ពលរដ្ឋដែលដឹងរឿងរ៉ាជីកស្តាត្រពាំដើម្បីស្តុកទឹកសម្រាប់ពលរដ្ឋប្រើប្រាសនេះបាននិយាយតៗគ្នាថា វាគ្រាន់តែជាលេសមួយសម្រាប់បិតបាំងភ្នែករាស្ត្រតែប៉ុណ្ណោះ តាមពិតទៅជីកយកអាចដីលក់យកលុយចែកគ្នាចាយ តាមបែបឃុបឃិតគ្នាក្រោមតុដែលជាអំពើពុករលួយតែប៉ុណ្ណោះ។ សូមរងចាំតាមដានភាគបន្ត៕ ដោយៈ ផ្លុង រ៉េត (ចុចលើលីងខាងក្រោមដើម្បីមើលវីដឹអូ)