បញ្ជូនថៅកែផ្ទះសំណាក់ និងបក្ខពួកទៅតុលាការពាក់ព័ន្ទទទួលផលចោរកម្ម និងផ្ដល់ទីតាំងប្រើប្រាស់គ្រឿងញៀន

មន្ត្រីអាវុធហត្ថខេត្តបានឲ្យដឹងថា  ម្ចាស់ផ្ទះសំណាក់​យីហោ (ធួក ប៊ុនថុន)​ និង​មនុស្សប្រុស​ស្រី​ចំនួន១៧នាក់ទៀត ត្រូវបានសមត្ថកិច្ច​បញ្ជូនទៅតុលាការ នៅ​ថ្ងៃ​ទី​១០ ខែ​ឧសភា ​ឆ្នាំ២០១៥​នេះ បន្ទាប់ពីរធ្វើការសាកសួរពាក់ព័ន្ធពីបទ ទទួលផលចោរកម្ម និង​ប្រើ​ប្រាស​គ្រឿង​ញៀន ដែល​កម្លាំង​អាវុធហត្ថ​បាន​ចុះ​ឆែកឆេ​កាល​ពី​ថ្ងៃទី០៩​ម្សិលមិញ ក្រោម​បញ្ជារបស់លោក សំរិទ្ធ សុខុន ព្រះរាជ​អាជ្ញារង​អម​សាលាដំ​បូង​ខេត្ត​សៀម​រាប។

មន្ត្រីអាវុធហត្ថបន្ថែមថា ជនសង្ស័យជាម្ចាស់ផ្ទះសំណាក់ឈ្មោះធួក ប៊ុនថុន ភេទប្រុស អាយុ​៣៦ឆ្នាំមុខ​​​ របរបើកផ្ទះសំណាក់ ហើយមានតួរនាទី ជាអ្នកកាសែតតាព្រហ្ម មាន​ទីលំ​នៅភូមិ​តា​វៀន​ សង្កាត់សាលាកំរើក (ត្រូវ​បាន​សមត្ថ​កិច្ច​ចោទ​ពី​បទ​ទួល​ផល​ចោរ​កម្ម​និង​ផ្តល់​ទី​តាំង​ឲ្យ​អ្នក​ប្រើ​ប្រាស់​គ្រឿង​ញៀន)

ទី២/ឈ្មោះ ជៀន ភារិន ភេទប្រុសអាយុ២៨ឆ្នាំមុខរបររត់ម៉ូតូឌុប រស់នៅភូមិចុងកៅស៊ូ សង្កាត់ស្លក្រាម(ជួញដូរ)ទី៣/ឈ្មោះ ចាន់ ចិន ភេទប្រុសអាយុ៤០ឆ្នាំមុខរបរធ្វើនំបុ័ង ស្នាក់នៅភូមិត្រពាំងសេះ សង្កាត់គោកចក(ជួញដូរ)ទី៤/ឈ្មោះ ចាន់ ចិត្ត ភេទប្រុស២៣ឆ្នាំមុខរបរធ្វើនំបុ័ងនៅផ្សារដើមក្រឡាញ់ស្នាក់នៅភូមិត្រពាំងសេះ សង្កាត់ ប្រើប្រាស់ និងទី៥/ឈ្មោះឈុន វត្ថា ភេទប្រុសអាយុ២៤ឆ្នាំមុខរបរមិនពិតប្រាកដ រស់នៅសង្កាត់ព្រែកប្រា ខណ្ឌមានជ័យ ក្រុងភ្នំពេញ (ជួញដូរ)ទី៦/ឈ្មោះ នាង ស្រីប៉ី ភេទស្រីអាយុ១៨ឆ្នាំមុខរបររត់តុ ក្លិបកំសាន្តរាមា រស់នៅភូមិតាវៀន សង្កាត់សាលាកំរើក(ប្រើប្រាស់)ទី៧/ឈ្មោះ អឿន ស្រីស ភេទស្រីអាយុ២១ឆ្នាំមុខរបរក្លិបកំសាន្តរាមាប្រើប្រាស់និងទី៨/ឈ្មោះ  ផាវ ស្រីនីន ភេទស្រីអាយុ១៩ឆ្នាំមុខរបររត់តុ ក្លិបកំសាន្តរាមា រស់នៅភូមិតាវៀន សង្កាត់សាលាកំរើក(ប្រើប្រាស់)ទី៩/ឈ្មោះ ចែក ចាន់នី ភេទស្រីអាយុ៣៥ឆ្នាំមុខរបររត់តុ ក្លិបកំសាន្តរាមា រស់នៅភូមិតាវៀន សង្កាត់សាលាកំរើក(ប្រើប្រាស់)ទី១០/ឈ្មោះហៀង ផល្លី ភេទស្រី អាយុ២៥ឆ្នាំមុខរបររៀបចំបន្ទប់នៅផ្ទះសំណាក់ខាងលើ(ប្រើប្រាស់)ទី១១/ឈ្មោះ ចក់ សុភក្រ័ ភេទប្រុសអាយុ១៧ឆ្នាំមុខរបរមិនពិតស្នាក់នៅភូមិសូភី ឃុំន្ទ្រាំង ស្រុកប្រាសាទបាគង ខេត្តសៀមរាប(ប្រើប្រាស់)ទី១២/ឈ្មោះ ប៉ិច ពឡូ ភេទប្រុសអាយុ១៧ឆ្នាំមុខរបរសិស្សថ្នាក់ទី១២ វិទ្យាល័យប្រាសាទបាគង (ប្រើប្រាស់)រស់នៅភូមិសូភី ឃុំន្ទ្រាំង ស្រុកប្រាសាទបាគង ខេត្តសៀមរាបនិងទី១៣/ឈ្មោះ ឈិត ឆាង ភេទប្រុសអាយុ១៧ឆ្នាំមុខរបរលក់ដូររស់នៅភូមិសូភី ឃុំន្ទ្រាំង ស្រុកប្រាសាទបាគង ខេត្តសៀមរាប(ប្រើប្រាស់)ទី១៤/ឈ្មោះ ប៉ែន វណ្ណណេត ភេទប្រុសអាយុ១៥ឆ្នាំមុខ របរលក់ដូររស់នៅភូមិវត្តបូព៌ សង្កាត់សាលាកំរើក ទី១៥/ឈ្មោះ លាង ផល្លា ភេទប្រុសអាយុ១៦ឆ្នាំមុខរបរជាងឈើស្នាក់នៅភូមិខ្នារថ្មី សង្កាត់ជ្រាវ(ប្រើប្រាស់)ទី១៦/ឈ្មោះ ភួង ចំរើន ភេទប្រុសអាយុ១៧ឆ្នាំមុខ របរសិស្សថ្នាក់ទី៨រស់នៅភូមិត្រពាំងសេះ សង្កាត់គោកចក(ប្រើប្រាស់) និងទី១៧/ឈ្មោះ ស៊ីន យុត្ថាកា ភេទប្រុសអាយុ១៧ឆ្នាំមុខ របរសិស្សថ្នាក់ទី៩វិទ្យាល័យ ព្រះឥន្ទកោសាទីលំនៅភូមិទ្រាំង សង្កាត់ស្លក្រាម។

សមត្ថកិច្ចបញ្ជាក់ថា ម្ចាស់ផ្ទះសំណាក់យីហោ (ធួកប៊ុនថុន)កន្លងមកបានទទួលផល ចោរ​កម្ម ហើយជាកន្លែងផ្តល់ទីតាំងជួញដូរ និងប្រើប្រាស់គ្រឿងញៀនជាយូរ ឆ្នាំមកហើយព្រោះក្នុងពេលសមត្ថកិច្ចចូល ឆែកឆេនៅក្នុងផ្ទះសំណាក់នោះត្រូវបាន ម្ចាស់ផ្ទះរារាំងដល់សមត្ថកិច្ចថែមទៀតផង ប៉ុន្តែក្នុងការឆែកឆេរនោះរកឃើញ គ្រឿងញៀចំនួន៣កញ្ចប់ស្មើនឹងទម្ងន់៥,០១ក្រាម,ទូរស័ព្ទដៃចំនួន៧គ្រឿង,កង់ប្រភេទល្អៗចំនួន៧គ្រឿង និងម៉ូតូ០៩គ្រឿងដែលមិនមាន ឯកសារត្រឹមត្រូវ(ជារបស់ទទួល ប្រចាំ)និងឧបករណ៏ប្រើប្រាស់ ជក់មួយចំនួនធំ៕ ដោយ៖ ប៊ុតវិចិត្រ