សមត្ថកិច្ចឃាត់ខ្លួនជនសង្ស័យភេទប្រុស ម្នាក់ និង នារី ម្នាក់ ក្នុងករណីសម្រួលអោយប្រើប្រាស់នូវសារធាតុញៀនខុសច្បាប់

សៀមរាប : ​​ លោក វរសេនីយ៍ទោ អ៊ុំ សាអាត នាយការិ​យាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាប​បានអោយដឹងថាកម្លាំងក្នុងការិយាល័យរបស់លោកបានចូលរួមសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម ក្រុងសៀមរាប​ ដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់​។ ទើបជាក់ស្តែងជនសង្ស័យ​ប្រុសស្រីទាំង២នាក់នេះ ​ បានប្រព្រឹត្តក្នុងករណីសម្រួល​អោយ​ប្រើប្រាស់នូវសារធាតុញៀនខុសច្បាប់​​​នេះមិនអាចរត់គេចពីសមត្ថកិច្ចជំនាញបានឡើយ ។ លោក វរសេនីយ៍ទោ អ៊ុំ សាអាត​ បានបន្តអោយដឹងទៀតថាក្នុងកិច្ចចុះប្រិត្តិការណ៍ខាងលើបាន ​​ធ្វើឡើងកាលពី​ ថ្ងៃទី ២៥ ខែ មិថុនា ឆ្នាំ ២០១៥ កន្លងទៅ នៅក្នុងភូមិសាស្ត្រ ​សង្កាត់ស្លក្រាម ក្រុងសៀមរាប ។ ដោយជនសង្ស័យ ទី ១ / មានឈ្មោះ សន រីយ៉ា ភេទ ប្រុស អាយុ ២៦ ឆ្នាំ ទី ២ / ឈ្មោះ រ៉េត កូនង៉ា ភេទ ស្រី អាយុ ២២ ឆ្នាំ ។ សមត្ថកិច្ចបានបន្តអោយដឹងទៀតថាបន្ទាប់ពីបានធ្វើការឃាត់ខ្លួននិងបានសួរនាំជនសង្ស័យជាប់ពាក់ព័ន្ធក្នុងករណីខាងលើហើយនោះ​នៅមុខសមត្ថកិច្ចជនសង្ស័យបានឆ្លើយសារភាពថាពួក​​គេពិតជាបានប្រព្រឹត្តនៅករណីទាំងអស់ខាងលើពិតប្រាកដមែន ក្នុងនោះសមត្ថកិច្ចបាន​ដកហូតវត្ថុតាងពីជនសង្ស័យបាននូវគ្រឿងញៀនប្រភេទម៉ាទឹកកកចំនួន ១ កញ្ចប់តូច ​ និងសម្ភារះប្រើប្រាស់គ្រឿងញៀនចំនួនទៀត។ ​ បច្ចុប្បន្ន​ជនសង្ស័យនិងវត្ថុតាង​ត្រូវបានសមត្ថកិច្ច​កសាងសុំណុំរឿង​បញ្ជូន​ទៅកាន់សាលាដំបូងខេត្តសៀមរាបហើយកាលថ្ងៃទី២៦ នេះ​ ដើម្បីចំណាត់ការទៅតាមផ្លូវច្បាប់បន្ត ៕

​លោក ព្រិន្ទបាលទោ ខេង ខេមរា ​