សមត្ថកិច្ចឃាត់ខ្លួនជនសង្ស័យ២នាក់ក្នុងករណីចាត់ចែងនិងសម្រួលអោយប្រើប្រាស់សារធាតុញៀន

លោក វរសេនីយ៍ទោ អ៊ុំ សាអាត នាយការិ​យាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាប​បានអោយដឹងថាកម្លាំងក្នុងការិយាល័យរបស់លោកដោយមានការសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ អំពិល ក្រុងសៀមរាប​ និង ប៉ុស្តិ៍នគរបាលរដ្ឋបាលឃុំ កណ្តែក ស្រុកប្រាសាទ បាគង ខេត្តសៀមរាប ។ ​

អនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់​។ ទើបជាក់ស្តែងជនសង្ស័យភេទ​ប្រុសចំនួន ៥ នាក់នេះ ​ បានប្រព្រឹត្តក្នុងចាត់ចែងនិងសម្រួល​អោយ​ប្រើប្រាស់ដោយខុសច្បាប់នូវសារធាតុញៀន​​​​មិនអាចរត់គេចពីសមត្ថកិច្ចជំនាញបានឡើយ ។

លោក វរសេនីយ៍ទោ អ៊ុំ សាអាត​ បានបន្តអោយដឹងទៀតថាក្នុងកិច្ចចុះប្រិត្តិការណ៍ខាងលើបាន ​​ធ្វើឡើងកាលពី​ ថ្ងៃទី ០១ខែ កក្តដា ឆ្នាំ ២០១៥ កន្លងទៅ នៅក្នុងភូមិសាស្ត្រ ​ខាងលើ ​ ​ទើបមកដល់ព្រឹកថ្ងៃទី ០៣ ខែកក្តដា នេះ  សមត្ថកិច្ចបានបង្ហាញមុខជនសង្ស័យទាំងអស់ជាសាធារណះដល់ក្រុមអ្នកយកព័ត៍មាន ។

សមត្ថកិច្ច​បានបន្តអោយដឹងទៀតថាបន្ទាប់ពីបានធ្វើការឃាត់ខ្លួននិងបានសួរនាំជនសង្ស័យជាប់ពាក់ព័ន្ធក្នុងករណីខាងលើហើយនោះ​នៅមុខសមត្ថកិច្ចជនសង្ស័យបានឆ្លើយសារភាពថាពួក​​គេពិតជាបានប្រព្រឹត្តនៅករណីទាំងអស់ខាងលើពិតប្រាកដមែន ក្នុងនោះសមត្ថកិច្ចបាន​ដកហូតវត្ថុតាងពីជនសង្ស័យបាននូវ​សម្ភារះប្រើប្រាស់គ្រឿងញៀនខុសច្បាប់មួយចំនួន​និង ​បានកសាងសុំណុំរឿង​បញ្ជូនជនសង្ស័យនិងវត្ថុតាង​ទៅកាន់សាលាដំបូងខេត្តសៀមរាបហើយកាលថ្ងៃទី០៣ នេះ​ ដើម្បីចំណាត់ការទៅតាមនីតិវិធីបន្ត ៕ ដោយ៖ ខេង ខេមរា ​