មេឈ្មួញជើងខ្លាំងប្រចាំខេត្តស្ទឹងត្រែង ឈ្មោះ ធារ៉ា រកស៊ីដឹកឈើប្រណិតខុសច្បាប់ ឆ្លងដែនទៅលក់នៅប្រទេសវៀតណាម គ្មានសមត្ថកិច្ចណាចេញមុខបង្ក្រាប

ឈ្មួញ​ឈើ​ឈ្មោះ ធារ៉ា រកស៊ីដឹកឈើប្រណិតខុសច្បាប់ ឆ្លង​ដែន​ទៅ​លក់​នៅ​ប្រ​ទេស​វៀត​ណាម គ្មានសមត្ថកិច្ចណា​ចេញ​មុខ​បង្ក្រាបទាលលល់តែ​សោះ​ តើឯកឧត្ដម ម៉ុម សារឿន អភិបាលនៃគណៈអភិបាលខេត្ត ស្ទឹងត្រែង បានដឹងនិងបានជ្រាបជាព័ត៌មាននេះ​ដែរ​ឬ​ទេ? ហើយតើ​និងមានចំណាត់ការយ៉ាងណាដែរ ចំពោះមេឈ្មួញជើងខ្លាំងឈ្មោះ ធារ៉ា ម្នាក់នេះ?

ជាក់ស្ដែងជារៀងរាល់ថ្ងៃ​យប់មេឈ្មួញជើងខ្លាំង ឈ្មោះ ធារ៉ា តែងតែធ្វើសកម្មភាពដឹកឈើប្រ​ណិ​ត​ តាមរថយន្ដម៉ាក សាំងយ៉ុង ពណ៌ស គ្មានស្លាកលេខ ជា​ច្រើន​គ្រឿង​ចាប់​បី (០៣ទៅ០៤) បី​ទៅ​បួន​រថ​យន្ដពេញៗ ចេញពីចំណុចខេត្តស្ទឹងត្រែង ដោយ​បាន​ឆ្លង​កាត់​បា​រាស់​កុង​ត្រូល​សមត្ថ​កិច្ច​ចំ​រុះ​ជាច្រើ​ន​កន្លែង ចូលទៅខេត្តរតនគិរីចេញតាមច្រកអន្តរជាតិអូរយ៉ាដាវ ឆ្ពោះយកទៅលក់នៅប្រ​ទេស​​វៀតណាម ជារៀងរាល់ថ្ងៃ​យប់ ដោយមានរថយន្ដម៉ាក កាមរីបាឡែន ពណ៌ទឹកប្រាក់ ពាក់​ស្លាក​លេខ ភ្នំពេញ 2W-7367 បើកបរដោយមេឈ្មួញឈ្មោះ ធារ៉ា ផ្ទាល់ ជា​អ្នក​ចាំ​រត់​ការណ៍​នៅ​តាម​ដង​ផ្លូវ និងមានរថយន្ដម៉ាកាមរីបាឡែន ពណ៌ប្រផេះ អត់ស្លាកលេខ មួយគ្រឿងទៀត របស់​កូន​ចៅ​មេ​ឈ្មួញ​ឈ្មោះ ធារ៉ា ជួយមើលផ្លូវ និងបង្កប់​ឈើ​ប្រ​ណិត​នៅ​ក្នុង​រថ​យន្ដ​បា​ឡែន​នេះ​ទៅ​ផង​ដែរ បានយ៉ាងរលូនដោយមិនមានអាជ្ញាធរ សមត្ថកិច្ច ឬមន្ត្រីជំនាញណាធ្វើការទប់ស្កាត់ ឬ​បង្ក្រាប​ឡើយ។

ក្នុង​នា​ម​យើង​ខ្ញុំជា​ព​ល​រដ្ឋ​ខ្មែរ​សូមអំពាវនាវ ទៅដល់ឯកឧត្ដម ម៉ុម សារឿន អភិ​បាល​ខេត្ត​ស្ទឹង​ត្រែង សូមឯក​ឧត្ដម មានចំណាត់ការចំពោះឈ្មួញ​រក​ស៊ី​ឈើ​គ្មាន​ច្បាប់​ទំលាប់​ឈ្មោះ ធារ៉ា នេះ​ផង​ទាន ព្រោះជននេះប្រហែលជាកូនចៅ អ្នកមានអំណាចណាម្នាក់ នៅ​ក្នុង​ខេត្ត​ស្ទឹង​ត្រែង​នេះ​ផង​ក៏​មិនដឹង ទើបបានជាមិនមានមន្ត្រីជំនាញ ឬសមត្ថ​កិច្ច​ណាចេញ​មុខ​បង្ក្រាបសោះអញ្ចឹង។

សារព័ត៌មាន កម្ពុជាសុវណ្ណភូមិ ពុំអាច​សុំការ​ពន្យល់​ពី​លោក ធារ៉ា អ្នក​រក​ស៊ី​ដឹក​ឈើ​ខាង​លើ​បានទេ ព្រោះ​គ្មាន​លេខ​ទូរស័ព្ទ​សំរាប់​ធ្វើ​កា​រទំនាក់​ទំនង៕ ដោយ៖ ម៉េង ឈិនចិន