វេទិកាថ្នាក់ជាតិ ស្តីពីការត្រួតពិនិត្យ និងគាំទ្រអនុវត្តកម្មវិធីនយោបាយនិងយទ្ធសាស្រ្តចតុកោណដំណាក់កាលទី៣របស់រាជររដ្ឋាភិបាលកម្ពុជាបានធ្វើឡើងនៅមូលដ្ឋានស្រុកសូទ្រនិគម

វេទិកាថ្នាក់ជាតិមួយបានប្រព្រឹធ្វើឡើងនៅវត្តខ្ចាស់ ក្នុងភូមិខ្ចាស់ ឃុំខ្ចាស់ ស្រុកសូទ្រនិគមខេត្តសៀមរាបកាលពីព្រឹកថ្ងៃទី១៥ ខែមិថុនា ឆ្នាំ២០១៦ម្សិលមិញ ក្រោមអធិបតីភាពឯកឧត្តម រតនវឌ្ឈនោ រដ្ឋលេខាធិការក្រសួងធម្មការ និងសាសនា លោក ម៉ក់ ប្រុស អភិបាលស្រុកសូទ្រនិគម និងលោក ស៊ីម ឈីវឈានពិសិដ្ឋ អនុប្រធានមន្ទីរបរិស្ថានខេត្តសៀមរាប ព្រមទាំងអាជ្ញាធរដែនដីមន្ត្រីរាជការជាច្រើនស្ថាប័ណផ្សេងទៀត។

ឯកឧត្តម រតនវឌ្ឈនោ រដ្ឋលេខាធិការក្រសួងធម្មការ និងសាសនាបានបើកកម្មវិធី និងថ្លែងសំណេះសំណាលសាកសួរពីទុក្ខលំបាករបស់លោកយាយលោកតា ពុកម៉ែ បងប្អូនដែលបានចូលរួមក្នុងកម្មវិធីវេទិកាថ្នាក់ជាតិខាងលើនេះ និងបើកចំហរអោយប្រជាពលរដ្ឋសំដែងពីទុក្ខកង្វល់របស់ខ្លួន។

ក្នុងកម្មវិធីវេទិកាថ្នាក់ជាតិខាងលើនេះគេសង្តេតឃើញថា មានប្រជាពលរដ្ឋ៣ភូមិបានចូលរួមសាកសួរទៅវាគ្មិនពាក់ព័ន្ធបញ្ហាមួយចំនួនដូចជា មិនមានអគ្គីសនីប្រើ សំរាមចាក់លុបត្រពាំង ត្រពាំងទឹកខះរីងស្ងួតគ្មានទឹកប្រើប្រាស ម្ចាស់ផ្សាដំដែលអោយប្រជាពលរដ្ឋយកផ្លូវសាធារណៈដាក់លក់បន្ថែ ដោយចេះតែយកផាស៊ី តែមិនចេះរៀបចំសណ្តាប់ធ្នាប់ និងបញ្ហាមួយចំនួនទៀត។

ពាក់ព័ន្ធបញ្ហាខាងលើនេះលោក ម៉ក់ ប្រុស អភិបាលស្រុកសូទ្រនិគមបានបកស្រាយថា បញ្ហាពលរដ្ឋយកផ្លូវខាងកើតផ្សាដំដែកដាក់លក់បន្ថែព្រោះតែចំនួនប្រជាពលរដ្ឋមានការកើនឡើង ឯផ្សាវាតូច មិនមានកន្លែងអោយលក់នៅខាងក្នុងផ្សា។

រីឯខាងតំណាងអគ្គីសនីខេត្តបានបកស្រាយថា ទី១អគ្គីសនីកំពុងតែតភ្ជាប់បណ្តាញអគ្គីសនីនៅតំបន់ផ្សេង ទី២ខាងអគ្គីសនីកំពុងតែខ្វះខ្សែសំរាប់តបណ្តាញអគ្គីសនីអោយពលរដ្ឋប្រើប្រាស តែទោះជាយ៉ាងណាក៏ដោយក៏ខាងអគ្គីសនីនិងខិតខំព្យាយាមតបណ្តាញអគ្គីសនីអោយពលរដ្ឋប្រើអោយបាន។ ចំណែករឿងពលរដ្ឋរាយការណ៍ថា មានគេយកសំរាមទៅចាក់ចូលក្នុងស្រះទឹកដែលប្រជាពលរដ្ឋធ្លាប់ប្រើប្រាសនោះ លោក ម៉ក់ ប្រុសអភិបាលស្រុកសូទ្រនិគមថា មិនបានដឹងទេ ចាំលោកចុះទៅមើលដោយខ្លួនឯងផ្ទាល់។

ប្រជាពលរដ្ឋនៅស្រុកសូទ្រនិគមបានរិះគន់ថា ខាងអគ្គីសនីហាក់អាក់សមត្ថភាពក្នុងការតភ្ជាប់បណ្តាញអគ្គីសនីជូនពួកគាត់ប្រើប្រាស ដោយគ្រាន់តែបោះបង្គោលភ្លើងចោល តែមិនឃើញមានភ្លើងប្រើ រងចាំង១ថ្ងៃហើយ១ថ្ងៃទៀត យូរជាងទៅសុំភ្លើងយក្សទៅទៀត។ ពលរដ្ឋសំនូមពរទៅអាជ្ញាធរដែនដី មេត្តាជួយស្តារស្រះទឹកអោយពួកគាត់មានទឹកប្រើប្រាសផង ហើយខាងអគ្គីសនីមេត្តាជួយតបណ្តាញអគ្គីសនីអោយបានឆាប់រហ័សបន្តិចព្រោះពួកគាត់រងចាំប្រើភ្លើងអគ្គីសនីអស់រយៈពេលយូរខែឆ្នាំណាស់មកហើយ៕ដោយ៖ ឈួរ វ៉ាន់