តារិនម្ចាស់ការដ្ឋានបូមខ្សាច់បន្ទាយស្រី ថារថយន្តដឹកដីខ្សាច់ធ្លាក់ពេញថ្នល់មិនមែនជារបស់គាត់

សៀមរាប៖សកម្មភាពរថយន្តដឹកដីខ្សាច់ពីស្រុកបន្ទាយស្រី ចូលចែកចាយក្នុងក្រុងសៀមរាបហុយនិងហូរទឹកធ្លាក់ពេញថ្នល់តែ គ្មានសមត្ថកិច្ចឬមន្រ្តីជំនាញណាគេធ្វើដឹងធ្វើលឺទាល់តែសោះ ដែលបណ្តាលអោយមហាជនសង្ស័យថាប្រហែលជាតារិនថៅកែបូមខ្សាច់និងដឹក ដីខ្សាច់លក់សែនព្រេនបានដឹតដល់ហូរហៀរដល់មន្រ្តីជំនាញទាំង នោះមិនខាន។

ខេត្តសៀមរាបដែលជាតំបន់ទេសចរណ៍ជាតិនិងអន្តរជាតិឥឡូវផ្លូវ ថ្នល់កៅស៊ូជិតក្លាយជាផ្លូវលំដែលគ្របដណ្តប់ទៅដោយដីខ្សាច់ ធ្លាក់ពីរថយន្តដឹកដីដែលដឹកស្ទើរតែពេញ២៤ម៉ោងពី ស្រុកបន្ទាយស្រីចូលក្រុងសៀមរាប។

តារិនម្ជាស់ការដ្ឋានបូមខ្សាច់ខាងលើបានបដិសេធតាមទូរស័ព្ទថា ការដ្ឋានរបស់លោកគ្មានរថយន្តដឹកដីខ្សាច់ទេ រថយន្តដឹកដីខ្សាច់ទាំងនោះគឺមានថៅកែគេផ្សេងៗគ្នាមកទិញពីគាត់។

បើតាមប្រភពព័ត៌មានបានអោយដឹងថា ក្រុមហ៊ុនមួយចំនួយដែលដឹកដីខ្សាច់ទាំងនោះមានដូចជាអេង សុហ្កិច តាំងគឹមឈៀង តុងសេងស្ថិតក្នុងក្រុងសៀមរាប។

អ្នកយកព័ត៌មានយើងមិនអាចសុំការបំភ្លឺពីលោកលុនកាណែលប្រធានមន្ទីរ បរិស្ថានខេត្តបានទេព្រោះទូរស័ព្ទមិនអាចទំនាក់ទំនងបាននៅ ព្រឹកថ្ងៃទី១០នេះ។