អ្នក​គ្រប់គ្រង​ចិន​ម្នាក់​ត្រូវបាន​កម្មករ​បាតុកម្ម​ទាមទារ​ឲ្យ​ទៅ​សុំ​ទោស​ព្រះ​បរម​សព

កម្មកររោងចក្រចំនួន៣ ដែលមានកម្មករជិត ២ពាន់នាក់ រួមនឹងពលរដ្ឋមួយចំនួនទៀត នាំគ្នាធ្វើបាតុកម្មតវ៉ានៅថ្ងៃទី២២ តុលា ដើម្បីសុំឲ្យអ្នកគ្រប់គ្រងផលិតកម្មជនជាតិចិន ម្នាក់ ទៅសុំទោសព្រះបរមសពនៃអតីតព្រះមហាក្សត្រ នរោត្តម សីហនុ បន្ទាប់ពីប្រធានផលិតកម្មរូបនេះ បានកាត់រូបព្រះឆាយាល័ក្ខណ៍របស់ព្រះអង្គនឹងកន្ត្រៃ។

ការធ្វើបាតុកម្មនេះ គឺចាប់ផ្ដើមពីម៉ោង ៧ព្រឹក ហើយមកទល់នឹងម៉ោងជាង ១០ព្រឹកនេះ កម្មករទាំងនោះមានការខ្វែងគំនិតគ្នាជាមួយអាជ្ញាធរខណ្ឌមានជ័យ។

អាជ្ញាធរទាមទារយកជនជាតិចិន រូបនេះទៅអធិការខណ្ឌ ប៉ុន្តែកម្មករទាមទារឲ្យប្រធានផលិតកម្មនេះដើរថ្មើរជើងពីរោងចក្រ ថប វឺល (Top World) ស្ថិតនៅភូមិជ្រោយអំពិល សង្កាត់ក្បាលកោះ ខណ្ឌមានជ័យ រាជធានីភ្នំពេញ ឆ្ពោះទៅកាន់ព្រះបរមរាជវាំង។

សូមរង់ចាំអាន និងស្ដាប់ព័ត៌មានបន្ថែម…

ប្រភពព័ត៌មាន៖ RFA  សួម Share អត្ថបទខាងលើនេះ ទៅក្នុងបណ្តាញសង្គមរបស់អ្នក!