តុលាការប្រឆាំងបទបញ្ជានាយករដ្ឋមន្រ្តីហ៊ុនសែន?

យោងលិខិតឯកឧត្តម អង្គ វង្សវឌ្ឍនារដ្ឋមន្រ្តីក្រសួងយុត្តិធម៌ បានចេញ លិខិត បង្គាប់ មួយ ឲ្យកូនបំណុលយកប្រាក់ទៅ តម្កល់នៅ សាលាឧទ្ធរណ៍ ចំនួន២៤ម៉ឺន៥ពាន់ ដុល្លារ ដើម្បីទូទាត់យកប្លង់ផ្ទះមកវិញ ប៉ុនែ្ត ម្ចាស់បំណុល ឈ្មោះ គីង កញ្ញា នឹងបក្សពួក មិនបាន មក យក លុយសំណងទាមទារ តាមពាក្យបណឹ្តងនោះទេ។ ផ្ទុយទៅវិញ នៅថ្ងៃទី១ ខែ កក្កដា ឆ្នាំ២០១៣ កន្លងទៅ នេះស្រាប់តែគេឃើញមានក្រុមមន្រ្តី សមត្ថកិច្ច និង អាជ្ញាធរ ខណ្ឌដូន ពេញចំម្រុះ នាំគ្នាចុះមក អនុវត្តន៍សាលក្រម រឹប អូសយក ផ្ទះរបស់ ឈ្មោះ អ៊ុង ដាំតារាយកទៅលក់ឡៃឡុងទៅវិញយ៉ាងអយុតិ្តធម៌បំផុត។
ដោយទ្បែកករណីនេះត្រូវបានគេ សង្ស័យថាអាចមាន ការ ឃុបឃិតគ្នារវាង ម្ចាស់ បំណុលនិង មន្រ្តីតុលាការ និងមន្រី្តធំជាខ្នង បង្អែកផងក៏អាចថា បានពីព្រោះ ថាការអនុវត្តន៏សាលក្រមនេះធើ្វអី្វសុទ្ធតែកំបាំងមុខ។

លោក លូង សុខា មេធាវីកាពារក្តីឲ្យលោក អ៊ុង ដាំតារាបានចោទប្រកាន់ម្ចាស់ បំណុល ឈ្មោះ គីង កញ្ញា និង ឈ្មោះ សុខ រ៉ាថន និង ភរិយាថាបាន លួចលក់ ភូមិគ្រឹសប្លង់ដីទ្បូ ផ្ទះ ទំហំ៦៦៣ ម៉ែត្រ ការ៉េ ក្នុង តម្លៃ២លានដុល្លាអាមេរិក កាលពីខែកុម្ភះ ឆ្នាំ២០១៣ដែល មិនមែនជាកម្មសិទិ្ធរបស់ខ្លួនសោះដែល តាមច្បាប់ភូមិបាលជន ខែ្លងបន្លំឯកសារសាធារណៈ និង កម្មសិទិ្ធអ្នកដទៃគួត្រូវបានជាប់គុក។

ឯលោក យូ ស៊ីច័ន្ទតារដ្ឋ ដែលត្រូវជាប្អូនប្រុសលោក អ៊ុង ដាំតារាបាន បញ្ជាក់ថា ពួកគេពិតជាថើ្លមធំមែនហ៊ានកែ្លងបន្លំកម្មសិទិ្ធនិងបំពានចំពោះ ចំណារស ម្តេចនាយក រដ្ឋមន្រី្ត ហ៊ុនសែន ដែលចារឲ្យពិនិត្យរឿងនេះឡើងវិញ តែតុលាការ ហាក់មានចេតនា ឌឺមិនធ្វើតាម ទេបែរជាចេញសាល ក្រមស្ថាពរកំបាំង មុខបងើ្កតរឿងរ៉ាវ អយុត្តិធម៌ ឃុប ឃិតពុករលួយជ្រកក្រោមច្បាប់តុលាការយ៉ាងអគតិបំផុត។

តាមការអះអាងរបស់លោកយូស៊ីច័ន្ទតារដ្ឋ និងឯកសារថតចម្លងជាច្រើន ចេញពី ខុទ្ធកាល័យសម្តេចនាយករដ្ឋមន្រ្តី ហ៊ុន សែន ផងនោះបានបង្ហាញថាលោក អ៊ុង ដាំតារា បានយកប្លង់ផ្ទះវីឡា ទៅ បញ្ចាំ ឲ្យស្រ្តីឈ្មោះ គីង កញ្ញា ចំនួន២០ម៉ឺន ដុល្លារ គិតជាការ ប្រាក់១ខែ៤០០០ដុល្លារ។ដោយសារមានបពា្ហមិនបានបង់ការប្រាក់តាមការកំណត់ស្រ្តី ឈ្មោះ គីង កញ្ញា ក៏បាន ប្តឹងមក សាលា ដំបូង រាជធានីភ្នំពេញ ហើយ តុលាការ និង សាលា ឧទ្ធរណ៍ ក៏បានសម្រេចឲ្យលោកអ៊ុង ដាំតារា យកប្រាក់ ទៅតម្កល់ដើម្បី លោះយក ប្លង់ ត្រទ្បប់មកវិញ។

យោងលិខិតអន្តរាគមន៏របស់ក្រសួងយុតិ្តធម៌ កាលពីខែឧសភា ឆ្នាំ២០១៣នេះដែល ចុះហត្ថលេខា និង ត្រាដោយ ឯឧត្តមអង្គវង្សវឌ្ឍានា រដ្ឋមន្រ្តី្រសួង យុត្តិធម៌បាន ផ្ញើ លិខិតជូនសម្តេចនាយករដ្ឋមន្រ្តី ហ៊ុន សែន ដោយបញ្ជាក់ថា ឈ្មោះគីង កញ្ញា មិនបាន មកទទួលយកប្រាក់តាមពាក្យបណ្តឹងនោះទេ ដែលគេនិយាយថាអាច យកប្លង់នោះ ទៅ ដោះដូរបញ្ចំលក់រួច ទៅហើយទើបគេរកឃើញ មានកិច្ចសន្យាលក់ទិញរវាង លោក សុខរ៉ាថន និងឈ្មោះម៉ែន សោភ័ណ ក្នុងតម្លៃ២លានដុល្លារ។

ដោយទ្បែកនៅពេលដែលដឹងថាលោកសុខ រ៉ាថន មិនមែនជាម្ចាស់ ស្រប ច្បាប់ នោះ ឈ្មោះម៉ែនសោភ័ណក៏បានដាក់ពាក្យបណ្តឹងបឹ្តងលោកសុខរ៉ាថននិងភរិយា ពីបទឆបោកនិង រំលោភសេចកី្តទុកចិត្ត។ លោកលូង សុខា បានអំពាវនាវដល់ ក្រសួងយុតិ្តធម៌ និងស្ថាប័ន កំពូលអង្គចៅក្រមគួរតែមានវិធានការចាត់ការពួកជនកំហួចមួយក្តាប់ដែលតែងតែយកច្បាប់លួចធើ្វអាជីវកម្មជ្រកក្រោមច្បាប់និងអំណាចតុលាការ ៕ប្រភពពី សសឃក