សាលាខេត្ត​សៀមរាប​និង​ប្តូរទីតាំងនៅថ្ងៃសុក្រនេះ

កាលពីថ្ងៃទី២៧ ខែសីហា ឆ្នាំ២០១៣កន្លងទៅ នៅក្នុងឧកាសជួបជុំដ៏ធំមួយជាមួយនឹង មន្រ្តីសា​លាខេត្ត​ទាំង​មូល​ ប្រមាណជាង៣០០នាក់ ឯ.ឧ ឃឹម ប៊ុនសុង អភិបាលនៃគណអភិបាលខេត្តសៀមរាប បានមាន​ប្រសាស​ស្តីពី ការផ្លាស់​ប្តូរទី​តាំង​ធ្វើការ​ពីបុរីរដ្ឋ​បាលសៀម​រាបមក​កាន់ទីតាំង​នៃអាជ្ញា​ធរអប្សរា​នឹងមាន​ដំណើរ ការយ៉ាងលឿនបំផុត នៅដើមខែកញ្ញា ឆ្នាំ២០១៣ នេះ ។

ហើយនៅក្នុងកិច្ចប្រជុំ ដែលបានការចូលរួមពី ឯ.ឧ លោកជំទាវ នៃគណអភិបាលខេត្ត អស់លោក-លោក ស្រីជានាយករដ្ឋបាលសាលាខេត្ត នាយកទីចាត់ការទាំង៥ ប្រធានមន្ទីរ អនុប្រធាន មន្ទីរជុំវិញខេត្ត កាលពីព្រឹកថ្ងៃទី០៤ ខែកញ្ញា ម្សិលម៉ិញនេះ ឯ.ឧ ឃឹម ប៊ុនសុង បានមានប្រសាស កំណត់យ៉ាងច្បាស់ថា នៅថ្ងៃសុក្រទី០៦ ខែកញ្ញា ខាងមុខនេះ ជាថ្ងៃកំណត់ការ ផ្លាស់ប្តូរទីតាំងធ្វើការពីបុរីរដ្ឋបាលសៀមរាប មកកាន់ទីតាំងនៃអាជ្ញាធរអប្សរា ហើយប្តូរទីតាំងអជ្ញាធរអប្សរាសៀមរាបទៅកាន់ទីតាំងបុរីរដ្ឋ បាលសៀមរាបវិញ ។

យើងសូមរំលឹកថា អស់រយៈពេល៣ឆ្នាំ ៦ខែគត់ ដែលសាលាខេត្តសៀមរាប បានធ្វើការផ្លាស់ប្តូរ ពីទីតាំងសាលាខេត្តចាស់ ទៅកាន់បុរីរដ្ឋបាលសៀមរាប ដែល ជាកម្មវិធីសាកល្បងរបស់រាជរដ្ឋាភិបាលកម្ពុជា ក្នុងការប្រមូលផ្តុំការងាររដ្ឋបាល ខេត្តមកនៅ១កន្លែងរួមតែ១ ចាប់តាំងពីខែមិនាឆ្នាំ២០១០ មកនោះ។

ជាដោយឡែក នៅព្រឹកដដែលនោះ ឯ.ឧ ឃឹម ប៊ុនសុង អភិបាល នៃគណអភិបាលខេត្តសៀមរាប បានអញ្ជើញបើកកិច្ចប្រជុំដោយឡែក១ទៀត ជាមួយនិង មន្ទីរជំនាញ មានមន្ទីរសាធារណៈការ និងដឹកជញ្ជូន មន្ទីររៀបចំដែនដីនគរូបនីយ កម្ម សំណង់ និងសុរិយោដីខេត្តសៀមរាប និងសាលាក្រុងសៀមរាប ក្នុងគោលបំណងពិនិត្យមើល ឡើងវិញ និងការពិភាគ្សាដ៏ល្អិតល្អន់អំពីប្លង់មេ នៃបណ្តាផ្លូវ មានវិថី និងផ្លូវតូចៗ ដែលមានស្ថិតនៅតាមបណ្តោយផ្លូវជាតិលេខ៦ ។

ឯ.ឧ ឃឹម ប៊ុនសុង បានមានប្រសាសទៅកាន់អង្គប្រជុំថា យោងទៅតាមការ ជាក់ស្តែង ដែលកំណើនភ្ញៀវមកកាន់ខេត្តសៀមរាប ទាំងភ្ញៀវអន្តរជាតិ និងជាតិ មានការកើនឡើងនោះ ធ្វើអោយកំណើនយានយន្ត និងការធ្វើចរាចរណ៏មានការ កកស្ទះជាបន្តបន្ទាប់ ហេតុដូចនេះបានជាឯ.ឧ ធ្វើការប្រជុំជាមួយនិងមន្ទីរជំនាញ និងក្រុងសៀមរាប ដើម្បីរិះរកវិធានការ បន្ធូបន្ថយចរាចរណ៏ និងគ្រប់គ្រងទៅដល់ អគ្គីភ័យដែលអាចមាន ហើយពិបាកនឹងការឡានទឹកចូលជួយបាញ់ពន្លត់នោះ៕