រថយន្តកាមរីបាឡែនមួយគ្រឿងដឹកឈើក្រញូងត្រូវបានអ្នកកាសែត១ក្រុមស្ទាក់ជាប់ប្រគល់អោយកម្លាំងអធិការនគរបាលស្រុកវ៉ារិន នៅវេលាម៉ោង១០និង៣០នាទីយប់ ថ្ងៃទី៣០ ខែតុលា ឆ្នាំ២០១៣ ខណៈកំពុងបើកបរមកដល់ចំណុចផ្លូវលំ១ខ្សែដែលតភ្ជាប់ពីផ្លូវលេខ៦៧ស្ថិតនៅភូមិវត្ត ឃុំស្រែណូយ ស្រុកវ៉ារិន ទៅកាន់ស្រុកអង្គជុំខេត្តសៀមរាប។
លោក នុប-សារ៉ាក់ អធិការនគរបាលស្រុកវ៉ារិនបានថ្លែងប្រាប់នៅព្រឹកថ្ងៃទី៣១ ខែតុលា ឆ្នាំ២០១៣ថា ដោយមានបញ្ជាផ្ទាល់ពីលោកស្នងការស្នងការរងខេត្ត និងលោកព្រះរាជអាជ្ញាអមសាលាដំបូងខេត្តសៀមរាបរូបលោកបានបញ្ជាកម្លាំងនគរបាលឲ្យឃាត់នូវរថយន្តកាមរីបាឡែនមួយគ្រឿងពណ៍ស្ករពុំមានផ្លាកលេខនោះដែលផ្ទុកឈើក្រញូងពេញដឹកឆ្លងកាត់តំបន់ភូមិសាស្រ្តខាងលើ។
លោកនុបសារ៉ាក់ថ្លែងបន្តថា លោកបានបញ្ជាអោយអធិការរងរបស់លោក និងកម្លាំងប៉ុស្តិ៍សង្កាត់ស្រែណូយ រឹបអូសយកទាំងឈើ និងរថយន្តដឹកឈើខាងលើ ទៅរក្សាទុកនៅអធិការទាំងយប់ដើម្បីធ្វើការវាស់វែងទៅតាមផ្លូវច្បាប់ចំណែកឯតៃកុងរត់គេចខ្លួនបាត់តែម្ដង។ អធិការស្រុករូបនេះបញ្ជាក់ថា បន្ទាប់ពីធ្វើការថ្លឹងឈើក្រញូងទាំងអស់មានចំនួន៥១ដុំ ស្មើ១២១៨គីឡូក្រាម ត្រូវបានធ្វើការប្រគល់ឲ្យជំនាញរដ្ឋបាលព្រៃឈើយកទៅរក្សាទុកដើម្បីអនុវត្តទៅតាមច្បាប់ព្រៃឈើ។
បើទោះបីជាលោកអធិការស្រុកវ៉ារិនមិនបានបញ្ជាក់ឈ្មោះឈ្មួញជាម្ចាស់ឈើយ៉ាងណាក៍ដោយក៍ប្រភពច្បាស់ការបានទម្លាយឲ្យដឹងថាម្ចាស់រថយន្តដឹកឈើឈ្មោះ អៀ.ឆៃយិន ជាឈ្មួញរកស៊ីដឹកជញ្ជូនឈើក្រញូងដ៍ធំម្នាក់ប្រចាំខេត្តសៀមរាប ហើយកន្លងមកក៍ធ្លាប់បានសមត្ថកិច្ចបង្ក្រាបជាញឹកញាប់ផងដែរតែឈ្មួញរូបនេះនៅតែមានឧិកាសប្រករបមុខរបររកស៊ីបទល្មើសនេះបានរលូនដដែល។
គេបានបង្ហើបឲ្យដឹងទៀតថានៅយប់ប្រតិបត្តការចាប់រថយន្តដឹកឈើរបស់លោក អៀ.ឆៃយិន បានមួយគ្រឿងនោះគឺមានរថយន្តដឹកឈើឈ្មួញរូបនេះរហូតដល់បីគ្រឿងឯណោះតែរត់រួចពីគ្រឿង។
លោក អ៊ុំ-អមរា ស្នងការរងនគរបាលខេត្តសៀមរាប និងជាប្រធានការិល័យកណ្ដាលប្រឆាំងបទល្មើសបានថ្លែងប្រាប់ឲ្យដឹងតាមទូរស័ព្ទថា ដោយអនុវត្តតាមបទបញ្ជាអគ្គស្នងការនគរបាលជាតិក៍ដូចស្នងការរូបលោកតែងតែប្រឆាំងជានិច្ចរាល់បទល្មើសដែលកើតមាននៅក្នុងខេត្តជាពិសេសសកម្មភាពដឹកជញ្ជូនឈើក្រញូងហើយកម្លាំងរបស់លោកបានបង្ក្រាបបទល្មើសជាច្រើនករណី។
ក្រុមអ្នកកាសែត១ក្រុមដែលចូលរួមបង្ក្រាបរថយន្តដឹកឈើក្រញូងខាងលើបានអះអាងដូចៗគ្នាថា ប្រភពបានរាយការណ៍ពីស្រុកអន្លង់វែងតាំងពីរថយន្តលោក យិន វិលកង់មកម្លេះ ដូចនេះពួកគេបានប្រើរថយន្ត៤គ្រឿងចាំពួនស្ទាក់នៅក្នុងឃុំស្រែណូយខាងលើ លុះរថយន្តដឹកឈើក្រញូងខាងលើមកដល់ពួកគេបានស្ទាក់ជាប់លើដងផ្លូវទៅមុខលែងរួច ហើយភ្លាមនោះបានរាយការទៅសមត្ថកិច្ចគ្រប់លំដាប់ថ្នាក់ពាក់ព័ន្ធបទល្មើសព្រៃឈើអោយមកទទួលយករថយន្តដឹកឈើក្រញូងខាងលើទៅតាមផ្លូវច្បាប់។ ក្រុមអ្នកកាសែតទាំងនោះបានបន្ថែមថា ការបង្រ្កាបរថយន្តខាងលើបានជោគជ័យគឺដោយសាមានការចូលរួមយ៉ាងពេញទំហឹងពីអធិការស្រុកវ៉ារិននេះតែម្តង តែអ្វីដែលគួរអោយសោកស្តាយនោះស្នាក់ការមេព្រៃសង្កាត់ស្រែណូងដែលស្ថិតជិតកន្លែងបង្ក្រាបបទល្មើសព្រៃឈើខាងលើនេះ បែជាសម្ងំដេកមិនចូលរួម ហើយធ្វើដូចអត់ដឹង់ខ្យល់អីបន្តិចទាស់តែសោះ ដែលទង្វើបែបនេះត្រូវបានមហាជនសង្ស័យថា ស៊ីលុយលោកយិនរួចហើយ៕ សៀ-ឆៃណា
.jpg)
.jpg)
.jpg)
.png)
.jpg)
.jpg)
នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូ...Read more
តាមប្រភពព័ត៌មានបានឲ្យដឹងថា ក្នុងរយៈពេលប៉ុន្មានឆ្នាំនេះ ក្រុមហ៊ុន សុខ សំណាង ដែលទទួលបានសិទ្ធិ រកស៊ីឈើក្នុងទ្រង់ទ្រាយធំ បន្តពីក្រុមហ៊ុន ដាតា រ៉ាប់ប៊ើ និងក្រុមហ៊ុន ...Read more
ដីភ្នំនៅស្រុកមង្គលបូរីខេត្តបន្ទាយមានជ័យជាច្រើនកន្លែងកំពុងប្រឈមនឹងការឈូសឆាយ កាយយកអាចម៏ដីលក់យ៉ាងអណាធិបតេយ្យ បំភ្លេចបំផ្លាញភ្នំធម្មជាតិ ពីសំណាក់ក្រុមជនខិលខូច ដោយគេពុំដឹងថា ការ...Read more
ក្នុងវេទិកាសេរីកាលពីថ្ងៃទី១៨ខែវិច្ឆិកា ឆ្នាំ២០១៤កន្លងទៅ នៅក្នុងស្រុកថ្មពួកលោកគោសុំសារឿត អភិបាលខេត្តបន្ទាយមានជ័យបានលើកឡើងថា អាជ្ញាធរចាំតែសម្រួលតាមក្រោយទេចំពោះដីស្តូបដែលដា...Read more
នៅលើភិភពលោកនេះ គ្មាននរណាម្នាក់ចង់អោយប្រទេសជាតិមានសង្គ្រាមកើតឡើងនោះទេ សង្គ្រាមអាចធ្វើអោយប្រទេសជាតិធ្លាក់ដុនដាមខាងផ្នែកសេដ្ឋកិច្ច សង្គ្រាមអាចធ្វើអោយមនុស្សស្លាប់ បែកបាក់ព...Read more
តើអ្វីទៅជា អាថ៍កំបាំងស្រ្តី?
ស្រ្តីខឹងក៏នៅតែសើច គឺស្រ្តីឆ្លាត
ចរិយាសម្បត្តិល្អបំផុតរបស់នារីគឺភាពទន់ភ្លន់ ស្លូតបូត
វិធីរក្សារព្រហ្មចារីល្អបំផុតគឺរក្សាភាពម៉ឺាងម៉ាត់
ទឹកភ្នែកអាចកាត់បន្...Read more
អ្នកនយោបាយនៅកម្ពុជាត្រូវបានគេមើលឃើញថា ធ្វើនយោបាយដើម្បីតែអំណាចផ្ទាល់ខ្លួន អំណាចប្រមូលផ្តុំ បក្ខពួកនិយម ទាំងគណបក្សកាន់អំណាច និងគណបក្សប្រឆាំងគេចមិនផុតពីការតែងតាំង...Read more
យោងតាមប្រភពព័ត៌មានបានអោយដឹងថា នៅព្រឹកថ្ងៃទី១២ ខែវិច្ឆកា ឆ្នាំ២០១៥នេះ សមត្ថកិច្ចក្រុងបាត់ដំបងចាប់បានជនសង្ស័យ ដែលបានចាប់ខ្លួននាងក្រមុំអាយុ១៨ឆ្នាំ កំពុងលាងសណ្តែកនៅផ្ទះ...Read more
ខេត្តសៀមរាប ព្រឹកថ្ងៃទី២៨ ខែឧសភា ឆ្នាំ២០១៧ មានប្រជាពលរដ្ឋមួយចំនួនសម្ដែង ការមិនពេញចិត្តយ៉ាងខ្លាំង ចំពោះការបិទផ្លូវ ដើម្បីធ្វើការជួបជុំ និងឃោសនារកសម្លេងឆ្នោត របស់គណបក្ស សម្ព័នដើម្បីប្រជាធិប្បតេយ្យ នៅតាម...Read more
ប្រទេសជាតិជាច្រើននៅលើពិភពលោកយើងនេះ គឺរមែងតែងតែមានមេដឹកនាំ និងប្រជានុរាស្រ្តតិច ឬច្រើនអាស្រ័យទៅលើប្រទេសនោះតូចឬធំតែប៉ុណ្ណោះ ប្រទេសខ្លះគ្មានស្តេច តែមានប្រធានាធិបតី ឯប្រទេសខ្ល...Read more
| ថ្ងៃនេះ | 4171 | នាក់ |
| ម្សិលមិញ | 9591 | នាក់ |
| សប្ដាហ៍នេះ | 32730 | នាក់ |
| ខែនេះ | 180358 | នាក់ |
| ឆ្នាំនេះ | 3763018 | នាក់ |
| សរុប | 53122944 | នាក់ |
| ថ្ងៃទី 21 ខែ 11 ឆ្នាំ 2024 ម៉ោង 16:34 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net