មន្ត្រីពុករលួយប្រចាំទីក្រុង Guangxi ម្នាក់ និងប្រពន្ធ ត្រូវបានឃាត់ខ្លួន

កាលពីថ្មីៗនេះ មន្រ្តីប៉ូលីសជើងចាស់ប្រចាំទីក្រុង Guangxi របស់ប្រទេសចិន ត្រូវបានឃាត់ខ្លួន ជាមួយនឹងប្រពន្ធរបស់គាត់ បន្ទាប់ពីការទទួលសំណូកសូកប៉ាន់ ចំនួន ១.៥លានយ័ន ស្មើនឹង២៤០៦៧៣.៥ដុល្លារ។

យោងតាមប្រភពព័ត៌មានមួយ របស់ប្រទេសចិន បានឲ្យដឹងថា មន្រ្តីពុករលួយនេះ គឺមានឈ្មោះថា Song ដែលការឃាត់ខ្លួនមន្ត្រីពុករលួយរូបនេះ គឺបានធ្វើឡើងដោយការស៊ីបអង្កេត ហើយបានដឹងថា គាត់បានធ្វើដំណើរ ទៅប្រទេសវៀតណាម ជាមួយនឹងប្រពន្ធរបស់គាត់។

នេះគឺជារូបភាព នៅវេលាម៉ោង ៦ល្ងាច ថ្ងៃទី៥ ខែកុម្ភៈ ឆ្នាំ២០១៣ ដែលក្រុមមន្ត្រីរបស់ទីក្រុង Mong Caiប្រទេសវៀតណាម ធ្វើការឃាត់ខ្លួនមន្រ្តីពុករលួយ ឈ្មោះ Song។

សូមបញ្ជាក់ផងដែរថា បន្ទាប់ពីធ្វើការស៊ីបអង្កេត អស់រយៈពេល ២០ថ្ងៃ គឺទទួលបានលទ្ធផលថា លោក Song និងប្រពន្ធរបស់គាត់បានរត់ទៅប្រទេសវៀតណាម រហូតមកដល់ល្ងាចថ្ងៃទី៥ ខែកុម្ភៈ ឆ្នាំ២០១៣ មន្រ្តីពុករលួយឈ្មោះ Song និងប្រពន្ធ បានបង្ហាញខ្លួន នៅក្នុងទីក្រុង Mong Cai បន្ទាប់មកក៏ត្រូវបាន ក្រុមប៉ូលីសក្នុងទីក្រុង Mong Cai ឃាត់ខ្លួនបានតែម្តង។