វិធី​សម្រក​ទម្ងន់​៖ ទទួលទាន​តិច​ប៉ុន្តែ​ច្រើនដង

នៅពេលដែលអ្នកព្យាយាមកាត់បន្ថយចំនួនអាហារដែលអ្នកទទួលទាន អ្នកច្រើនតែកាត់បន្ថយចំនួនដងដែលអ្នកទទួលទានប៉ុន្តែវិធីសាស្ត្រ មួយនេះគឺជារូបមន្តនៃភាពបរាជ័យ។ ការបរិភោគតិចដងក្នុងមួយថ្ងៃ កាត់បន្ថយលទ្ធភាពរាង្គកាយរបស់អ្នកក្នុងការបំលែងអាហារទៅជាកម្លាំង ។

ម៉ារី បានឈ្នះនិងចាញ់សង្គ្រាមជាមួយនឹងទម្ងន់របស់នាងយ៉ាងតិចបួនដងក្នុង រយៈពេល១០ឆ្នាំកន្លងមកនេះ។ នាងអាចសម្រកទម្ងន់បានដល់ទៅ ២៧គីឡូក្រាម ប៉ុន្តែនៅពេលដែលបានសម្រកទម្ងន់បានដូចបំណងហើយនាងបែរជាភ្លេចខ្លួន បណ្តោយឱ្យឡើងទម្ងន់វិញ។

នាងបានសាកល្បងប្រើវិធីសាស្ត្រគ្រប់គ្រងអាហារដែលត្រូវចំណាយ ប្រាក់ជាច្រើនហើយថែមទាំងធ្លាប់បានទៅជួបពិភាក្សាជាមួយអ្នកជំនាញ ផ្នែកអាហារទៀតផងកាលពីមុន។ ប៉ុន្តែនាងចង់បានអ្វីដែលទាក់ទងទៅនឹងការផ្លាស់ប្តូរខ្លួនឯងឱ្យទៅជា ល្អជាងមុន។ បន្ទាប់មកនាងបានរកឃើញក្រុមអ្នកតមអាហារនៅក្នុងអ៊ីនធើរណេត ដែលជាក្រុមមួយជួយចែករំលែកពត៌មាន គាំទ្រ និងទូន្មានគ្នា។

ឥឡូវនាងបានចូលទៅក្រុមនោះមួយថ្ងៃពីរដងដើម្បីអានពត៌មាន។ នាងនិយាយថា “ខ្ញុំចូលចិត្តមើលអ្នកដទៃប្រឈមមុខនឹងបញ្ហាដែលប្រហាក់ប្រហែលនឹង បញ្ហារបស់ខ្ញុំ ហើយប្រមូលយកគំនិតពីអ្នកដទៃនៅក្នុងក្រុម”។

នាងបានចាប់ផ្តើមនិយាយពីប្រធានបទនៃការមិនបរិភោគអាហារដើម្បី សម្រកទម្ងន់។ នាងនិយាយថា “គ្មានផ្លូវដែលវិធីនេះអាចមានប្រសិទ្ធភាពនោះទេ។ ការទៅកន្លែងចាក់សាំងឡានតិចដងមិនអាចធ្វើឱ្យឡានរបស់អ្នកស៊ីសាំង តិចនោះទេ។ ក៏ដូចគ្នាទៅនឹងការញ៉ាំដែរ ការញ៉ាំតិចដងមិនមែនមានន័យថាអាចធ្វើឱ្យរាង្គកាយរបស់អ្នកញ៉ាំតិច នោះទេ។ វាមានន័យថា អ្នកនឹងកាន់តែឃ្លានខ្លាំងនៅពេលដែលអ្នកបរិភោគ នោះអ្នកនឹងញ៉ាំកាន់តែច្រើន ហើយប្រព័ន្ធក្នុងរាង្គកាយរបស់អ្នកមិនអាចរៀបចំក្នុងការគ្រប់គ្រង វាបាននោះទេ”៕