រកឃើញហ្សែនរីករាយ ក្នុងស្ត្រី

ថ្មីៗនេះ ក្រុមអ្នកវិទ្យាសាស្ត្រអាមេរិក បានឱ្យដឹងថា បានរកឃើញហ្សែនរីករាយមួយ ដែលអាចពន្យល់ថា ហេតុអ្វីស្ត្រីមានទំនោរសប្បាយរីករាយជាងបុរស។

ហ្សែនMAOA ឬម៉ូណូអាមីន អុកស៊ីដាស អេ (Monoamine Oxidase A) ដែលក៏ត្រូវរកឃើញថា មានការពាក់ព័ន្ធនឹងអាកប្បកិរិយាអវិជ្ជមាន ដូចជា ការញៀនសុរា ភាពព្រហើនកោងកាច និងអាកប្បកិរិយាប្រឆាំងសង្គម។

ប៉ុន្តែ ក្នុងការសិក្សាដែលទើបចុះផ្សាយក្នុងព្រឹត្តិបត្រProgress in Neuro Psychopharmacology & Biological Psychiatry អ្នកស្រាវជ្រាវបានរកឃើញថា ទម្រង់ហ្សែនដដែល ដែលមានកម្រិតទាប ក៏មានការពាក់ព័ន្ធនឹងសុភមង្គលខ្ពស់ ក្នុងស្ត្រីផងដែរ។

ដើម្បីបញ្ជាក់នូវលទ្ធផលនេះ អ្នកវិទ្យាសាស្ត្រពីសាកលវិទ្យាល័យសៅថ៍ហ្វរ្លីដា (University of South Florida), សាកលវិទ្យាល័យកូឡុំប៊ី (Columbia University), វិទ្យាស្ថានជាតិ សុខាភិបាល (National Institute of Health ) និង New York State Psychiatric Institute បានពិនិត្យមើលតួនាទីនៃហ្សែនMAOA។

អ្នកចូលរួម មានស្ត្រីចំនួន ១៩៣ និង បុរស ១៥២នាក់ ដោយDNA ត្រូវយកដើម្បីវិភាគរកហ្សែនMAOAហើយអ្នករួម ត្រូវសាកសួរ ដើម្បីកំណត់កម្រិតនៃភាពរីករាយរបស់ពួកគេ។ អ្វីដែលគួរឱ្យចាប់អារម្មណ៍ គឺថា បុរសដែលមានហ្សែនរីករាយដូចគ្នា តែមិនមានភាពសប្បាយរីករាយដូចដែលស្ត្រីមានឡើយ។

អ្នកស្រាវជ្រាវ បានឱ្យដឹងថា ហេតុផលដែលអាចទៅរួចម៉្យាងគឺថា អ័រម៉ូនថេស្តូស្តេរ៉ូន (Testosterone)ប្រហែលអាចកម្ចាត់នូវឥទ្ធិពលវិជ្ជមាន នៃហ្សែនMAOA ហើយបុរស ប្រហែលជាអាចសប្បាយរីករាយជាង នៅមុនពេញវ័យ ព្រោះកម្រិតថេស្តូស្តេរ៉ូន របស់ពួកគេនៅទាប។ ខណៈនោះដែរ ការសិក្សាដែលចុះផ្សាយក្នុងព្រឹត្តិបត្រJournal of Happiness Studies ក្នុងឆ្នាំ២០០៨ បានរកឃើញថា ខណៈ ដែលស្ត្រីចាប់ផ្តើមរីករាយក្នុងជីវិត បុរសតែងតែស្វែងរកសេចក្តីរីករាយ នៅអំឡុងដំណាក់កាលចុងក្រោយនៃជីវិត ដោយហេតុផល អាចមកពីគោលបំណងនៃជីវិតមិនទាន់ល្អ តាមគម្រោង ឬ ពួកគេពុំទាន់ពេញចិត្តចំពោះគោលបំណងនៃជីវិត៕ ដក​ស្រង់​ចេញ​ពី ​អង្គរធំ មេឌា*** សួម Share អត្ថបទ​ខាង​លើនេះ ​ទៅក្នុង​បណ្តាញ​សង្គមរបស់​អ្នក៖​