គេសង្ស័យថា សុខពិសី លួចបង្កាត់ភ្លើងស្នេហ៍ ជាមួយបុរសឯនាយសមុទ្រ

ទន្ទឹមនឹងកេរ្តិ៍ឈ្មោះ ភាពល្បីល្បាញនៅក្នុងពិភពសិល្បៈ បានកំពុងឈានឡើង​ជាលំដាក់​នោះ​​ កញ្ញា សុខ ពិសី ក៏ជាតា​រាស្រី​មួយ​ដួងផងដែរ ក្នុងចំណោមតារាស្រីឯទៀត ដែល​ធ្លាប់​ទទួ​ល​ រងនូវព្យុះភ្លៀងជុំវិញព័ត៌មានរឿង​អា​ស្រូវស្នេហា ជីវិតផ្ទាល់​ខ្លួនឯកជនខាងក្រៅ ។

ប៉ុន្តែរាល់​បញ្ហាដែលធ្លាប់កើតឡើងទាំងនោះ កញ្ញា​ សុខ ពិសី មិនដែលគេចវេសនោះឡើយ គឺនាង តែង​ចេញមុខធ្វើការបកស្រាយ និង បដិសេធ ដោយមិនទទួលស្គាល់ជានិច្ច។

ថ្វិដ្បិតតែរឿងចាស់បានកន្លងផុតទៅ ក៏ពិតមែន ប៉ុន្តែរឿងថ្មីតែងតែចេញមកលងបន្លាចអន្ទង​តា​ម​ប្រាណមិនចេះចប់ មិនចេះ​ហើយសោះ ជាស្តែងថ្មីៗនេះ ក៏ស្រាប់តែលេចធ្លាយព័ត៌មានថ្មី​មួយ​ទៀតមក​​ថា តារាចម្រៀង ល្បីឈ្មោះសាច់សខ្ចីកញ្ញា សុខ ពិសី បានលួចមានទំនាក់ទំន​ង​ស្នេ​ហា​ក្រៅ​ឆាក​ ​ជាមួយ បុរសអាណិកជនខ្មែរស់នៅក្រៅស្រុកម្នាក់។

បើតាមប្រភពដែលកៀកកិត និយាយក្នុងលក្ខ័ណសុំមិនបញ្ចេញឈ្មោះ បានប្រាប់ថា កញ្ញា សុខ ពិសី កំពុងលួច​លាក់មានស្នេហាជាមួយបុរសម្នាក់ ដែលជា​អាណិកជនខ្មែរ​ រស់នៅឯសហរ​ដ្ឋ​អា​​មេរិក ដោយពុំមានអ្នកណាបាន​ដឹងអំពីទំនាក់ទំនងស្នេហារវាងនាង និង បុរសម្នាក់នេះ​ឡើ​យ​។

ប្រភពនោះបានទម្លាយឲ្យ​ដឹងទៀតថា ដំបូងឡើយគេមិនបានដឹងទេថា សុខ ពិសី កំពុងលួច​បង្កាត់​ភ្លើងស្នេហ៍ជាមួយ​បុរស​អាណិកជនខ្មែរ- អាមេរិកម្ នាក់នេះទេ តែក្រោយមកទើប​គេបាន​ដឹង​ថា សុខ ពិសី កំពុងមានសេ្នហារជាមួយបុរសម្នាក់នេះ​ក្នុង​រូបភាព​មួយ ដោយពុំមាន​អ្នក​ដឹង​បន្តិចសោះ។

បុរសនាយសមុទ្រ ដែលមានទំនាក់ទំនងស្នេហាជាមួយកញ្ញា សុខ ពិសី ត្រូវបានប្រភព​ខាង​លើ និយាយទៀតថា ជាមនុស្ស​ម្នាក់ដែលមានទ្រព្យ សម្បត្តិយ៉ាងច្រើន មិនចាញ់អ្នកមាន​ នៅ​ក្នុង​ស្រុកខ្មែរប៉ុន្មាននោះទេ ។

ហេតុនេះហើយបានជា កញ្ញា សុខ ពិសី ដាក់ចិត្តសម្លឹងទៅ​មើល​អ្នកបុរសដែលឆ្លងទ្វីបម្នាក់នេះ។ ជុំវិញព័ត៌មានដែលលេចឮខាងលើនេះ​ នៅមិនទាន់អាចទំនាក់ទំ​នងដើ​ម្បីសំការបកស្រាយពីកញ្ញា សុខ ពិសី បាននៅឡើយទេ នៅ​ពេលថ្មីៗនេះ ​ព្រោះ​លេខទូរស័ព្ទរបស់នាង មិនអាចធ្វើការទាក់ទងបាន ៕ ប្រភពពី ខ្មែរ7មករា