ឃាតករសម្លាប់បងស្រីបងបង្កើតរបស់ខ្លួន នៅស្រុកចំការលើ ត្រូវនគរបាលចាប់ខ្លួនបានហើយ

ឃាតករដែជាជនដៃដល់​ដែល​បាន​វាយ​សម្លាប់​ស្ត្រី​មេម៉ាយ​ម្នាក់​នៅ​ស្រុក​ចំការលើ​បាន​ត្រូវ​សមត្ថកិច្ច ចាប់ខ្លួនបាន​ហើយ​នៅ​ម៉ោង​២​រសៀល ​ថ្ងៃទី​០៥​ ខែធ្នូ ​ឆ្នាំ​២០១៤​នេះ ក្រោយ​ពី​រត់​គេច​ខ្លួន​​បាន​មួយ​រយះ។

នគរបាលខេត្តកំពង់ចាម បានឲ្យដឹងថា ស្ត្រីរងគ្រោះមានឈ្មោះ យ៉ែម នាង អាយុ៥១ រស់​នៅ​ភូមិ​អូរតា សែង ស្រុកចំការលើ ខេត្តកំពង់​ចាម​។​សាក​សព​របស់​ស្ត្រីរង​គ្រោះ​ត្រូវបាន​គេប្រទះ​ឃើញ​ដេកស្លាប់នៅ ចំនុចខ្នារខាងកើត ចម្រាយ១៣០០ម៉ែត ភូមិឃុំ​កើត​ហេតុ​ខាង​លើ។ រីឯ​ជន​សង្ស័យជាឃាតករមាន ​ឈ្មោះ យ៉ែម ណាត អាយុ​៤៤​ឆ្នាំ​ត្រូវជា​ប្អូនប្រុស​បង្កើត​របស់​ស្ត្រី​រងគ្រោះ​បាន​សារភាព​ហើយ ថា​មូលហេតុ​ឈានទៅ​សម្លាប់​បងស្រី​ខ្លួនឯង​នេះ​ដោយសារ​ទំនាស់ពាក្យសម្តី ។​ 

លោក សាន សុភា នាយការិយាល័យ​ព្រហ្មទណ្ឌ​កម្រិតធ្ងន់​នៃ​ស្នងការដ្ឋាន​នគរ​បាល​ខេត្ត​កំ​ពង់​ចាម ​បាន​ឲ្យ​ដឹងថា សមត្ថកិច្ចយើងធ្វើឡើង ក្រោយពីមានបញ្ជាពីលោក​ឧ​ត្ត​ម​សេនីយ៍​ត្រី បែន រ័ត្ន ស្នងការ​នគរ បាល​ខេត្ត កម្លាំងរបស់យើងបានសហការជាមួយកម្លាំងគ្រប់មូលដ្ឋាន ទើប​ក្រោយ​ស្រាវជ្រាវក៏ ឈានដល់ការចាប់ខ្លួនជនសង្ស័យបានសម្រេច។

ក្រោយសួរនាំជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅតុលាការចាត់ការតាមច្បាប់៕