ម្តាយបង្កើតរបស់តារាចម្រៀងល្បីឈ្មោះ សុគន្ឋនីសា ត្រូវបានសមត្ថកិច្ចចាប់ខ្លួនពីបទឆបោក

ស្ត្រី​ម្នាក់វ័យ​ចំណាស់​ម្នាក់​​ដែល​គេ​អះអាងថា​ជា​ម្តាយបង្កើតរបស់​​តារាចម្រៀង​ល្បីឈ្មោះ សុគ​ន្ឋ នីសា ត្រូវបាន​សមត្ថកិច្ច​ឃាត់ខ្លួន​យោងតាម​ដីកា​បញ្ជា​ឲ្យ​ចូលខ្លួន​របស់លោក អ៊ុំ សុភ​ក្តិ ព្រះរាជអាជ្ញារង​នៃ​អយ្យការ​អម​សាលាដំបូង​រាជធានី​ភ្នំពេញ​កាល​ពី​ម្សិល​មិញ។

យោង​តាម​ប្រ​ភព​ព័ត៌មាន​បាល​អោយ​ដឹង​ថា កាលពី​​ព្រឹក​ថ្ងៃទី​១១ ខែធ្នូ ២០១៤ម្សិល​មិញ​ នៅ​ភោជនីយដ្ឋាន​ផ្កាឈូក​ថ្មី ស្ថិតនៅ​ទល់មុខ​មន្ទីរពេទ្យ​កាល់​ម៉ែត្រ តាម​បណ្តោយ​មហាវិថី​ព្រះមុនីវង្ស ស្ថិតក្នុង​សង្កាត់​ស្រះចក ខណ្ឌដូនពេញ សមត្ថ​កិច្ច​បាន​ចាប់​ឃ្លួន​ម្តាយ​របស់​តារា​ចម្រៀងសុគន្ធនីសា បញ្ចូល​ក្នុង​រថយន្ត ហើយ​បាន​បញ្ជូនមក​សាលាដំបូង​រាជធានី​ភ្នំ​ពេញ​​ពី​បទ​ឆបោក ។​ ​

យោងតាម​ដីកា​ចុះ​ថ្ងៃទី​០៣ ខែធ្នូ ឆ្នាំ២០១៤​បាន​ឲ្យ​ដឹងថា ស្ត្រី​ដែល​គេ​អះអាងថា​ត្រូវជា​ម្តាយបង្កើត​របស់​តារាចម្រៀង សុគ​ន្ឋ នីសា​នោះ ឈ្មោះ វ័ន សាវង្ស អាយុ​៦១​ឆ្នាំ ជា​ជនជាតិខ្មែរ មាន​ទីលំនៅ​ផ្ទះ​លេខ១០៩ ផ្លូវ​លេខ​៧០ សង្កាត់​ស្រះចក ខណ្ឌដូនពេញ ។​ តាម​ដីកា​ដដែល​អ្នកស្រី វ័ន សាវង្ស បាន​ប្រព្រឹត្ត​បទ​ឆបោក​នៅក្នុង​ភូមិ​ព្រៃ​ព្រីង​ខាងជើង សង្កាត់​ចោមចៅ ខណ្ឌ​ពោធិ​សែន​ជ័យ កាលពី​ថ្ងៃទី​១២ ខែឧសភា ២០១១៕