តៅ សាវឿន អតីតនិស្សិតសាកលវិទ្យាល័យ សៅស៍អ៊ីសថ៍អេយសៀ បញ្ចេញលិខិតសុំអភ័យទោស

ជាអតីតនិស្សិតមួយរូប នៃសាកលវិទ្យាល័យ សៅស៍អ៊ីសថ៍អេយសៀ លោក តៅ សាវឿន បាននឹងកំពុងស្តិតក្នុងមន្ទីរឃុំឃាំង ដោយសារតែកាលពី ថ្ងៃទី ២៦ ខែកញ្ញា ឆ្នាំ២០១៥ លោកបានសរសេរ បញ្ចេញមតិ នៅលើសេចក្ដីប្រការមួយរបស់សាកលវិទ្យាល័យ សៅស៍អ៊ីសថ៍អេយសៀ ផ្ដល់ដំណឹងដល់និស្សិតជ័យលាភីពីកាលបរិច្ឆេតនៃការទទួលសញ្ញាបត្រដែលនឹងត្រូវប្រព្រឹត្តិទៅនៅថ្ងៃទី ២៨ ខែកញ្ញា ឆ្នាំ២០១៥ ដោយលោក តៅ សាវឿន បានសេរសេរថា "ពេលសម្តេចមកដល់ដាក់គ្រាប់បែកអោយស្លាប់ទាំងអស់គ្នាតែម្ដង" ។ ក្រុមសមត្ថកិច្ចខេត្តសៀមរាប បានធ្វើការចាប់ខ្លួនគាត់ និងបញ្ជូនទៅតុលាការដើម្បីធ្វើការវិនិច្ឆ័យទោស។ តុលាការបានសម្រេចភ្លាមៗ ក្នុងកាឃុំខ្លួនលោក តៅ សាវឿន។ នៅព្រឹកថ្ងៃទី ០៥ ខែតុលា ឆ្នាំ២០១៥ លោក តៅ សាវឿន បានសរសេរ លិខិតមួយច្បាប់ ចេញពីមន្ទីរឃុំឃាំង ដើម្បីធ្វើការសុំ អភ័យទោស និងលើកលែង ពីសម្ដេចក្រឡាហោម សរ ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ដែលមានសេចក្ដីដូចខាងក្រោម៖