កម្មករ​វីង​ស្តា​ផ្ទុះ​កូដ​កម្ម​ជាង​១០០០​នាក់​ទាមទា​លក្ខ័ណ​ការ​ងារ

កូដកម្មមួយបានកើតឡើងតាំងពីព្រឹកថ្ងៃទី២៨ ខែមិថុនារហូតមកដល់ថ្ងៃទី២៩ឆ្នាំ២០១២ ស្ថិតនៅក្នុងឃុំមហាឬស្សីស្រុកកងពិសីខេត្តកំពង់ស្ពឺរវាងកម្មករ-ការិនី រោងចក្រវីងស្ដាប្រមាណជាង១០០០នាក់ បាននាំគ្នាធ្វើកូដកម្មមិនព្រមចូលធ្វើការដោយបានទាមទារឲ្យថៅកែ គោរពលក្ខ័ណការងាររបស់ពួកគេជាច្រើនចំណុច ទើបព្រមចូលធ្វើការវិញ។ 

ប្រភពព័ត៌មានបានអោយដឹងថាមូលហេតុដែលនាំអោយផ្ទុះកូដកម្មនេះគឺនៅពេល ដែលកម្មការិនីទាំងនោះទ្រាំពុំបាននៅទង្វើរបស់ក្រុមនិយោជកដែលមិន គោរពសិទ្ធិកម្មករនិងមានលក្ខ័ណការងារមិនល្អចំពោះពួកគាត់។ ប្រភពព័ត៌មានបានឲ្យដឹងទៀតថាមូលហេតុដែលនាំអោយពួកគេចេញធ្វើកូដកម្មនេះ ដោយសារតែ ពួកគាត់មិនទទួលបានសិទ្ធិគ្រប់គ្រាន់      ក៏មិនទទួលបានប្រាក់គ្រប់គ្រាន់សម្រាប់ទ្រទ្រងជីវភាពរបស់ពួកគាត់ដែល ពី១ថ្ងៃទៅ១ថ្ងៃទំនិញកាន់តែឡើងថ្លៃឯប្រាក់បៀវត្តន៏នៅតែដដែល។

មុនដំបូងការទាមទារបស់កម្មករមានតែ៤ចំណុចដែលរួមមាន ទី១.សុំបន្ថែម ប្រាក់ថ្លៃបាយក្នុងមួយថ្ងៃ ៤០០០រៀល ទី២. សុំបន្ថែមប្រាក់ថ្លៃស្នាក់នៅសម្រាប់កម្មការិនីដែលមានផ្ទះឆ្ងាយក្នុង មួយខែ១៥ដុល្លារ ទី៣. មិនឲ្យម្ចាស់រោងចក្រឬមេការរើសអើងចំពោះកម្មករ-ការិនី ព្រមទាំងអនុញ្ញាត្តឲ្យមានការបង្កើតសហជីពផងដែរ ទី៤. ត្រូវបញ្ឈប់កិច្ចសន្យាដែលមានរយៈពេលខ្លី។ បច្ចុប្បន្ននេះការទាម ទារបស់កម្មករបានកើងឡើងរហូតជាង១០ចំណុចហើយដែលក្រុមកម្មករបានរក ឃើញចំណុចអវិជ្ជមានរបស់ក្រុមនិយោជកនៃរោងចក្រមួយនេះ។ក្រុមកម្មករ បានអោយដឹងទៀតថា ពួកគាត់ នៅតែបន្តការតវ៉ាទាមទារឲ្យ ក្រុមនិយោជកអនុវត្តន៏ការគោរពសិទ្ធិកម្មករនិងមានលក្ខ័ណការងារល្អដល់ពួក គាត់ជាពិសេសអនុវត្តន៏គោរពច្បាប់ការងារនៃព្រះរាជាណាចក្រកម្ពុជា ដោយមានចុះជាលាយលក្ខអក្សរឲ្យបានត្រឹមត្រូវចំពោះមុខមន្ត្រីជំនាញនិង តំណាងកម្មករទើបពួកគាត់ព្រមចូលធ្វើការងារវិញ។

លោកស៊ិន ឈាងប្រធានមន្ទីការងារខេត្តកំពង់ស្ពឺមិនអាចសុំការបំភ្លឺបានទេ ដោយទូរស័្ទរបស់លោកមិនដំណើរការនៅវេលាម៉ោង២និង១៨នាទីថ្ងៃទី២៩ ខែមិថុនានេះ។តំណាងនយោជកនៃរោងចក្រវៃស្តាមិនអាចធ្វើការទំនាក់ទំនង សុំការបំភ្លឺបានផងដែរទាក់ទងនិងបញ្ហាខាងលើ។

ក្រុមកម្មករសុំអំពាវនាវដល់មន្រ្តីមន្ទីការងារខេត្តកំពង់ស្ពឺនិង សមត្ថកិច្ចដែលពាក់ព័ន្ធមេត្តារុះរាន់ចុះអនុវត្តន៏កាតព្វកិច្ចរបស់ខ្លួន ឪ្យបានឆាប់រហ័សដើម្បីដោះស្រាយបញ្ហាជូនពួកគាត់ខណះពេលដែលពួកគាត់នៅមិន ទាន់បានទទួលលិទ្ធផលពីក្រុមនិយោជកនិងមិនមានការអើពើពីមន្ត្រីជំនាញណា មួយចូលខ្លួនមកដោះស្រាយនៅឡើយ៕