ឡើងពីស្រែរត់មកផ្ទះត្រូវរន្ទះបាញ់ស្លាប់ទាំងវ័យក្មេង

រន្ទះបាញ់បានប្រល័យស្រីជំទង់ម្នាក់ខណៈដែលនាងឡើងពីដកសំណាបនៅឯ ស្រែត្រឡប់មកផ្ទះវិញ ពេលមេឃភ្លៀងកំពុងតែធ្លាក់យ៉ាងខ្លាំង ។

ហតុការណ៏នោះបានកើតឡើងកាលពី ថ្ងៃទី២២ សីហា ២០១២វេលាម៉ោង៣រសៀល នៅក្នុងឃុំព្រៃក្រសាំង ស្រុកឧដុង្គ ខេត្តកំពង់ស្ពឺ។

ព័ត៌មានពីអ្នកភូមិបានឱ្យដឹងថា មុនពេលកើតហេតុនាងនិងម្តាយមីងបាននាំគ្នាទៅដកសំណាបនៅឯស្រែ ពុំទាន់រួចរាល់ផងភ្លៀងក៏ធ្លាក់ខ្លាំង និងមានផ្លេកបន្ទោរ រន្ទះ ក៏ស្រូតរូតរះប្រញាប់ប្រញាល់មកផ្ទះវិញ ។ សល់ត្រឹមតែ១៥០ម៉ែត្រ ទៀតដល់ភូមិ ជាអកុសលនាងក៏ត្រូវរន្ទះកំណាចបាញ់ប្រហារ បណ្តាលឱ្យស្លាប់បាត់បង់ជីវិត ឯម្តាយមីងក្រោយពីដួលសន្លប់មួយសន្ទុះដឹងខ្លួនវិញ ឃើញក្មួយស្រីដេកដួលក៏រត់ទៅប្រាប់ម្តាយឪពុកនាង រួមទាំងអ្នកភូមិមកជួយសង្គ្រោះ តែជាអកុសលនាងបានស្លាប់បាត់ទៅហើយ។

មន្រ្តីនគនបាលស្រុកឧដុង្តបានឧ្យដឹងថា ក្មេងស្រីរងគ្រោះឈ្មោះម៉ៅ ចាន់ណា អាយុ១៥ឆ្នាំ មានលំនៅភូមិត្រពាំងបំរុះ ឃុំព្រៃក្រសាំង ស្រុកឧដុង្គ ។

បច្ចុប្បន្នសពត្រូវក្រុមគ្រួសារយកទៅធ្វើបុណ្យប្រពៃណីនៅលំនៅឋាន ភូមិត្រពាំងបំរុះ ឃុំព្រៃក្រសាំង ស្រុកឧដុង្គ៕