លទ្ធផលប្រលងមធ្យមសិក្សាទុតិយភូមិចំណេះទូទៅនិងបំពេញវិជ្ជា ខេត្តកណ្តាល

លទ្ធផលប្រលងសញ្ញាប័ត្រមធ្យមសិស្សាទុតិយភូមិ(បាក់ឌុប)ឆ្នាំនេះនៅទូទាំងប្រទេសមានបេក្ខជន ប្រលង ជាប់ បាន ៨៦.៤០ ភាគរយ។ នេះយោង តាមប្រសាសន៍របស់ លោក សំ សេរីរ័ត្ន អគ្គនាយកអប់រំ នៃ ក្រសួងអប់រំយុវជន និង កីឡា។ លោក សំ សេរីរ័ត្ន បានបន្ថែមថា អ្នកជាប់និទ្ទេស A មាន ១០៥ នាក់ នៅទូទាំងប្រទេស។

ដោយឡែកលទ្ឋផលប្រលងសញ្ញាប័ត្រមធ្យមសិក្សាទុតិយភូមិចំណេះទូទៅនិងបំពេញវិជ្ជាខេត្តកណ្តាលសម័យប្រលងទី០៦ ខែសីហា ឆ្នាំ២០១២ កន្លងមកនេះ។ចំនួនេបក្ខជនមក ប្រលងមាន ១៣៥០៩នាក់ ស្រី ៥៥៥៣នាក់ ។បេក្ខជនប្រលងជាប់ចំនួន ១០៧០៣នាក់ ស្រី ៤៨៧៥នាក់ ស្មើនឹង ៧៩,២៣% នៃចំនួនសិស្សសរុបទូទាំងខេត្ត ក្នុងនោះនិទ្ទេស A មាន៦នាក់ ស្រី៣នាក់ Bមាន១៩៣នាក់ ស្រី១០៧នាក់ Cមាន១៣៥៤នាក់ ស្រី៧៥៩នាក់ Dមាន៤១៨៣នាក់ ស្រី២១៦២នាក់ និងនិទេ្ទសEមាន៤៩៦៧នាក់ ស្រី១៨៤៤នាក់ ។ លទ្ឋផលនេះបានមកពីលោកប្រធានមន្ទីរអប់រំ យុវជននិងកីឡាខេត្តកណ្តាល ។

លោក កែម ឡី បញ្ជាក់ថា អង្គការរបស់លោកបានសិក្សាស្រាវជ្រាវមណ្ឌលប្រឡងនាទីក្រុងភ្នំពេញ ឃើញថា មានសិស្ស៦០ទៅ៧០% ដែលចម្លងគ្នា និងមើលកំណែចម្លើយ។ លោកថ្លែងបន្តថា តាមការសិក្សាស្រាវជ្រាវឃើញថា បេក្ខជនប្រឡងមានមធ្យោបាយជាច្រើនក្នុងការចម្លងគ្នា និងការទទួលបានកំណែចម្លើយ ដូចជាការប្រើទូរស័ព្ទដើម្បីបញ្ជូនកំណែ ការប្រើលុយដើម្បីទិញទឹកចិត្តអនុរក្សនាពេលប្រឡង កុំឲ្យចាប់ព្រុយយ៉ុង ការរៃលុយឲ្យគ្រូ ដើម្បីធ្វើកំណែឲ្យជាដើម។

តាមរបាយការណ៏ក្រសួងអប់រំយុវជននិងកីឡាបានឲ្យដឹងថាបេក្ខជន ជាសិស្សថ្នាក់ទី១២ ចំនួន ១១៤.៤១៤ នាក់ បានចូលរួមប្រលងយកសញ្ញាប័ត្រមធ្យមសិក្សាទុតិយភូមិ ឬប្រលងបាក់ឌុប នៅឆ្នាំ២០១២នេះ។ នៅទូទាំងប្រទេស មានមណ្ឌលប្រលងចំនួន ២៥៤ និងចែកចេញជា ៤.៦៦២ បន្ទប់។

ដោយឡែកកាលពីឆ្នាំមុន មានបេក្ខជនជាប់ចំនួន ៩២ ២៣២ នាក់ ឬ ជាប់ ៨២, ៨៨% ដែលក្នុងនោះបេក្ខជនទទួលនិទ្ទេស A ចំនួន៥៣នាក់ (វិទ្យាសាស្ត្រពិតទាំងអស់), B ចំនួន២០២៤នាក់, C ១២ ៤៥៣ នាក់ D ២៤ ៦៤១ នាក់ និងក្រៅពីនោះគឺទទួលបាននិទ្ទេសEទាំងអស់។

ទោះយ៉ាងណា ទាក់ទងនឹងលទ្ធផលនៃការប្រឡងបាក់ឌុប ប្រធានសមាគមគ្រូបង្រៀនឯករាជ្យ លោក រ៉ុង ឈុន បដិសេធថា វាមិនមែនជាលទ្ធផលឆ្លុះបញ្ចាំងពីគុណភាពនៃការអប់រំនោះឡើយ វាជាការបង្ហាញបរិមាណ ព្រោះលទ្ធផលនៃការប្រឡងនេះ កើតចេញពីការចម្លងគ្នារបស់សិស្សនៅពេលប្រឡង៖ «ថ្នាក់ដឹកនាំ ក្រសួងអប់រំ តែងតែប្រកាសថា ល្អៗ ហើយលទ្ធផលយើងទទួលស្គាល់ថា សិស្សមួយចំនួនតូច មានសមត្ថភាពពិតប្រាកដ។ ប៉ុន្តែ មួយចំនួនធំអត់មានសមត្ថភាព ហើយមិនឆ្លើយតបទៅនឹងបរិយាកាសនៃការប្រឡង ពីព្រោះការប្រព្រឹត្តនៃការប្រឡងមានបរិយាកាសអាក្រក់ មានភាពមិនប្រក្រតីកើតឡើង ដូចជាការប្រមូលលុយ ការបើកចម្លង ការផ្ដល់ចម្លើយតាមរយៈទូរស័ព្ទមានជាច្រើន៕ដោយៈសុភា