បុរសម្នាក់ស្លាប់លើបង្គងដោយប្រពន្ធចាប់រំលោភ

បុរសដ៏ល្បី និងមានលុយកាក់ រាប់សិបលានដែលស្ថិត ក្នុងលំដាប់សេដ្ឋីម្នាក់ បានស្លាប់លើបង្គង ដោយសារតែប្រពន្ធ ទាំង៥ បានដាក់ទោស និងបង្ខំលោកឱ្យរួមភេទ ជាមួយពួកនាង បន្ដវេនគ្នា ពីមួយទៅមួយ ហើយនៅទីបំផុតលោក ក៏ស្លាប់ពេលដល់វេននាងទី៤។ ហេតុការណ៍នេះ ក៏ជាគំរូមួយសម្រាប់បុរស ទូទៅផងដែរ ដែលចូលចិត្ដមាន ដៃគូច្រើននាក់នោះ ។

យោងតាមប្រភពព័ត៌មាន បានឱ្យដឹងថា បុរសសេដ្ឋីដែលបានស្លាប់នេះ គឺមានឈ្មោះថា អ៊ូរ៉ូហ្គោ អូណូចា ដែលជា មនុស្សល្បីឈ្មោះ និងជាសេដ្ឋីម្នាក់ ដែលរស់នៅក្នុងតំបន់ Ugbugbu Owukpa” រដ្ឋ “Benue State ” ប្រទេស នីហ្សេរីយ៉ា តែនៅទីបំផុតជីវិត របស់លោកត្រូវបានបាត់បង់ ព្រោះតែសិច ដែលវាបន្សល់ នូវការអាម៉ាស់ និងរឿង អស់សំណើចដល់ មនុស្សលោកផងដែរ។

ហេតុការណ៍គួរឱ្យភ្ញាក់ផ្អើលនេះ កើតឡើងកាលពីថ្ងៃទី១៧ កក្កដា គឺនៅ ពេលលោក អូណូចា អ្នកជំនួញដ៏ស្ដុកស្ដម្ភ រួមរ័កជាមួយ ប្រពន្ធទី៦របស់ខ្លួន ហើយពេលនោះ ក៏ស្រាប់តែត្រូវបានប្រពន្ធ ៥ នាក់ទៀត កើតរោគប្រច័ណ្ឌ ដោយមានខ្លះកាន់កាំបិត ខ្លះព្រនង់ចូលទៅ បង្ខំឱ្យប្រគល់សេចក្ដីសុខ ផ្លូវភេទដល់ពួកនាង ក្នុងពេលតែមួយនោះ។

សារព័ត៌មាននេះសរសេរថា ដោយសារតែប្រពន្ធបង្ខំ និងប្រើពាក្យ គំរាមខ្លាំងពេក ទើបលោក អូណូចា ក៏យល់ព្រមរួមរ័ក ជាមួយប្រពន្ធម្នាក់ម្ដង លុះដល់ប្រពន្ធទី៤ សេដ្ឋីនោះក៏ស្លាប់លើបង្គងតែម្ដង ។

ស្ដ្រីជាប្រពន្ធ ២នាក់របស់លោកអូណូចា ត្រូវប៉ូលិសចាប់ខ្លួន ពីបទចាប់រំលោភប្ដីរហូតស្លាប់ ។ នៅក្នុងរបាយការណ៍ បញ្ជាក់ថា លោក អូណូចា បានត្រឡប់មកពីក្លឹប កម្សាន្ដមួយក្នុងទីក្រុង អុកបាឌីបូ នៅវេលាម៉ោង ៣ទៀបភ្លឺ និងដើរ ចូលទៅបន្ទប់ប្រពន្ធវ័យ ក្មេងជាប្រពន្ធទី៦។ ចំណែកប្រពន្ធ៥នាក់ទៀត ដែលមានគម្រោងធ្វើ បាបប្ដីក៏ដើរចូលទៅ បន្ទប់ របស់ប្រពន្ធទី៦ រួមទាំងទាមទារសិទ្ធិជាប្រពន្ធរបស់ពួកនាង ។

លោកអូណូចា ខំប្រឹងរើបម្រះ និងបដិសេធថា ទៅមិនរួច ប៉ុន្ដែជាចុងក្រោយ ក៏យល់ព្រមតាមអំណាច បង្ខិតបង្ខំរបស់ប្រពន្ធ ទាំង៥នាក់ដោយនៅពេលនោះ លោកគ្មានកម្លាំង និងអារម្មណ៍ឡើយ ជាងនេះទៅទៀត នោះប្រពន្ធទាំង៥នោះមុន នឹងចាប់ផ្ដើមឱ្យ បុរសជាប្ដីរួមរ័កជាមួយ ពួកនាងនោះគេ បានបង្ខំរូបលោក ឱ្យរួមរ័កជាមួយ នឹងប្រព័ន្ធទី៦ ដែលមានវ័យក្មេង រហូតដល់បានសម្រេច ទើបពួកនាងបង្ខំលោកឱ្យមក រួមរ័ក ជាមួយនឹងពួកនាងម្ដង ម្នាក់ៗតាមលេខរៀង ហើយបុរសរងគ្រោះ ផុតដង្ហើមក្រោយ ពីរួមរ័កជាមួយប្រពន្ធទី៤ ។

ទាក់ទិននឹងរឿងនេះប្រពន្ធទី៦ បង្ហើបឱ្យដឹងថា ក្នុងអំឡុងពេលភ្លាមៗ ដែលបានដឹងថាប្ដីស្លាប់ ប្រពន្ធទាំង៥នាក់នោះ បាននាំគ្នារត់ចូល ទៅក្នុងព្រៃ តែក្រោយមកមេភូមិ ដែលដឹងពីហេតុការណ៍នេះ ក៏ប្ដឹងប៉ូលិសឱ្យ ចាប់ខ្លួនបានតែម្ដង ទៅ ដើម្បីដោះស្រាយតាមផ្លូវច្បាប់ ៕(ដកស្រង់ពី lookingTODAY)