ស្ថានទូតសហរដ្ឋអាមេរិកនៅទីក្រុងបាងកក ប្រទេសថៃនឹងបិទទ្ធានៅល្ងាចថ្ងៃអង្គា ទី១៨នេះ

សេចក្តីរាយការណ៍របស់គេហទំព័របាងកកប៉ុស្តិ៍បានឱ្យដឹងថា នៅល្ថាចថ្ងៃអង្គារ៍នេះ ស្ថានទូតសហរដ្ឋអាមេរិកប្រចាំនៅប្រទេសថៃនឹងបិទទ្វារបន្ទាប់ពីប៉ូលីសថៃបានប្រាប់ឱ្យដឹងអំពីការប្រមូលផ្ត៊ុំគ្នារធ្វើបាតុកម្មរយៈពេល មួយម៉ោង ដោយក្រុមបាតុករជាច្រើនរយនាក់ ដែលនឹងចាប់ផ្តើមពីម៉ោង១រសៀលនេះតទៅ។
មន្ត្រីស្ថានបានផ្ញើសារទៅពលរដ្ឋរបស់ខ្លួននៅក្នុងប្រទេសថៃឱ្យដឹងថា ការណាត់ជួប ការធ្វើទិដ្ឋការដែលបានកំណត់ នៅល្ងាចថ្ងៃអង្គារ៍នេះ នឹងត្រូវលើកពេលទៅថ្ងៃក្រោយ ហើយបុគ្គលិក ដែលមិនចាំបាច់នឹងត្រូវអនុញ្ញាតិឱ្យចាកចេញពីស្ថានទូត។
បណ្តាស្ថានទូតសហរដ្ឋអាមេរិកបានរងការគំរាមកំហែងពីបាតុកម្មករកាន់សាសនា អ៊ីស្លាម បន្ទាប់ពីការចាក់បញ្ចាំង ខ្សែភាពយន្តឯកសាររបស់អាមេរិចដែលមានលក្ខណៈចំអកមើលងាយលើព្យាការី(ព្រះរបស់សាសនាអ៊ីស្លាម។)Muhammad
បន្ថែមលើនេះទៀត ស្ថានទូតអាមេរិកបានស្នើឱ្យប្រជាពលរដ្ឋរបស់ខ្លួន មានការប្រុងប្រយ័ត្នខ្ពស់ ទោះម្បីជាមិនទាន់មានសញ្ញាណមួយ ពីការគំរាមកំហែងប្រឆាំង ពលរដ្ឋអាមេរិកក៏ដោយ៕