ស្ថានទូតអាមេរិកនៅប៉ាគីស្ថានត្រូវក្រុមបាតុករឡោមព័ទ្ធ

ដោយការខឹងសម្បាពី ខ្សែភាពយន្ដ ប្រមាថមាក់ងាយដល់ជំនឿដ៏ស័ក្ដិសិទ្ធិ របស់សាសនាអ៊ិបស្លាម នៅថ្ងៃទី២១ កញ្ញា បាតុករប៉ាគីស្ថានរាប់ពាន់នាក់បានឡោម ព័ទ្ធស្ថានទូតអាមេរិកប្រចាំនៅប៉ាគីស្ថាន ធ្វើឱ្យប៉ូលិសត្រូវតែប្រើប្រាស់ឧស្ម័នបង្ហូរ ទឹកភ្នែកដើម្បីបំបែកហ្វូងបាតុករទាំង នោះ ។ ប៉ូលិសក៏បានឃាត់ខ្លួនបាតុករដៃ ដល់ប្រមាណ៥០នាក់ដែលប៉ុនប៉ងបំផ្លាញ ស្ថានទូតអាមេរិកផងដែរ ។

បាតុករប្រមាណ៥ពាន់នាក់បានកាន់ ទង់ជាតិសាសនាអ៊ិងស្លាមដង្ហែតាមដង ផ្លូវ ទន្ទឹមនឹងនោះបាតុករក៏បានគប់ដុំថ្ម ទៅលើប៉ូលិស និងកម្លាំងសន្ដិសុខដែល រារាំងហ្វូងបាតុកម្មដង្ហែក្បួនឆ្ពោះទៅស្ថាន ទូតអាមេរិកនៅទីក្រុងអ៊ិសស្លាមម៉ាបាត ។ ដោយរងឥទ្ធិពលនៃការប្រមាថមាក់ងាយ និងមានការជំរុញដុតបញ្ឆេះពីក្រុមជ្រុល និយមមួយចំនួន បានធ្វើឱ្យការប្រមូលផ្ដុំ ប្រឆាំងបាតុកម្មអាមេរិក កាន់តែរាល ដាលខ្លាំងឡើងៗ ដោយក្នុងនោះមានទាំង និស្សិតចូលរួមបាតុកម្មដោយប្រើហិង្សា ផងដែរ ។ កម្លាំងទាហានត្រូវលូកដៃចូល ការពារពេលបាតុករមិនអាចទប់នូវ កំហឹងរបស់ខ្លួនបាន ក៏បើកការវាយប្រហារ ទៅលើប៉ូលិសបណ្ដាលឱ្យមានអ្នករង របួសរាប់សិបនាក់ផងដែរ ។

រដ្ឋមន្ដ្រីក្រសួងព័ត៌មានប៉ាគី ស្ថាន លោក Qamar Zeman Kaira បានថ្កោល ទោសដល់ក្រុមបាតុករដែលប៉ុនប៉ងបង្ក ហិង្សា ដោយលោកបញ្ជាក់ថា កាតព្វកិច្ច ការពារមន្ដ្រីការបរទេស ជនបរទេសជា តួនាទីរបស់ប្រទេសជាតិ ។

ខ្សែភាពយន្ដដែលមានខ្លឹមសារប្រមាថ មាក់ងាយដល់ព្រះមហាម៉េតដ៏ស័ក្ដិសិទ្ធិ បង្កឱ្យមានការក្រោកឈរឡើងធ្វើបាតុកម្ម នៅគ្រប់ទិសទីជុំវិញពិភពលោក ។

ចាប់តាំងពីពេលនោះមក បាតុកម្ម ប្រឆាំងអាមេរិកផ្ទុះឡើងនៅគ្រប់ទិសទី មិនត្រឹមតែប៉ុណ្ណោះ ក្រុមបាតុករក៏បាន ដុតកម្ទេចទង់ជាតិអាមេរិក ក៏ដូចជាដុត បំផ្លាញរូបប្រធានាធិបតី បារ៉ាក់ អូបាម៉ា ផងដែរ ។ នៅថ្ងៃសុក្រម្សិលមិញនេះជា ថ្ងៃបុណ្យស្រន់របស់សាសនិកអ៊ិបស្លាម ក៏ ជាថ្ងៃបុណ្យជាតិនៅប៉ាគីស្ថាន មានបាតុករ ជាច្រើនបានប្រមូលផ្ដុំតាមដងវិថី សំខាន់ៗក្នុងទីក្រុងអ៊ិងស្លាមម៉ាបាត ។

ការធ្វើបាតុកម្មប្រឆាំងអាមេរិ ករយៈ ពេលកន្លងមក បណ្ដាលឱ្យមានមនុស្ស ៣០នាក់បាត់បង់ជីវិតនៅក្នុងប្រទេស ចំនួន៧ ក្នុងនោះមានទាំងឯកអគ្គរដ្ឋទូត អាមេរិកប្រចាំនៅលីប៊ី លោកគ្រីស្ទេវេន ផងដែរ ។ ចំណែកនៅក្នុងប្រទេសប៉ាគីស្ថាន ក៏មានមនុស្ស២នាក់ស្លាប់ដោយសារ បាតុកម្មប្រឆាំងអាមេរិក ៕