ឧទ្ទម្ភាគចក្រ យោធាមួយ​ក្រឿង​ធ្លាក់​ស្លាប់​មនុស្ស​៥នាក់

ក្រុមអាជ្ញាធរបាន រាយការណ៍ថា យ៉ាងហោចណាស់ មានមនុស្ស ៥នាក់បានស្លាប់ ក្រោយពេលដែល ឧទ្ធម្ភាគចក្រ យោធាមួយគ្រឿង បានធ្លាក់កាលពី ថ្ងៃអង្គារ ទី២៥ ខែធ្នូ តំបន់គីរ៉ូវូក្រាដ កណ្តាលប្រទេស អ៊ុយក្រែន។

យោងតាមទីភ្នាក់ងារព័ត៌មានចិន ស៊ិនហួ បានឲ្យដឹងនៅថ្ងៃពុធ ទី២៦ ខែធ្នូ ឆ្នាំ២០១២ ដោយផ្អែកតាមការ លើកឡើងរបស់ មន្រ្តីក្រសួងមហាផ្ទៃ អ៊ុយក្រែនថា «ឧទ្ធម្ភាគចក្រប្រភេទ M18 បានធ្លាក់នៅវេលា ម៉ោងប្រហែល ៤រសៀល ម៉ោងក្នុងតំបន់ តែក្នុងរយៈពេលខ្លីបន្ទាប់ ពីធ្វើការហោះហើរបានបន្តិច។

សារព័ត៌មានបានផ្សាយថា ឧទ្ធម្ភាគចក្រដែលធ្លាក់នោះ គឺផ្ទុកមនុស្សចំនួន ៥នាក់ ដែលមាន សមាជិកក្រុម អាកាសយាន្តនិក ៣នាក់ និងក្រុមការងារ ពីរនាក់ទៀត។ ពួកគេទំាងនោះ គឺស្លាប់ ទំាងអស់នៅក្នុង ឧប្បតិវហេតុ ធ្លាក់នោះ។
ពាក់ព័ន្ធនឹងការធ្លាក់ឧទ្ធម្ភាគចក្រយោធាមួយគ្រឿងនោះដែរ ការស៊ើបអង្កេតកំពុងតែ ដំណើរការផងដែរ៕