នាយករដ្ឋមន្រ្តីថៃ ចុះជួយឃោសនា បោះឆ្នោតជ្រើស រើសអភិបាលក្រុង បាងកក

នាយករដ្ឋមន្រ្តី យីងឡាក់ ចុះជួយឃោសនារកសម្លេងឆ្នោត ដល់បេក្ខជន អភិបាលក្រុងបាងកក មកពីបក្សភឿថៃនៅក្នុងក្រុង បាងកកនៅថ្ងៃដំបូង។យោង តាមគេហទំព័រ The Nation របស់ថៃ នៅថ្ងៃ ពុធ ទី ១៦ ខែ មករា នេះបានឲ្យដឹងថា លោកស្រី យីងឡាក់ ស៊ីណាវ៉ាត្រា នាយករដ្ឋមន្រ្តីថៃ បានចុះជួយ ឃោសនារក សម្លេងឆ្នោតថ្ងៃដំបូងនៅតាមទីប្រជុំជនច្រើនកន្លែងក្នុងទីក្រុង បាងកក ដើម្បីទាក់ទាញប្រជាប្រិយភាពឲ្យឧត្តមសេនីយ៍ ផុងសាផាត់ ផុងចម្រើន បេក្ខជនឈរ ឈ្មោះ អភិ បាលក្រុង បាងកក មកពីភឿថៃ។

លោក ផុងសាផាត់ បានថ្លែង ពីនយោបាយបក្សភឿថៃថា « ទីណាប្រជាជនមានទុក្ខលំបាក ទីនោះមាន ផុងសាផាត់ ជាអ្នកដោះស្រាយបញ្ហា» នេះជាពាក្យ ស្លោកក្នុង យុទ្ធនាការរកសម្លេងឆ្នោតនៅក្នុងក្រុងបាងកករបស់បក្សភឿថៃ ដើម្បីប្រកួតប្រជែងជាមួយ បេក្ខជន មកពីបក្សប្រជាធិបតេយ្យ (បក្សប្រឆាំង) គឺ ព្រះអង្គម្ចាស់ សុខុម ផាន់ បរិផាត់ ជាអតីតអភិបាលក្រុងបាងកក ដែលកំពុងជាប់ពាក់ព័ន្ធនឹងរឿងក្តីអំពើពុករលួយលើគម្រោងអភិវឌ្ឍន៍ក្រុង បាងកក កាលដែលលោកកាន់ តំណែង អភិបាល ក្រុង បាងកក បច្ចុប្បន្ន ត្រូវអង្គភាពអំពើពុករលួយ កោះហៅទៅបំភ្លឺផងដែរ៕