៨នាក់​ស្លាប់ក្នុង​ហេតុការ​ណ៍​ធ្លាក់​យន្ត​ហោះ

អាជ្ញាធរ មិកស៊ិក បាននិយាយថា យ៉ាងហោចណាស់ មានអ្នកដំណើរចំនួន ៨នាក់បានស្លាប់ នៅ​ថ្ងៃ​ព្រហស្បតិ៍ ទី១៧ ខែមករា នៅពេលដែលយន្តហោះ ធនតូចមួយគ្រឿងធ្លាក់ ខណៈពេលធ្វើការហោះហើរ បានបន្តិចពីអាកាសយានដ្ឋាន ទុកថ្លា ហ្គាតធ័ររេស ភាគអាគ្នេហ៍រដ្ឋ ឈីបា ប្រទេស មិកស៊ិកយោងតាមទីភ្នាក់ងារព័ត៌មានចិន ស៊ិនហួ បានឲ្យដឹងនៅថ្ងៃសុក្រ ទី១៨ ខែមករា ឆ្នាំ២០១៣ថា ឧប្បតិហេតុនេះ បានកើតឡើងនៅវេលាម៉ោង ប្រហែល ជា ០២ រសៀល ម៉ោងក្នុងតំបន់។

យន្តហោះធនតូចមួយគ្រឿងដែលធ្លាក់នោះ ជាកម្មសិទ្ធិរបស់ក្រុមហ៊ុនអាកាសចរណ៍ឯកជនមួយ ដែល បានធ្វើដំណើរទៅរដ្ឋ អុកសាកា ភាគអាគ្នេយ៍ ហើយក៏បានជួបប្រទះនឹងខ្យល់បក់បោកខ្លំាងខណៈកំពុងហោះហើរ។ នេះបើផ្អែកតាមការលើកឡើង នាយកដ្ឋានការពារស៊ីវិល។ការអះអាងមិនផ្លូវការមួយ បានលើកឡើងថា ការធ្លាក់នោះដោយសារបញ្ហាផ្ទុះម៉ាស៊ីនមួយផ្នែកប្រភេទ ភីអេ-៣១ គំរូ ភីបភ័រ ណាវ៉ាចូ នៃយន្តហោះ។ បើតាមសាក្សីបាននិយាយថា ឧប្បតិហេតុនេះ បានកើតឡើងនៅពេលដែលយន្តហោះហោះឡើងបន្តិច ក្រោយមកក៏មានភ្លើង និងផ្សែងហុយ ចេញ ពីស្លាប មួយចំហៀងរបស់យន្តហោះ។

ចំណែកទិន្នន័យដំបូងបានបង្ហាញថា គ្រោះថ្នាក់នេះ កើតឡើងដោយសារតែបញ្ហាអាកាសធាតុ អាក្រក់។ក្នុង ចំណោម ជនរងគ្រោះដែលស្លាប់ទំាង ៨នាក់នោះរួមមាន មនុស្សជំទង់ ៣នាក់ ក្មេង ៣នាក់ និងអាកាសយានិក ២នាក់ផងដែរ។