ពីថ្ងៃទី ២-៥ ខែធ្នូ ឆ្នាំ២០១៤នេះ ប្រទេសកម្ពុជានិងចុះត្រជាក់ខ្លាំង

បើយោងតាមការព្យាករណ៍របស់ក្រសួងធនធានទឹក និងឧតុនិយមបានអោយដឹងថា ខ្យល់មូសុងឦសាន ជ្រលងសម្ពាធខ្ពស់ស៊ីបេរី នឹងបង្កើនឥទ្ធិពលខ្លាំងមកលើតំបន់ភាគខាងជើងប្រទេសកម្ពុជា ដែលស្ថានភាពនេះ វានឹងធ្វើឲ្យអាកាសធាតុនៅប្រទេសកម្ពុជា ចុះត្រជាក់ចាប់ពីថ្ងៃទី០២ ដល់ថ្ងៃទី០៥ ខែធ្នូ ឆ្នាំ២០១៤។

ក្នុងនោះ តំបន់ភ្នំ តំបន់ខ្ពង់រាបភាគខាងជើង និងឦសាន រួមមានតំបន់ខ្នងភ្នំដងរែក ខេត្តឧត្តរមានជ័យ ព្រះវិហារ មណ្ឌលគិរី និងខេត្តរតនគិរី សីតុណ្ហភាពអប្បបរមា មានពី ១៣-១៦ អង្សាសេ, សីតុណ្ហភាពអតិបរមា ២៥-២៧ អង្សារសេ។

នៅខេត្តបន្ទាយមានជ័យ បាត់ដំបង ប៉ៃលិន សៀមរាប កំពង់ធំ និងខេត្តស្ទឹងត្រែង សីតុណ្ហភាពអប្បបរមា មានពី ១៦-១៩ អង្សារសេ សីតុណ្ហភាពអតិបរមា មានពី ២៧-២៩ អង្សារសេ។

ដោយឡែកសម្រាប់ រាជធានីភ្នំពេញ ខេត្តពោធិ៍សាត់ កំពង់ឆ្នាំង កំពង់ស្ពឺ កណ្តាល ក្រចេះ កំពង់ចាម ត្បូងឃ្មុំ ព្រៃវែង ស្វាយរៀង និងខេត្តតាកែវ សីតុណ្ហភាពអប្បបរមា មានពី ១៩-២២ អង្សាសេ សីតុណ្ហភាពអតិបរមា មានពី ២៨--៣១ អង្សារសេ។

ឯខេត្តកោះកុង ព្រះសីហនុ កំពត និងខេត្តកែប សីតុណ្ហភាពអប្បបរមា មានពី ២២-២៤ អង្សាសេ សីតុណ្ហភាព អតិបរមា មានពី ៣១-៣៤ អង្សារសេ៕