នៅវេលាម៉ោង៨និង៣០នាទីព្រឹក ថ្ងៃទី២៦ ខែសីហា ឆ្នាំ២០១៦ ម្សិលមិញនេះ មានការជួបប្រជុំរួមមួយបានធ្វើឡើងនៅសង្កាត់ជ្រាវ ក្រុងសៀមរាប ដែលមានសមាសភាពចូលរួមពីលោក ភួងលីណា ប្រធានបរិស្ថានខេត្ត លោក ស៊ីមឈីវឈានពិសិដ្ឋ អនុប្រធានមន្ទីរបរិស្ថានខេត្ត ចៅសង្កាត់ជ្រាវ សង្កាត់សៀមរាប សង្កាត់ចុងឃ្នៀស និងសហគមន៍ជ្រាវ សហគមន៍សៀមរាប សហគមន៍នេសាទចុងឃ្នៀស ក្រោមអធិបតីភាពឯកឧត្តម គឹម ឆៃហៀង អភិបាលរងនៃគណៈអភិបាលខេត្តសៀមរាប និងជាប្រធានគណៈកម្មការសម្របសម្រួល និងដោះស្រាយបាតុភាពលើការងារគ្រប់គ្រងធមធានធម្មជាតិតំបន់បឹងពារាំង និងអូររាំងស្រោង ។
ការជួបប្រជុំរួមជាសាធារណៈខាងលើនេះបន្ទាប់ពីកិច្ចស្វាគមយ៉ាងកក់ក្តៅ ឯកឧត្តម គឹមឆៃហៀង បានមានប្រសាសន៍នែនាំថា សហគមន៍ទាំង៣កន្លងមកមានស្នាដៃល្អហើយ សូមខិតខំប្រឹងប្រែងបន្តទៅទៀត ហើយឯកឧត្តមបានបន្យល់ពីការងារខ្លះៗ ដូចជា អហគមន៍ទាំង៣មិនអាចចុះបង្ក្រាបបទល្មើសដោយខ្លួនឯងបានទេព្រោះវផ្ទុយពីច្បាប់ បើមានបទល្មើសសហគន៍ត្រូវរាយការណ៍មកមន្ត្រីជំនាញ និងសមត្ថកិច្ចដើម្បីសុំការសហការណ៍ក្នុងការបង្ក្រាបបទល្មើសដូចជា ការនេសាទខុសច្បាប់ ការកាប់រានព្រៃឈើ និងបទល្មើសផ្សេងៗជាដើម។ ឯកឧត្តម គឹមឆៃហៀង បានបន្តថា សមគមន៍កសិករប្រើប្រាសទឹកអាងទំនប់ទឹកជ្រាវ និងសហគមន៍ផ្សេង ក៏មិនមានសិទ្ធទៅក្តោបក្តាប់បឹងពារាំងដែរ តែអាចចូលរួមអភិរក្ស តំបន់ជីវៈចំរុះបឹងពារាំង និងអូររាំងស្រោង ដែលស្ថិតក្នុងព្រំប្រទល់៣សង្គាត់គឺ សង្កាត់ជ្រាវ សង្កាត់ចុងឃ្នៀស និងសង្កាត់សៀមរាប។ ឯកឧត្តម គឹមឆៃហៀង បានបន្តទៀតថា សហគមន៍ទាំង៣ត្រូវចេះយោគយល់គ្នាទៅវិញទៅមក សហការណ៍គ្នា ចាប់ដៃគ្នា កុំមើលបំណាំគ្នា ក្នុងការការពារបទល្មើសនៅតំបន់អភិរក្សខាងលើអោយបានជោគជ័យ ហើយត្រូវចូលរួមផ្សព្វផ្សាយអោយប្រជាពលរដ្ឋបានយល់ដឹងពីការអភិរក្ស ព្រៃលិចទឹក មានទឹកទើបមានត្រី មានត្រីទើបមានសត្វស្លាប។ ជាចុងក្រោយ ឯកឧត្តម គឹមឆៃហៀង បានបន្ថែមថា នឹងរាយការណ៍ជូន ឯកឧត្តម ឃឹម ប៊ុនសុង អភិបាលខេត្តសៀមរាប ទៅតាមសំណើររបស់មន្ទីរបរិស្ថាន និងសហគមន៍ទាំង៣ ដែលចង់អោយបង្កើតសហគមន៍ទេសចរណ៍១នៅបឹងពារាំង ដោយការបោះឆ្នោតជ្រើសរើសអ្នកមានសមត្ថភាព មានឧត្តមគតិស្រលាញ់ធនធានធម្មជាតិ និងការអភិវឌ្ឈន៍ ពិតប្រាកដ ជាអ្នកដឹកនាំសហគមទេសចរណ៍បឹងពារាំងនៅថ្ងៃអនាគត់ខាងមុខនេះ។
លោក ភួង លីណា ប្រធានមន្ទិរបរិស្ថានខេត្តសៀមរាប និងជាអនុប្រធានគណៈកម្មការសម្របសម្រួល និងដោះស្រាយបាតុភាពលើការងារគ្រប់គ្រងធមធានធម្មជាតិតំបន់បឹងពារាំង និងអូររាំងស្រោង បានមានប្រសាសន៍ថា តំបន់អភិរក្សជីវៈចំរុះ បឹងពារាំង និងអូរាំងស្រោង បច្ចុប្បន្នស្ថិតក្រោមការគ្រប់គ្រងរបស់មន្ទីរបរិស្ថាន មិនមែនស្ថិតក្រោមការគ្រប់គ្រងរបស់សហគមន៍នោះទេ ដូច្នេះសូមអោយសហគមន៍កុំយល់ច្រឡំ ។ លោក ភួងលីណា បានបន្តថា លោកមានការរីករាយសប្បាយចិត្ត ដែលឃើញសហគមន៍ទាំងបីសង្កាត់ចេះយកចិត្តទុកដាក់ក្នុងការ អភិរក្ស និងអភិវឌ្ឈន៍ តំបន់អភិរក្សជីវៈចំរុះ បឹងពារាំង និងអូរាំងស្រោងកន្លងទៅ ហើយលោក សុំអោយសហគមន៍ទាំង៣ មន្ត្រីរាជការ និងប្រជាពលរដ្ឋក្នុងខេត្តសៀមរាប ចូលរួមការពារធនធានធម្មជាតិដើម្បីយើងទាំងអស់គ្នានៅថ្ងៃអនាគត់។ លោក ភួងលីណា បានពន្យល់ទៅខាងសហគមន៍ បន្ថែមថា លោក ស៊ីម ឈីវឈានពិសិដ្ឋ មានតួនាទី២ ទី១គឺជាអនុប្រធានមន្ទីរបរិស្ថានខេត្ត ទី២គឺជាសមាជិកគណៈកម្មការសម្របសម្រួល និងដោះស្រាយបាតុភាពលើការងារគ្រប់គ្រងធមធានធម្មជាតិតំបន់បឹងពារាំង និងអូររាំងស្រោង ដូច្នេះជូនកាលគាត់ចុះធ្វើការក្នុងតួនាទីជាអនុប្រធានមន្ទីរ តែគាត់ត្រូវមានបេសកម្មពីខ្ញុំ តែជូនពេលខ្លះគាត់អាចធ្វើការជា សមាជិកគណៈកម្មការសម្របសម្រួល និងដោះស្រាយបាតុភាពលើការងារគ្រប់គ្រងធមធានធម្មជាតិតំបន់បឹងពារាំង និងអូររាំងស្រោង ដូច្នេះសូមសហគមន៍បន្តសហការណ៍គ្នាបន្តទៅទៀត។
លោក ស៊ីម ឈីវឈានពិសិដ្ឋ អនុប្រធានមន្ទីរបរិស្ថានខេត្តសៀមរាប និងជាសមាជិកគណៈកម្មការសម្របសម្រួល និងដោះស្រាយបាតុភាពលើការងារគ្រប់គ្រងធមធានធម្មជាតិតំបន់បឹងពារាំង និងអូររាំងស្រោង បានមានប្រសាសន៍ថា លោកស្រលាញ់ធនធានធម្មជាតិ ហើយលោកសម្លឹងឃើញថា តំបន់អភិរក្សជីវៈចំរុះបឹងពារាំង និងអូររាំងស្រោង មានសក្តារនុពលខ្ពស់ណាស់។ លោក បន្តែមថា លោកចង់អោយពលរដ្ឋ សហគមន៍ សមត្ថកិច្ច ចូលរួមអភិរក្ស និងអភិរឌ្ឈន៍ បឹងពារាំងទាំងអស់គ្នា ហើយលោក ចង់អោយតំបន់បឹងពារាំងក្លាយជាតំបន់ទេសចរណ៍ធម្មជាតិ ដែលល្អជាងគេក្នុងខេត្តសៀមរាប ព្រោះតំបន់នេះមានព្រៃ មានទឹក មានត្រី មានសត្វស្លាបទឹក ដែលលោកតែងតែស្រមៃថា ដូចជាស្ថានសួគ៌លោកិយ មួយនៅក្នុងខេត្តសៀមរាបអង្គរ។
លោក គង់មង្គល់ ប្រធានសហគមន៍កសិករប្រើប្រាសទឹកអាងទំនប់ទឹកជ្រាវ បានប្រាប់ក្នុងអង្គប្រជុំថា បច្ចុប្បន្ន ខាងសហគមន៍មិនមានចំណូចនោះទេ មានតែថវិការដែលបានបណ្តិចបន្ទួរពីភ្ញៀវទេសចរណ៍ដាក់ប្រអប់ (Donation Box) តែប៉ុណ្ណោះ៕ ដោយ៖ ផ្លុងរ៉េត
ខាងក្រោមនេះជា វីដេអូ ដែលក្រុមមន្ត្រីបរិស្ថាន សហគមន៍ និងអ្នកកាសែត ចុះទៅដាំដើមឈើនៅ តំបន់ជីវៈចំរុះបឹងពារាំង និងអូររាំងស្រោង៖
.jpg)
.jpg)
.jpg)
.png)
.jpg)
.jpg)
