លោក អ៊ុយទុយ មេភូមិកន្ត្រ សង្កាត់ស្វាយដង្គំ ក្រុងសៀមរាប កំពុងសាងសង់ផ្ទះរំលោភយកដីផ្លូវ៦ម៉ែត្រ នៅចំនុចភូមិកន្ត្រក ដោយអាងមានលុយច្រើន និងអំណាច ធ្វើអោយរាស្ត្រីប្រើប្រាសផ្លូវនេះជិត១០គ្រួសារកើតទុក្ខមិនសុខចិត្ត។
លោក ស៊ិនណារិទ្ធិ គ្រួសារមួយក្នុងចំណោមពលរដ្ឋជិត១០គ្រួសារ បានប្រាប់កម្ពុជាសុវណ្ណភូមិថា ក្នុងនាមលោកជាប្រជាពលរដ្ឋខ្មែរ សុំរស់រានមានជីវិតដោយស្របច្បាប់ ហើយក៏មិនអាចទទួលយកបានទេ នូវទង្វើរំលោភបំពានដោយប្រការណាមួយ ពីនរណាម្នាក់ ហើយលោកន្តថា លោកមេភូមិ អ៊ុយទុយ រូបនេះហាក់អាងអំណាច និងទឹកប្រាក់ ចូលចិត្តធ្វើអ្វីៗដោយដើរខ្សែលើ រំលោភបំពានផ្លូវច្បាប់ រំលោភបំពានសិទ្ធលំនៅដ្ឋាន ផ្លូវថ្នល់សាធារណៈជាដើម។ លោករិទ្ធបានប្រាប់ទៀតថា កន្លងមកលោកអ៊ុយទុយបានធ្វើផ្ទះជាប់និងព្រំដីផ្លូវដោយមិនមានទុកគំលាតនោះទេ ហើយរយៈពេលប៉ុន្មានថ្ងៃចុងក្រោយនេះ លោក អ៊ុយទុយ កំពុងតែសាងសង់សំយ៉ាបដែកមានកឥដ្ឋស៊ីម៉ង់ផង ដែលរំលោភចូលដីផ្លូវ៦ម៉ែត្រក្នុងប្លង់រឹងរបស់សូរិយោដីខេត្តបានចេញអោយ។ លោករិទ្ធបន្ថែមថា ដី៦ម៉ែត្រនេះជាដីផ្លូវក្នុងប្លង់រឹងរបស់សូរិយោដីខេត្ត ដែលទុកសំរាប់អោយប្រជាពលរដ្ឋជិត១០គ្រួសារចេញចូល តែបើអាជ្ញាធរដែនដី និងសមត្ថិកិច្ចជំនាញ មិនឆាប់ចាត់ការតាមផ្លូវច្បាប់ទេនោះ ផ្លូវនេះអាចត្រូវបានបិទ ឬបិទមួយចំហៀងជាក់ជាមិនខាន។ លោករិទ្ធតំណាងអោយពលរដ្ឋរស់នៅប្រើប្រាសផ្លូវនេះ សូមអោយអាជ្ញាធរ និងសមត្ថកិច្ចពាក់ព័ន្ធ មេត្តាចុះទប់ស្កាត់ការសាងសងផ្ទះលើដីផ្លូវរបស់លោក អ៊៊ុយទុយ មេភូមិកន្ត្រកនេះជាបន្ទាន់ផង។
លោក ស៊ាហាវ ចៅសង្កាត់ស្វាយដង្គំទើបឡើងកាន់តំណែង បានប្រាប់តាមទូរស័ព្ទថា ព្រឹនេះលោករវល់តែជាប់ប្រជុំនៅសាលាខេត្ត ហើយថ្ងៃក៏ត្រូវប្រជុំទៀត តែទោះជារវល់យ៉ាងណាលោកថា ចាំអោយតំណាងពលរដ្ឋដែលប្រើប្រាសផ្លូវខាងលើនេះ ឆ្លៀតទៅជួបលោកនៅសាលាសង្កាត់ នៅម៉ោង២រសៀលថ្ងៃទី៣០ ខែសីហាឆ្នាំ២០១៧នេះ។ លោកមេឃុំបានប្រាប់បន្ថែមថា លោកបានជិះរថយន្តទៅឆាបមើលរួចហើយ ឃើញថា ការសាងសង់សំយ៉ាបផ្ទះរបស់លោក អ៊ុយទុយ ខាងលើនេះពិតជាចូលដីផ្លូវច្រើនមែន ហើយលោកនិងព្យាយាមដោះស្រាយបញ្ហានេះក្រៅប្រពន្ធតុលាការជាជំហ៊ានដំបូងក្នុងនាមលោកជាចៅសង្កាត់ជាម៉ែឪរបស់ពលរដ្ឋក្នុងសង្កាត់របស់លោក។ លោក ស៊ាហាវ បានបញ្ជាក់បន្ថែមថា លោក អ៊ុយទុយ បានផ្ទេរតំណែងជាមេភូមិអោយទៅលោក រស់ ប៊ុនវ័ន ដែលជាកូនចៅ បន្ទាប់ពីឃុំសង្កាត់ ធ្លាក់ឆ្នោតនៅដើមឆ្នាំ២០១៧នេះមកម្លេះ។
លោក រស់ ប៊ុនវ័ន មេភូមិកន្ត្រក ដែលទើបឡើងថ្មី បានប្រាប់តាមទូរស័ព្ទនៅព្រឹកថ្ងៃដដែលនេះថា លោកបានទទួលទូរស័ព្ទពីពលរដ្ឋដែរថា លោកអ៊ុយទុយ បានធ្វើសំយ៉ាបផ្ទះលើដីផ្លូវ តែលោកពុំទាន់បានទៅមើលទេ ព្រោះព្រឹកមិញនេះជាប់ទៅកម្មវិធីនៅសាលារៀនក្នុងភូមិ តែលោកបានសន្យាថា និងទៅជួយធ្វើការសម្របសម្រួលក្នុងសាច់រឿងខាងលើនេះ។
កម្ពុជាសុវណ្ណភូមិ មិនអាចសុំការបកស្រាយពីលោក អ៊ុយទុយ អតីតមេភូមិកន្ត្រ ដែលតែងតែធ្វើបាបរាស្ត្រី បំផ្លាញសន្លឹងឆ្នោតគណបក្សប្រជាជនរូបនេះបានទេ នៅព្រឹកថ្ងៃទី៣០ ខែសីហាឆ្នាំ២០១៧នេះ ព្រោះទូរស័ព្ទចូល ត្រូវបានភរិយារបស់លោកលើកជំនួស ហើយប្រាប់ថា ប្តីរបស់គាត់ទៅធ្វើឡាន មិនបានប្រើទូរស័ព្ទនោះទេ។
ប្រជាពលរដ្ឋដែលរស់នៅក្នុងភូមិកន្ត្រក និងជាពិសេសអ្នកប្រើប្រាសផ្លូវ៦ម៉ែត្រខាងលើនេះ បានបង្ហើបប្រាប់ថា អ៊ុយទុយ ជាអ្នកមានស្រុកស្រែ អាងតែអំណាចជាមេភូមិ និងទឹកប្រាក់ ធ្វើអ្វីមិនដែលចេះកោដក្រែង រអែងផ្លូវច្បាប់នោះទេ។ ធ្វើផ្ទះលើដីផ្លូវហើយ បែរជាដេញឈ្លោះប្រកែក ជាមួយអ្នកភូមិផងរបងជាមួយ ឡើងតឹងសរសៃក អួតក្អេងក្អាងត្រដាងស្លាបថា ខេត្តសៀមរាបនេះ បើមានអ្នកហ៊ានមករើសំយ៉ាបផ្ទះរបស់គាត់ គាត់ហ៊ានកោត្រងោល ព្រោះលោកធ្វើមេភូមិយូរឆ្នាំតាំងពីជាប់ឆ្នោតរហូតដល់ធ្លាក់ឆ្នោត សន្សំបានខ្សែបានខ្នងច្រើនណាស់ ហើយក៏មិនខ្វះលុយតតាំងជាមួយប្រើប្រាសផ្លូវនេះដែរ…។ល។
ជាចុងក្រោយពលរដ្ឋដែលប្រើប្រាសផ្លូវ៦ម៉ែត្រខាងលើនេះ សូមសំនូមពរទៅលោកមេភូមិ មេឃុំ ខាងសូរិយោដី សាលាក្រុងសៀមរាប មេត្តាជួយទប់ស្កាត់ចាត់ការ ផ្ទះធ្វើលើផ្លូវរបស់លោក ដង្ខៅ អ៊ុយទុយ ផង ព្រោះពួកគាត់គ្មានអំណាចគ្មានខ្សែពួរខ្សែកាប លុយកាក់ ទៅតតាំងជាមួយអ៊ុយទុយទេ មានតែសង្ឃឹមទៅលើផ្លូវច្បាប់តែប៉ុណ្ណោះ៕ ដោយ៖ ផ្លុងរ៉េត
.jpg)
.jpg)
.jpg)
.jpg)
.jpg)
.png)
.jpg)
.jpg)
