លោកជំទាវបណ្ឌិត លី អ៊ុអេង ចុះចែកជូនអំណោយដល់គណបក្សប្រជាជនកម្ពុជានៅស្រុកប្រាសាទបាគង

ខេត្តសៀមរាប: នៅព្រឹកថ្ងៃទី០៤ ខែកក្កដា ឆ្នាំ២០២១នេះ លោកជំទាវបណ្ឌិតឧកញ៉ា លី អ៊ុអេង បាននាំយកអំណោយយ៉ាងសន្ធឹកសន្ធាប់ទៅជូន គណបក្សប្រជាជនកម្ពុជា នៅស្រុកប្រាសាទបាគងខេត្តសៀមរាប ក្នុងនាមលោកជំទាវបណ្ឌិត ជាសមាជិកគណបក្សនៅទីនោះផងដែរ។

អំណោយដ៏ថ្លៃថ្លាដែលលោកជំទាវបណ្ឌិតបានយកទៅជូនគណបក្សប្រជាជនកម្ពុជានៅស្រុកប្រាសាទបាគងរួមមាន:
     ១.អង្គរ ២០០ ការ៉ុងស្មើនឹងទឹកប្រាក់ $៣១២០ល្លារអាមេរិក
     ២.គ្រឿងឧបភោគបរិភោគ ២០០ កញ្ចប់ស្មើនឹងទឹកប្រាក់ $៦០០ ដុល្លារអាមេរិក
     ៣.ថវិការសុទ្ធចំនួន $៦០០ ដុល្លារអាមេរិក 
     *សរុបជាទឹកប្រាក់អស់ $៤២២០ ដុល្លារអាមេរិក។

ទាំងមន្ត្រីរាជការសាធារណៈ កងកម្លាំងប្រដាប់អាវុធ និងប្រជាពលរដ្ឋខ្មែរទូទៅ តែងតែកោតសរសើរដល់លោកជំទាវបណ្ឌិតលីអ៊ុអេង ដែលតែងតែចុះសួរសុខទុក្ខ និងចែកអំណោយសប្បុរសធម៌ ជាញឹកញាប់បំផុតនៅក្នុងខេត្តសៀមរាបនេះ ដោយចំណាយថវិកាផ្ទាល់ខ្លួនរបស់លោកជំទាវ។ អំណោយសប្បុរសធម៌របស់លោកជំទាវ ជាការចូលរួមចំណែកដល់រាជរដ្ឋាភិបាលកម្ពុជា ក្នុងការការពារ ទប់ស្កាត់ជំងឺកូវីដ១៩ ដែលកំពុងតែរាតត្បាតនៅប្រទេសកម្ពុជាយើងនេះ។

តាងនាមយើងខ្ញុំជាប្រជាពលរដ្ឋខ្មែរ សូមថ្លែងអំណរគុណយ៉ាងជ្រាលជ្រៅដល់លោកជំទាវបណ្ឌិតលីអ៊ុអេង ហើយក៏សូមបួងសួងដល់វត្ថុស័ក្កសិទ្ធដែលលោកមានឫទ្ធិមានបារមីនៅលើលោកនេះ មេត្តាជួយបីបាច់ថែរក្សាលោកជំទាវនិងក្រុមគ្រួសារ អោយជួបតែសំណាងល្អ មានសុខភាពល្អ អាយុជាងរយព្រះវស្សា គេចផុតពីជម្ងឺរោគាទាំងឡាយ ជាពិសេសជំងឺកូវីដ១៩៕ ដោយ: ផ្លុងរ៉េត