សារាចរណែនាំ ស្តីពី ការចូលរួមគោរពព្រះវិញ្ញាណក្ខន្ធព្រះបរមសព ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ត្រូវបានសម្តេចនាយករដ្ឋមន្ត្រី ហ៊ុន សែន ចុះហត្ថលេខា និងប្រកាសថ្ងៃកាន់ទុក្ខគោរពព្រះវិញ្ញាណក្ខន្ធ ជាផ្លូវការរយៈពេល ៧ ថ្ងៃ ចាប់ពីថ្ងៃទី១៧ ខែតុលា ឆ្នាំ២០១២ រហូតដល់ថ្ងៃទី២៣ ខែតុលា ឆ្នាំ២០១២។
សារាចរចុះថ្ងៃទី១៥ ខែតុលា ឆ្នាំ២០១២ ដែលគណៈរដ្ឋមន្ត្រី ផ្សព្វផ្សាយដល់អ្នកកាសែត នៅយប់ម៉ោង ៨ និង ៣០ នាទី ថ្ងៃទី១៥ ខែតុលា ឆ្នាំ២០១២ បង្ហាញថា ដើម្បីចូលរួមគោរពព្រះវិញ្ញាណក្ខន្ធព្រះបរមសព ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ និងជាព្រះស្វាមី សម្តេចព្រះមហាក្សត្រី នរោត្តម នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ដែលព្រះអង្គបានសោយទិវង្គត នៅថ្ងៃទី១៥ រោជ ខែភទ្របទ ឆ្នាំរោង ចត្វាស័ក ព.ស. ២៥៥៦ ត្រូវនឹងថ្ងៃទី១៥ ខែតុលា ឆ្នាំ២០១២ វេលាម៉ោង ១ និង ២០ នាទី រំលងអធ្រាត្រ ( ម៉ោងនៅរាជធានីភ្នំពេញ ) ក្នុងព្រះជន្មាយុ ៩០ ព្រះវស្សា ដោយព្រះជរាពាធ រាជរដ្ឋាភិបាល សូមធ្វើការណែនាំ ដូចតទៅ៖
១-ប្រកាសថ្ងៃកាន់ទុក្ខគោរពព្រះវិញ្ញាណក្ខន្ធជាផ្លូវការរយៈពេល ៧ ថ្ងៃ ចាប់ពីថ្ងៃទី១៧ ខែតុលា ឆ្នាំ២០១២ រហូតដល់ថ្ងៃទី២៣ ខែតុលា ឆ្នាំ២០១២។
២-ក្នុងរយៈពេលកាន់ទុក្ខនេះ គ្រប់ស្ថាប័នរដ្ឋ និងឯកជន ព្រមទាំងប្រជាពលរដ្ឋទូទាំងប្រទេស ត្រូវបង្ហូតទង់ជាតិ ត្រឹម ១/៣ ( មួយភាគបី ) នៃដងទង់ជាតិ ចាប់ពីលើ។
៣-គ្រប់ស្ថានីយវិទ្យុ និងទូរទស្សន៍ជាតិ និងឯកជន ព្រមទាំងកន្លែងកំសាន្តសប្បាយ ត្រូវផ្អាកការផ្សាយនូវទស្សនីយភាព ការសម្តែង និងការប្រគុំតន្ត្រីផ្សេងៗ ដែលមានលក្ខណៈសប្បាយគគ្រឹកគគ្រេង ក្នុងរយៈពេល ៧ ថ្ងៃនេះ។
៤-គ្រប់ស្ថានទូត និងស្ថានកុងស៊ុល នៃព្រះរាជាណាចក្រកម្ពុជា នៅបរទេស ត្រូវត្រៀមរៀបចំទីកន្លែង ព្រះឆាយាលក្ខណ៍ នៃព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ និងសៀវភៅសម្រាប់ចុះមរណទុក្ខ។ កាលបរិច្ឆេទជាក់ស្តែង ដែលអនុញ្ញាតឲ្យភ្ញៀវទាំងអស់អញ្ជើញចូលរួមមរណទុក្ខ ក្រសួងការបរទេស និងសហប្រតិបត្តិការអន្តរជាតិ នឹងជូនព័ត៌មាន នៅពេលក្រោយ។
៥-ប្រជាពលរដ្ឋគ្រប់ៗរូប ពាក់សញ្ញាកាន់មរណទុក្ខ និងតុបតែងសញ្ញាកាន់មរណទុក្ខ នៅលើព្រះឆាយាលក្ខណ៍ ក្នុងរយៈពេលកាន់ទុក្ខនេះ។
៦-ខាងលើនេះ គឺជាការកាន់មរណទុក្ខលើកទី១។ ព្រះបរមសព នឹងត្រូវតម្កល់ទុក ក្នុងរយៈពេលមិនតិចជាង ៣ ខែ នៅព្រះបរមរាជវាំង មុនពេលប្រារព្ធព្រះរាជពិធីបូជាព្រះបរមសព ហើយកាលបរិច្ឆេទជាក់ស្តែងនៃព្រះរាជពិធីបូជាព្រះបរមសព នឹងជម្រាបជូននៅពេលក្រោយ។ ក្នុងរយៈពេល ៣ ខែនេះ មន្ត្រីរាជការ ប្រជាពលរដ្ឋ និងមិត្តភក្តិបរទេសទាំងអស់ អាចចូលមកគោរពព្រះវិញ្ញាណក្ខន្ធបាន។
សម្តេចនាយករដ្ឋមន្ត្រី ហ៊ុន សែន បានបញ្ជាក់ថា ទទួលបានសារាចរណែនាំនេះ គ្រប់ក្រសួង ស្ថាប័ន គ្រប់អាជ្ញាធរ មានសមត្ថកិច្ច អាជ្ញាធរដែនដី គ្រប់លំដាប់ថ្នាក់ គ្រប់មន្ត្រីរាជការ កងកម្លាំងប្រដាប់អាវុធគ្រប់ប្រភេទ ព្រមទាំងជនរួមជាតិ ប្រជាជនទូទាំងប្រទេស ត្រូវចូលរួមអនុវត្តឲ្យមានប្រសិទ្ធភាពខ្ពស់ ដើម្បីជាកិច្ចចូលរួមមរណទុក្ខដ៏ក្រៀមក្រំរកទីបំផុតគ្មាននេះ៕
.jpg)
.jpg)
.jpg)
.png)
.jpg)
.jpg)
ដីភ្នំនៅស្រុកមង្គលបូរីខេត្តបន្ទាយមានជ័យជាច្រើនកន្លែងកំពុងប្រឈមនឹងការឈូសឆាយ កាយយកអាចម៏ដីលក់យ៉ាងអណាធិបតេយ្យ បំភ្លេចបំផ្លាញភ្នំធម្មជាតិ ពីសំណាក់ក្រុមជនខិលខូច ដោយគេពុំដឹងថា ការ...Read more
ឃាតករដែជាជនដៃដល់ដែលបានវាយសម្លាប់ស្ត្រីមេម៉ាយម្នាក់នៅស្រុកចំការលើបានត្រូវសមត្ថកិច្ច ចាប់ខ្លួនបានហើយនៅម៉ោង២រសៀល ថ្ងៃទី០៥ ខែធ្នូ ឆ្នាំ២០១៤នេះ ក្រោយពីរត់គេចខ្លួនបានមួយរយះ។
...Read more
អ្នកសារព័ត៌មានម្នាក់ប្រចាំគោលដៅខេត្តក្រចេះ ត្រូវឃាតកបាញ់មួយគ្រាប់ចំក្បាលស្លាប់ភ្លាមៗ នៅកន្លែងកើតហេតុ ខណៈដែលអ្នកកាសែតរូបនោះព្យាយាមតាមប្រមាញ់ការជួញដូរឈើខុសច្បាប់។
...Read more
ជនសង្ស័យ២នាក់ត្រូវនគរបាលចាប់ខ្លួន ពាក់ពន្ធ័ករណីជួញដូរគ្រឿងញៀន ដកហូត បានថ្នាំញៀនមួយចំនួនធំ នៅលើផ្ទះសំណាក់ហ្គោដឡាក់ ក្នុងភូមិក្បាលស្ពាន២ សង្កាត់/ក្រុងប៉ោយ ប៉ែត ខេត្តបន្ទាយមានជ័យ កាល...Read more
ក្រុមក្មេងទំនើងពីរក្រុម បានបើកឆាកប្រយុទ្ធគ្នាយ៉ាងស៊ីសាច់ហុតឈាម បន្ទាប់ពីមានការឌឺដងដាក់គ្នាទៅវិញទៅមក បណ្តាលឲ្យអ្នកចាញ់២នាក់ របួសធ្ងន់ធ្ងរ ត្រូវបញ្ជូនសង្គ្រោះនៅមន្ទីរពេទ្យ។ ចំណែក...Read more
យោងតាមប្រភពព័ត៌មានបានរាយការណ៍បានឲ្យដឹងថា នៅម៉ោង ៣ រំលងអាធ្រាត្រថ្ងៃទី៥ឈានចូលថ្ងៃទី៦ ខែកញ្ញា ឆ្នាំ២០១៥ យប់មិញនេះ រថយន្តយីឌុបរបស់ ក្រុមហ៊ុនដីសម្បទាន ហួតម៉េងរីតា បានក្រឡាប់ខ្ជាក់ចេញសុទ្...Read more
យោងតាមប្រភពពីប្រជាពលរដ្ឋអ្នករកស៊ីដឹកដំណាំកសិផលយកទៅលក់នៅទឹកដីថៃ បានត្អូញត្អែរទាំងទឹកភ្នែកថា មានមត្ថកិច្ចប្រចាំនៅច្រកទ្វារអន្តរជាតិព្រំ ចំណុះខេត្តប៉ៃលិន៣ទៅ៤ស្ថាប័ន បាន...Read more
សកម្មភាពរថយន្តពណ៍ត្រេអ៊ីពាក់ស្លាកលេខខេមរភូមិន្ទ ដឹកឈើខុសច្បាប់ពីស្រុកវ៉ារិនមកក្រុងសៀមរាបរាប់សិបគ្រឿងនៅពេលយប់ តែមិនមានមន្រ្តីជំនាញ ឬក្រុមសមត្ថកិច្ចណាធ្វើដឹងធ្វើលឺ...Read more
នារីវ័យក្មេងម្នាក់ចុះលេងទឹក នៅបឹងយក្សឡោម មិនបានប្រុងប្រយ័ត្នពាក់អាវពោងការពារលង់ទឹកស្លាប់ខណៈមកកំសាន្តនៅខេត្តរតនគីរីដែលធ្វើអោយមហាជនភ្ញាក់ផ្អើលចោមរោមមើលឈូឆរ...Read more
ភ្នាក់ងារទូរទស្សន៍២ស្ថាប័នគឺលោក ផូ ប៊ុនថន ភ្នាក់ងារហង្សមាស និងលោក កែ វុទ្ធី ភ្នាក់ងារ ទូរទស្សន៍ប៉ុស្តិ៍លេខ៥ ត្រូវបានជនស៊ីវិលម្នាក់ចេញពីប៉ុស្តិនគរបាលការពារព្រំដែនចំបក់នៃវរះ៨១៥ដេញ...Read more
| ថ្ងៃនេះ | 1339 | នាក់ |
| ម្សិលមិញ | 25188 | នាក់ |
| សប្ដាហ៍នេះ | 70930 | នាក់ |
| ខែនេះ | 178008 | នាក់ |
| ឆ្នាំនេះ | 2635911 | នាក់ |
| សរុប | 51995837 | នាក់ |
| ថ្ងៃទី 19 ខែ 05 ឆ្នាំ 2024 ម៉ោង 07:55 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net