បង្រ្កាបករណីជួញដូរផ្លូវភេទតាមសណ្ឋាគារឃាត់ខ្លួនបានស្រីៗ៦នាក់

វេលាម៉ោង៦និង៣០នាទីល្ងាចថ្ងៃទី១៩ ខែកញ្ញា ឆ្នាំ២០១២ កម្លាំងសមត្ថកិច្ចកងរាជអាវុធហត្ថលើផ្ទៃប្រទេសដែលដឹកនាំដោយ លោកឧត្ដមសេនីយ៍ត្រី សៀ សម្បត្ដិ ស្នងការរងស្រាវជ្រាវយុត្តិធម៌សន្ដិសុខព័ត៌មាននៃកងរាជអាវុធហត្ថលើផ្ទៃ ប្រទេស និងលោក មាស ចាន់ពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញបានដឹកនាំកម្លាំង សមត្ថកិច្ចជាច្រើននាក់ចុះបង្រ្កាបករណីជួញដូរផ្លូវភេទតាមសណ្ឋាគារនិង ភោជនីយដ្ឋាន។

កិច្ចប្រតិបត្ដិការចុះបង្ក្រាបនិងឆែកឆេរនេះសមត្ថកិច្ចបានឃាត់ ស្ដ្រី៦នាក់ ៣នាក់នៅក្នុងសណ្ឋាគារស្រែលាភ និង៣នាក់ទៀតនៅក្នុងភោជនីយដ្ឋានស៊ីធីខេត ហើយក្នុងចំណោមស្រីទាំង៦នាក់នោះមានម្នាក់ឈ្មោះមុំ ជាថៅកែហាងអ៊ុតសក់មីកាហ្សាព្រមទាំងរឹបអូសរថយន្ដបាន២គ្រឿងម៉ាកបាឡែន និងម៉ាកកាមរី៕