ប្រពៃណីកាប់ចាក់ ឈ្លោះប្រកែក ហែកហួរ ជាន់កថែម ព្រោះតែផលប្រយោជន៍ផ្ទាល់ខ្លួន បានកើនមានដដែលៗ មិនចេះស្រាកស្រាន មិនចេះជិនណាយ ដែលទង្វើទាំងនេះ ត្រូវបានមជ្ឈដ្ឋានទូទៅគេរិះគន់ថា មនុស្សប្រភេទនេះ មានចរិតប្រហាក់ប្រហែលទៅនិងសត្វតិរិច្ឆាន ដែលតែងតែឈ្លោះខាំគ្នាដណ្តើមឆ្អឹង ឬលាមកដ៏ស្អុយរលួយដែលគេបញ្ចេញចោល គួរអោយស្អប់ខ្ពើម។
បើក្រលេកមើលថយក្រោយទៅរឿងរាវប្រវត្តិសាស្រ្តកាលពីអតីតកាលវិញ នោះយើងឃើញថា ទឹកដីសុវណ្ណភូមិដ៏ធំល្វឹងល្វើយនេះ បានបាត់បង់ដោយសារតែការឈ្លោះប្រកែកគ្នា ការចង់ធ្វើធំរៀងៗខ្លួន ការនិន្ទាឈ្នានីសគ្នាទៅវិញទៅមក ឃើញគ្នាខុសមិនចេះនែនាំចេះតែបន្ទុចបង្អាប់បន្ថែម ឃើញគ្នាធ្លាក់អណ្តូងមិនជួយស្រង់បែជាទំលាក់ថ្មថែម តើទង្វើបែបនេះ កើតឡើងដោយសារមួលហេតុអ្វី? តើចរិតបែបនេះជាចរិតរបស់មនុស្សលោក ឬជាចរិតសត្វតិរិច្ឆាន? សំនួរ២នេះទុកអោយអ្នកអានពិចារណាដោយខ្លួនឯងចុះ។
កើតមកជាមនុស្សរស់បានតែមួយជាតិ ស្លាប់ទៅធាតុតែមួយចាន គួរណាស់ខិតខំសាងអំពើល្អ កាន់ធម៌ព្រះពុទ្ធជាត្រីមុខ ជួយកសាងសង្គមជាតិមាតុភូមិ អោយបានរីកចំរើន បន្សល់ស្នាដៃល្អៗទុកអោយកូនចៅជំនាន់ក្រោយ បង្កើនមិត្តអោយច្រើនជាងបង្កើនសត្រូវ ចេះកែលំអរគ្នាទៅវិញទៅមកក្នុងន័យស្ថាបនា មិនមែនអាងតែខ្លួនមានមាឌធំ ដៃវែងចេះតែវាយធ្វើបាបអ្នកតូចតាចទន់ខ្សោយ កុំអាងខ្លួនចេះដឹងខ្ពង់ខ្ពស់បែជាមើលងាយអ្នកល្ងិតល្ងង់ កុំស៊ីសំណែនជនក្បត់ជាតិ ឬពពួកប្រព្រឹត្តិផ្ទុយនិងច្បាប់ បែជាមកសម្លាប់ដៃគូររួមឈាមខ្លួនឯងទៅវិញ ទង្វើទាំងនេះមានតែសត្វតិរិច្ឆានទេទើបអាចធ្វើបាន។
ជួនពេលខ្លះ ខ្លួនធ្វើខុស តែមើលមិនដឹងថា ខ្លួនឯងធ្វើខុសនោះទេ ទាល់តែមានមនុស្សទី២ ប្រាប់ថា ចំនុចនេះអ្នកធ្វើខុសហើយ ទើបភ្ញាក់ខ្លួនព្រើតដឹងថា ឱ!អញ្ញធ្វើខុសទេតើ។ អ្នកខ្លះលាងអាចម៌ខ្លួនឯងមិនជ្រះផងតែបែជាចង់ដុះក្អែលខាត់ស្បែកអោយអ្នកដ៏ទៃ។ ក្រុមគ្រួសារសាច់ញាតិ កូនចៅ ខ្លួនធ្វើខុស មានកំហុសប៉ុនភ្នំតែបែជាមើលមិនឃើញ តែអ្នកដ៏ទៃគេធ្វើខុសប៉ុនសរសៃអំបោះ បែជាបំភ្លើស បំប៉ោងសំលេង អោយបានលឺខ្ទរខ្ទា ដូចធំដុំណាស់ មនុស្សប្រភេទនេះ ទង្វើក្តិចត្រួយបែបនេះហើយ ដែលតែងតែធ្វើអោយប្រទេសជាតិបាត់បង់ភាពយុត្តិធម៌ បាត់បង់សមភាព បាត់ការជឿទុកចិត្តរវាងគ្នានិងគ្នាទៅវិញទៅមក ដែលជាហេតុបង្ករអោយមានការប្រកាន់បក្ខពួក ពណ៍សម្បុរ ប្រកាន់ឋានៈអ្នកធំអ្នកតូចទាបខ្ពស់។
ក្នុងនាមយើងជាកូនខ្មែររស់នៅលើទឹកដីសុវណ្ណភូមិ បើមិនបានជួយជាតិមាតុភូមិទេ កុំជួយជាន់ពន្លិច បើមិនបានចូលរួមទប់ស្កាត់បទល្មើសខុសច្បាប់ទេ កុំនាំគ្នាគាំទ្រ ឬនៅពីក្រោយខ្នងបទល្មើស ដើម្បីទទួលលាភសក្ការៈ បន្តិចបន្ទួច ដែលសកម្មភាពបែបនេះលាក់បាំងបានតែមនុស្សមិនចេះពិចារណាតែប៉ុណ្ណោះ មិនអាចលាក់បាំងជាមួយមនុស្សដែលមានការគិតពិចារណា មិនអាចលាក់បាំងជាមួយអ្នកមានខួក្បាលស្នេហាជាតិបានទែ។ កុំព្យាយាមធ្វើខ្លួនជាសត្វសុណខ ដែលចាំតែស៊ីឆ្អឹង និងកាកសំណល់សល់ពីគេបោះចោល ហើយហួងហែង ការពារខាំគេខាំឯង ព្រោះតែឆ្អឹង១ដុំ។ ទង្វើបែបនេះ ប្រពៃណីជាន់កថែមនេះសុំអស់លោកបញ្ចប់ទៅ ជាសវាងមហាជនគេដៀលថា បនុស្សលោកយកស្តាយសត្វតិរិច្ឆាន ហើយអ្វីដែលគួរអោយខ្មាសសត្វតិរិច្ឆាននោះគឺ សត្វតិរិច្ឆានមិនដែលយកស្តាយបនុស្សទៅប្រើទេ មានតែមនុស្សខ្វះការពិចារណាទេដែលប្រើស្តាយដូចសត្វតិរិច្ឆាន៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
សមត្ថកិច្ចនគរបាលស្រុកកោះធំ ចាប់ខ្លួនបុរសវ័យចំណាស់ម្នាក់ តាមពាក្យបណ្តឹងរបស់ឪពុកម្តាយនារីរងគ្រោះ ពាក់ព័ន្ធករណីទិញពេស្យាចារកុមារ តាំងពីអំឡុងខែមេសា ឆ្នាំ២០១៣ រហូតដល់ថ្ងៃទី៨ ខែកញ្...Read more
.png)
ហាងកាហ្វេណូគាររបស់វៀតណាមបីកន្លែង ស្ថិតនៅក្នុងក្រុងសៀមរាប រងការចោទថា គៀបសង្កត់ទៅលើកម្មករស្រីខ្មែរដែលបំរើក្នុងរបស់ខ្លួន និងគំរាមសម្លាប់ បើសិនពួកគេទៅធ្វើការកន្លែងផ្សេង ព្រ...Read more
ស្ត្រីជនជាតិយួន វ័យ៦០ឆ្នាំម្នាក់ ត្រូវបានកម្លាំងនគរបាលមន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ សហការជាមួយកម្លាំងនគរបាលមូលដ្ឋាន ធ្វើការឃាត់ខ្លួនភ្លាមៗ ក្រោយពីធ្វើការឆែកឆ...Read more
កាលពីថ្ងៃទី០៩ ខែកញ្ញា ឆ្នាំ២០១៤ ម្សិលមិញ អង្គការតម្លាភាពកម្ពុជា បានចេញផ្សាយនូវរបាយការណ៍ ដែលខ្លួនខិតខំស្រាវជ្រាវចងក្រងអស់រយៈពេល២ឆ្នាំ ដោយវាយតម្លៃទៅលើស្ថាប័នចំនួន១៣ រាប់ទាំងស្ថាប័នតុល...Read more
យើងខ្ញុំចាងហ្វាងសារព័ត៌មាន កម្ពុជាសុវណ្ណភូមិ មានកិត្តិយសសូមជំរាបជូនដំណឹងដល់សាធារណជន អាជ្ញាធរដែនដី និងមន្ត្រីរាជការគ្រប់ជាន់ថ្នាក់អោយបានជ្រាបថា អង្គភាពសារព័ត៌មាន កម្ពុជាសុ...Read more
ជនសង្ស័យ២នាក់ត្រូវនគរបាលចាប់ខ្លួន ពាក់ពន្ធ័ករណីជួញដូរគ្រឿងញៀន ដកហូត បានថ្នាំញៀនមួយចំនួនធំ នៅលើផ្ទះសំណាក់ហ្គោដឡាក់ ក្នុងភូមិក្បាលស្ពាន២ សង្កាត់/ក្រុងប៉ោយ ប៉ែត ខេត្តបន្ទាយមានជ័យ កាល...Read more
បុរស់ម្នាក់ឈ្មោះ យន់សុធា អាយុ៣៣ឆ្នាំ រស់នៅភូមិគ្រួស សង្កាត់ស្វាយដង្គំ ក្រុងសៀមរាប ត្រូវបានគ្លីនិកឯកជនមួយដែលមានយីហោ គ្លីនិកសុខភាព ស្ថិតនៅភូមិគ្រួស តាមផ្លូវជាតិលេខ៦ ខាងកើតភ្លើងស្តុបទន្លេសាប បានព្...Read more
មានការរិះគន់ធ្ងន់ៗថា លោក ស៊ុយសែម ថ្នាក់ដឹកនាំក្រសួងរ៉ែ និងថាមពល នៅតែបន្តបើកដៃឱ្យ ហ៊ីបាវី មេកំពង់ផែស្វយ័តភ្នំពេញ ធ្វើអាជីវកម្មខ្សាច់ដោយមិនដេញថ្លៃ ដែលធ្វើអោយក្រុមអ...Read more
ការធ្វើអាជីវកម្មថ្មកែវ នៅចំណុចជួរភ្នំ១៥០ ស្ថិតនៅក្បែវត្តគិរីសិលាកែវ ក្នុងភូមិអន្លង់ស្វាយ ឃុំតាគ្រាម ស្រុកបាណន់ ខេត្តបាត់ដំបង ដែលក្តោបក្តាប់ដោយលោកឧកញ៉ាដ៏វ័យក្មេងម្នាក់ ប្រចាំខេត...Read more
| ថ្ងៃនេះ | 10168 | នាក់ |
| ម្សិលមិញ | 27263 | នាក់ |
| សប្ដាហ៍នេះ | 76246 | នាក់ |
| ខែនេះ | 824037 | នាក់ |
| ឆ្នាំនេះ | 3568341 | នាក់ |
| សរុប | 57167237 | នាក់ |
| ថ្ងៃទី 22 ខែ 05 ឆ្នាំ 2025 ម៉ោង 13:35 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net
