ស៊ីរីផ្ទុះស្ថានីយប្រេងសាំងស្លាប់និងរបួស១១០នាក់

យ៉ាងហោចណាស់ក៏មាន ពលរដ្ឋស្លូតត្រង់៣០នាក់បាត់បង់ជិវីត និងជិត១០០នាក់ផ្សេងទៀតរងរបួស ក្នុងគ្រោះថ្នាក់ផ្ទុះស្ថានីយប្រេងសាំងនៅភាគឦសាននៃប្រទេសនេះ ។

ប្រភពព័ត៌មានមួយចំនួន បានអះអាងថា អ្នកស្លាប់មានរហូតដល់៥០នាក់ ។ទីតាំងស្ថានីយប្រេងសាំងដែលរងការ ផ្ទុះឆេះនោះស្ថិតនៅស្រុក Ain Issa ខេត្ដ Raqa ប្រទេសស៊ីរី និងជាស្ថានីយប្រេង សាំងតែមួយគត់ដែលបម្រើថាមពល ប្រេងសាំងនៅក្នុងតំបន់ដែលមានអតិថិ ជនចូលទៅទិញប្រេងសាំងតម្រៀបជួរគ្នា ជារៀងរាល់ថ្ងៃ ។

តាមក្រុមសកម្មជនស៊ីរីនៅក្នុង តំបន់ នោះបានឱ្យដឹងថា ស្ថានីយប្រេងសាំង នោះផ្ទុះឆេះដោយសារតែការវាយប្រហារ ពីយន្ដហោះចម្បាំង ប៉ុន្ដែព័ត៌មានខាង លើមិនទាន់បញ្ជាក់ជាផ្លូវការនៅឡើយ។

ហេតុការណ៍ផ្ទុះស្ថានីយប្រេងសាំង កើតឡើងមួយថ្ងៃក្រោយពេលក្រុម ទាហានបះបោរស៊ីរីដណ្ដើមបានសិទ្ធិគ្រប់ គ្រងនៅតំបន់ព្រំដែនជាប់ប្រទេសទួរគី ក្រោយការប៉ះទង្គិចគ្នាយ៉ាងខ្លាំងនោះ ៕