នាងប៉ារីស ហ៊ីលតុន ដៀល​ពួក​ខ្ទើយ​ថា​ជា​ជន​កខ្វក់ចង់ក្អួត

ក្រោយបាត់មុខពីទូរទស្សន៍មួយរយៈ តារាទ្រព្យស្ដុក ប៉ារីស ហ៊ីលតុន បានធ្វើឲ្យមហាជនគាំទ្រភេទទី៣ មានការក្ដៅក្រហាយមិនតិចទេ ដោយសារតែតារាវ័យ៣១ឆ្នាំរូបនេះថ្លែងមើលងាយក្រុមប្រុសស្រឡាញ់ ប្រុសថា ជាសកម្មភាពរួមភេទដ៏គួរឲ្យខ្ពើមបំផុត។

នាង ប៉ារីស ហ៊ីលតុន បានថ្លែងថា៖ «ពួកខ្ទើយប្រើទូរស័ព្ទណាត់ជួបគ្នា ដើម្បីឡើងគ្រែនោះ ពិតជាគួរឲ្យខ្ពើម ចង់ក្អួត។ ពួកគេអាក្រក់ និងល្មោភកាមណាស់ ច្បាស់ជាងាយកើតអេដស៍ជាមិនខាន»។

យ៉ាងណាមិញ អ្នកតំណាងរបស់តារារូបនេះបានបកស្រាយថា តាមការពិត សម្ដីរបស់ ប៉ារីស ហ៊ីលតុន មិនធ្ងន់ធ្ងរដូចការគិតរបស់ទស្សនិកជនឡើយ។

លោក ពន្យល់ថា៖ «នាងគ្រាន់តែចង់និយាយថា អ្នកដែលរួមភេទដោយមិនចេះការពារខ្លួននឹងប្រឈមជំងឺកាមរោគនានា ដែលនាំឲ្យអាយុខ្លីប៉ុណ្ណោះ»៕

ដោយះ ខេមបូឌាផេក