តារាចម្រៀង អេននីហ្សាម ​ស្ងាត់ៗបង្កាត់ភ្លើងស្នេហ៍​ជាមួយកូនអ្នកមានទ្រព្យស្តុក

តារាចម្រៀងវ័យក្មេងសាច់សម៉ដ្ឋរលោងប្រចាំផលិតកម្ម ថោន និងជាម្ចាស់បទ​ "ធ្លាប់សន្យា​ហើយ​ថា​មិនធ្វើឲ្យអូនយំ" កញ្ញា អេននីហ្សាម ធ្លាប់បានពើបប្រទះនូវ រឿងរ៉ាវស្នេហា មិនសម​ប្រកប​ជាច្រើន​លើក​ ច្រើនសារ​ផ្ទួនៗគ្នា ជាមួយអ្នកជំនួញ និងបុរស​ជាកូនអ្នកមានទ្រព្យស្តុក​ជាប់សែស្រឡាយ​មន្ត្រីជាន់​ខ្ពស់ ក្នុងជួរ​រដ្ឋាភិបាលផងដែរ ។

មួយរយៈពេលចុងក្រោយនេះ មហាជនដែលនិយមតាមដានសង្គមសិល្បៈសង្កេតឃើញថា ប្រជាប្រិយភាពរបស់​ស្រីស្រស់ អេន​​នីហ្សាម កំពុងតែបោះជំហានទៅមុខ សន្សឹមៗដូចឡើងកាំជណ្តើរ ​ព្រោះគេមើលឃើញថា បទ​ចម្រៀង​​របស់នាង នាពេលចុងក្រោយនេះហាក់ដូចជាមានទីផ្សារខ្ពស់ និងការគាំទ្រពីសំណាក់​មហាជន ជាពិសេស​ស្រទាប់​យុវវ័យយ៉ាងខ្លាំង។ មិនតែប៉ុណ្ណោះស្រទាប់យុវវ័យក៏បានសម្តែងនូវការពេញចិត្តចំពោះការ​តុបតែខ្លួន​របស់តារាចម្រៀងរូបនេះទៀតផង​ ។ ​

អ្វីដែលធ្វើឲ្យមហាជនចាប់អារម្មណ៍ខ្លាំងលើតារាចម្រៀងមានមន្តស្នេហ៍ អេននីហ្សាម ​ដោយសារតែថ្មីៗ​នេះ​​មានការលេចចេញពីប្រភពមួយចេញពីចង្កោមអ្នកសិល្បៈដូចគ្នា ដែលសុំមិនបញ្ចេញឈ្មោះ បានបង្ហើបប្រាប់ ​ឲ្យដឹងថា តារាចម្រៀងប្រចាំផលិតកម្ម ថោន អេននីហ្សាម កំពុងតែសំងំបង្កាត់ភ្លើងស្នេហ៍ជាមួយ បុរសម្នាក់ដែលមានវ័យក្បែរ ៣០ឆ្នាំ និងមានសម្បុរសមាឌដំបង ជាកូនអ្នកមានទ្រព្យស្ដុកស្ដម្ភ ។

បើតាមប្រភពដដែល បានប្រាប់ឲ្យដឹងទៀតថា បុរសម្នាក់ដែលកំពុងតែមានទំនាក់ទំនងជាមួយស្រីស្រស់ អេននី នាពេលនេះ ​ជាកូនអ្នកមានទ្រព្យស្តុក ព្រោះបុរសម្នាក់ នោះជិះសុទ្ធឡានទំនើបៗ ថ្លៃៗ ដើរស៊ីចាយមិនចេះ​ស្ដាយ​លុយ​។

លើសពីនេះ​ទៅទៀត​​ នៅពេល អេននី ទៅច្រៀងនៅក្នុងមជ្ឈមណ្ឌល​កម្សាន្ត​ ថោន​ គេបានឃើញបុរស​ម្នាក់នោះ ទៅផឹកស៊ីនៅទីនោះ ជា​ញឹកញាប់ ។ មិនតែប៉ុណ្ណោះ អេននី បានទៅអង្គុយ​ជាមួយ​បុរស​ម្នាក់នោះ​យ៉ាងស្និទ្ធស្នាល ហាក់ដូចជាពេញចិត្តពេញថ្លើម​គ្នាមិនធម្មតាឡើយ ។

​ ជុំវិញរឿងរ៉ាវដ៏រសើប ដែលព្រលយចេញថា តារាចម្រៀងប្រចាំផលិតកម្ម ថោន អេននីហ្សាម កំពុងតែសម្ងំបង្កាត់​ភ្លើងស្នេហ៍​ជាមួយ​បុរសកូនអ្នកមានទ្រព្យស្តុកនាពេលនេះ ​ថ្មីៗនេះបានទាក់ទងតាមទូរស័ព្ទ ដើម្បីសុំការបកស្រាយបំភ្លឺ ពី កញ្ញា អេននី​ហ្សាម ​តែទូរស័ព្ទរបស់​នាង ត្រូវបានអ្នកផ្សេងលើកជំនួសទៅវិញ ៕