លោករដ្ឋមន្ត្រីក្រសួងយុត្តិធម៌ប្រជុំអន្តរស្ថាប័ន ដើម្បីពង្រឹងសន្តិសុខសាធារណៈ និងការបង្ក្រាបបទល្មើស

លោក អង្គ វង្ស​វ​ឌ្ឈ​នា រដ្ឋមន្ត្រីក្រសួង​យុត្តិធម៌ នៃព្រះរាជាណាចក្រ​កម្ពុជា បាន​ដឹកនាំ​កិច្ចប្រជុំ​អន្តរ​ស្ថាប័ន រួមមាន ប្រធាន​តុលាការ ព្រះរាជអាជ្ញា​ទូទាំងប្រទេស អគ្គស្នងការ​នគរបាល​ជាតិ និង​កងរាជអាវុធហត្ថ​លើ​ផ្ទៃ​ប្រទេស​នៅ​ព្រឹក​ថ្ងៃទី​២២ ខែ​ធ្នូ ឆ្នាំ​២០១៥នេះ។​

កិច្ចប្រជុំ​នៅ​ព្រឹក​នេះធ្វើឡើង​ក្រោម​ប្រធានបទ «​កិច្ច​សហការ​អនុវត្ត​ច្បាប់ រវាង​តុលាការ អយ្យការ និង​នគរបាល​យុត្តិធម៌ ក្នុង​ការពង្រឹង​សន្តិសុខ​សាធារណៈ បង្ការ និង​បង្ក្រាប​បទល្មើស​ព្រហ្មទណ្ឌ​»​ អោយ​មាន​ប្រសិទ្ធភាព។

គេ​សង្កេត​ឃើញថា នៅ​ចុង​ឆ្នាំ២០១៥នេះ មាន​បទល្មើស​ព្រហ្មទណ្ឌ​ជាច្រើន​ករណីបាន​កើត​ឡើង ដូចជា ឆក់ ប្លន់ បាញ់​សម្លាប់​ ចាប់​រំលោភ និង​អំ​ពើឃាត្តកម្ម​ផ្សេងៗ​មួយចំ​នួនទៀតបាន​កើត​ឡើង​នៅ​ប្រទេស​កម្ពុជា ដែល​ជា​មូល​ហេតុ​ធ្វើ​អោយប្រ​ជាពល​រដ្ឋ​ខ្មែរ​ និង​ភ្ញៀវ​ទេសចរណ៍បរទេសមាន​ការ​ភ័យខ្លាច។ ពល​រដ្ឋ​ខ្មែរ​សង្ឃឹម​ថា សមត្ថ​កិច្ច​និង​ឆាប់​បញ្ចប់​បញ្ហាទាំង​នេះអោយបាន​ឆាប់​រហ័ស៕