នៅតំបន់ឧទ្យាអង្គរខ្លះ ត្រូវបានហាមឃាត់មិនអោយសាងសង់លំនៅឋាន ប៉ុន្ដែជារើយៗនៅពេលមុនបោះឆ្នោតជ្រើសរើសថ្នាក់ដឹកនាំ អាជ្ញាធរជាតិអប្សរាមិនហាមឃាត់នោះទេ ថែមទាំងមានអ្នកដើរបំផុសបំផុលថា គេបើកអោយធ្វើផ្ទះទៀតផង ហើយអាជ្ញាធរអប្សរាក៏មិនចុះរើផ្ទះដែរ ឬហាមពលរដ្ឋនោះដែរ។
ពលរដ្ឋបានឲ្យដឹងថា បន្ទាប់ពីបោះឆ្នោតរួចរាល់នោះស្ថាប័អប្សរានេះ បានចុះហាមឃាត់មិនអោយរាស្ត្រធ្វើផ្ទះទៅវិញ (ខឹង គោវ៉ាយ អាទេះ)។
ករណីនេះ មន្ដ្រីសង្គមស៊ីវិលយល់ថា អាជ្ញាធរជាតិអប្សរាគួរដោះស្រាយឲ្យបានសមស្រប ដើម្បីចំណេញទាំងពីរភាគី។ ប្រជាពលរដ្ឋមួយចំនួននៅក្នុងតំបន់ឧទ្យាជាតិអង្គរ ព្រួយបារម្ភអាជ្ញាធរជាតិអប្សរារុះរើលំនៅឋាន បន្ទាប់ពីពួកគេសាងសង់ផ្ទះ ក្នុងពេលឃោសនាបោះឆ្នោតក្រុមប្រឹក្សាឃុំសង្កាត់អាណត្ដិទី៤នេះកន្លងមក។
ពលរដ្ឋនៅសង្កាត់គោកចក ខេត្ដសៀមរាប លោក ចាន់ ដា ប្រាប់អោយដឹង នៅថ្ងៃនេះថា មុនបោះឆ្នោតក្រុមប្រឹក្សាឃុំសង្កាត់អាណត្ដិទី៤នេះ អាជ្ញាធរជាតិអប្សរា បានបន្ធូបន្ថយដល់ពលរដ្ឋ ឲ្យសង់លំនៅឋានក្នុងតំបន់ហាមឃាត់នៃតំបន់ឧទ្យានជាតិអង្គរ ប៉ុន្ដែបន្ទាប់ពីបោះឆ្នោតរួច មន្ដ្រីស្ថាប័ននោះបានហាមឃាត់ និងគម្រាមដឹកយកសំភារៈ ខណៈដែលពួកគាត់សង់ផ្ទះមិនទាន់រួចរាល់។លោកបន្ដថា ក្រុមមន្ដ្រីអាជ្ញាធរជាតិអប្សរា បានប្រាប់ថា នឹងរុះរើផ្ទះពួកគាត់ នៅថ្ងៃទី២៥ខែមិថុនានេះ បើគ្មានលិខិតអនុញ្ញាត។ ពួកគាត់សម្ដែងការព្រួយបារម្ភបាត់បង់លំនៅឋាន ដោយសារសង់ផ្ទះនោះ ពួកគេបានខ្ចីបុលពីធនាគារ។ លោកបន្ដថា«អប្សរា គេហាមឃាត់មិនឲ្យធ្វើ តែមុនពេលបោះឆ្នោតបួនប្រាំថ្ងៃ ឃើញគេធ្វើគ្រប់គ្រាខ្ញុំធ្វើដែរ ដល់ពេលបោះឆ្នោតហើយរំលងបានពីរថ្ងៃអប្សរាគេហាមឃាត់គេថា មិនឲ្យយើងធ្វើបើធ្វើបន្ដទៀតគេយកឥវ៉ាន់ទាំងអស់បាទបើរុះរើព្រួយបារម្ភដែរអត់លុយបង ខ្ចីលុយគេធ្វើផ្ទះដល់គេមករុះរើចឹងព្រួយបារម្ភណាស់»។
ស្រដៀងគ្នានោះដែរ ពលរដ្ឋនៅសង្កាត់នគរធំ អ្នកស្រី សូ សុខុម ឲ្យដឹងថា ការអនុញ្ញាតឲ្យពួកគាត់សង់ផ្ទះមុនបោះឆ្នោតនេះ គ្រាន់តែចង់បានសន្លឹកឆ្នោតប៉ុណ្ណោះ ចំណែកជួយពលរដ្ឋឲ្យមានទីលំនៅនោះ គឺអាជ្ញាធរជាតិអប្សរាគ្មានឆន្ទះនោះទេ។អ្នកស្រីបន្ដថា ពលរដ្ឋខ្លះបានជ្រកក្រោមតង់កៅស៊ូ និងខ្លះទៀតជ្រកក្រោមខ្ទម ខណៈធ្វើផ្ទះមិនទាន់រួច ដោយសារមន្ដ្រីអាជ្ញាធរជាតិអប្សរាគម្រាមដឹកសម្ភារៈយកទៅរក្សាទុក។ អ្នកស្រីរំពឹងថា ចៅសង្កាត់ថ្មី ដែលបានជ្រើសរើសដោយពលរដ្ឋកាលពីថ្ងៃទី៤ខែមិថុនានេះ នឹងជួយដោះស្រាយបញ្ហាជូនពួកគាត់បាន។អ្នកស្រីបន្ដថា«គ្នាផ្ទះតូចៗដាក់តែគោមួយដាក់មិនកើតមិនអោយគ្នាធ្វើទេថា បើសិនចចេសហ៊ានតែធ្វើឡានដឹកយកឥវ៉ាន់អស់។
ហើយគ្នាទៅបោះតង់ហើយនាំកូនប្រពន្ធទៅដេកនៅកណ្ដាលវាល់ស្រែខ្ញុំឃើញចឹងខ្ញុំស្រណោះអាណិតយើងអ្នកស្រុកអ្នកស្រែវាពិបាកវេទនាណាស់រួសផ្ទះអស់»។ ករណីនេះ នគរប៉ុស្តិ៍ មិនអាចទាក់ទង អ្នកនាំពាក្យ អាជ្ញាធរជាតិអប្សរាលោកស្រី ចៅ ស៊ុនកិរិយា ដើម្បីឆ្លើយតប បានភ្លាមៗនៅឡើយទេ ដោយទូរស័ព្ទនៅក្រៅសេវា។ ទោះជាយ៉ាងណា អ្នកឃ្លាំមើល ការរំលោភសិទ្ធិមនុស្ស នៃអង្គការលីកាដូខេត្ដសៀមរាប លោក គឹម សួរ យល់ឃើញថា ការបន្ធូបន្ថយ ឬការឲ្យពលរដ្ឋសង់លំនៅឋានក្នុងពេលឃោសនារកសំលេងឆ្នោតនោះ គ្រាន់តែចង់បានប្រជាប្រិយភាពរបស់ខ្លួន នៅពេលបោះឆ្នោតប៉ុណ្ណោះ។
លោកបន្ដថា សំណង់ដែលពលរដ្ឋបានសង់រួចហើយនោះអាជ្ញាធរជាតិអប្សរា គួររៀបចំឲ្យមានដំណោះស្រាយមួយសមរម្យ ឲ្យមានភាពចំណេញទាំងពលរដ្ឋនិងស្ថាប័នរបស់ខ្លួន ដើម្បីកាត់បន្ថយជម្លោះប្រសើរជាងការគម្រាមកំហែង។ កាលពីម្សិលមិញនៅក្នុងវីដេអូខ្លីបមួយពីបណ្ដាញសង្គមហ្វេសប៊ុក បានកើតជម្លោះគ្នារវាងពលរដ្ឋនិងមន្ដ្រីសណ្ដាប់ធ្នាប់អាជ្ញាធរជាតិអប្សរា ដោយមន្ដ្រីទាំងនោះគម្រាមដឹកសម្ភារៈ និងរុះរើផ្ទះពលរដ្ឋ ដោយចោទថា សាងសង់គ្មានច្បាប់អនុញ្ញាត។
ពលរដ្ឋនៅភូមិអញ្ចាញសង្កាត់នគរធំបានប្រាប់ថា កាលបោះឆ្នោតសកលឆ្នាំ២០១៣ លោក ឃឹម ប៊ុនសុង អភិបាលខេត្តសៀមរាប បានចុះកាត់ខ្សែបូរណ៍ ប្រកាសថា ដាក់ភ្លើងរដ្ឋអោយពលរដ្ឋប្រើប្រាស ពលរដ្ឋខំតែអរឃើញគេដឹកបង្គោលភ្លើងមកទំលាក់ពេញដីតាមផ្លូវទ្រនប់អញ្ចាញ តែបោះឆ្នោតរួចរហូតដល់ថ្ងៃនេះមិនទាន់មានភ្លើងរដ្ឋប្រើផង។ ពលរដ្ឋពោលទាំងអស់ជំនឿថា មន្ត្រីក្រោមឱវាតសម្តេច ហ៊ុន សែន ចូលចិត្តបោករាស្ត្រ កុហក់រាស្ត្រ ធ្វើបាបរាស្រ្ត នេះហើយជាហេតុធ្វើអោយគណបក្សប្រជាជនបាត់បង់សំលេងឆ្នោតជាច្រើនឃុំសង្កាត់៕
នៅតំបន់ឧទ្យាអង្គរខ្លះ ត្រូវបានហាមឃាត់មិនអោយសាងសង់លំនៅឋាន ប៉ុន្ដែជារើយៗនៅពេលមុនបោះឆ្នោតជ្រើសរើសថ្នាក់ដឹកនាំ អាជ្ញាធរជាតិអប្សរាមិនហាមឃាត់នោះទេ ថែមទាំងមានអ្នកដើរបំផុសបំផុលថា គេបើកអោយធ្វើផ្ទះទៀតផង ហើយអាជ្ញាធរអប្សរាក៏មិនចុះរើផ្ទះដែរ ឬហាមពលរដ្ឋនោះដែរ។
ពលរដ្ឋបានឲ្យដឹងថា បន្ទាប់ពីបោះឆ្នោតរួចរាល់នោះស្ថាប័អប្សរានេះ បានចុះហាមឃាត់មិនអោយរាស្ត្រធ្វើផ្ទះទៅវិញ (ខឹង គោវ៉ាយ អាទេះ)។
ករណីនេះ មន្ដ្រីសង្គមស៊ីវិលយល់ថា អាជ្ញាធរជាតិអប្សរាគួរដោះស្រាយឲ្យបានសមស្រប ដើម្បីចំណេញទាំងពីរភាគី។ ប្រជាពលរដ្ឋមួយចំនួននៅក្នុងតំបន់ឧទ្យាជាតិអង្គរ ព្រួយបារម្ភអាជ្ញាធរជាតិអប្សរារុះរើលំនៅឋាន បន្ទាប់ពីពួកគេសាងសង់ផ្ទះ ក្នុងពេលឃោសនាបោះឆ្នោតក្រុមប្រឹក្សាឃុំសង្កាត់អាណត្ដិទី៤នេះកន្លងមក។
ពលរដ្ឋនៅសង្កាត់គោកចក ខេត្ដសៀមរាប លោក ចាន់ ដា ប្រាប់អោយដឹង នៅថ្ងៃនេះថា មុនបោះឆ្នោតក្រុមប្រឹក្សាឃុំសង្កាត់អាណត្ដិទី៤នេះ អាជ្ញាធរជាតិអប្សរា បានបន្ធូបន្ថយដល់ពលរដ្ឋ ឲ្យសង់លំនៅឋានក្នុងតំបន់ហាមឃាត់នៃតំបន់ឧទ្យានជាតិអង្គរ ប៉ុន្ដែបន្ទាប់ពីបោះឆ្នោតរួច មន្ដ្រីស្ថាប័ននោះបានហាមឃាត់ និងគម្រាមដឹកយកសំភារៈ ខណៈដែលពួកគាត់សង់ផ្ទះមិនទាន់រួចរាល់។លោកបន្ដថា ក្រុមមន្ដ្រីអាជ្ញាធរជាតិអប្សរា បានប្រាប់ថា នឹងរុះរើផ្ទះពួកគាត់ នៅថ្ងៃទី២៥ខែមិថុនានេះ បើគ្មានលិខិតអនុញ្ញាត។ ពួកគាត់សម្ដែងការព្រួយបារម្ភបាត់បង់លំនៅឋាន ដោយសារសង់ផ្ទះនោះ ពួកគេបានខ្ចីបុលពីធនាគារ។ លោកបន្ដថា«អប្សរា គេហាមឃាត់មិនឲ្យធ្វើ តែមុនពេលបោះឆ្នោតបួនប្រាំថ្ងៃ ឃើញគេធ្វើគ្រប់គ្រាខ្ញុំធ្វើដែរ ដល់ពេលបោះឆ្នោតហើយរំលងបានពីរថ្ងៃអប្សរាគេហាមឃាត់គេថា មិនឲ្យយើងធ្វើបើធ្វើបន្ដទៀតគេយកឥវ៉ាន់ទាំងអស់បាទបើរុះរើព្រួយបារម្ភដែរអត់លុយបង ខ្ចីលុយគេធ្វើផ្ទះដល់គេមករុះរើចឹងព្រួយបារម្ភណាស់»។
ស្រដៀងគ្នានោះដែរ ពលរដ្ឋនៅសង្កាត់នគរធំ អ្នកស្រី សូ សុខុម ឲ្យដឹងថា ការអនុញ្ញាតឲ្យពួកគាត់សង់ផ្ទះមុនបោះឆ្នោតនេះ គ្រាន់តែចង់បានសន្លឹកឆ្នោតប៉ុណ្ណោះ ចំណែកជួយពលរដ្ឋឲ្យមានទីលំនៅនោះ គឺអាជ្ញាធរជាតិអប្សរាគ្មានឆន្ទះនោះទេ។អ្នកស្រីបន្ដថា ពលរដ្ឋខ្លះបានជ្រកក្រោមតង់កៅស៊ូ និងខ្លះទៀតជ្រកក្រោមខ្ទម ខណៈធ្វើផ្ទះមិនទាន់រួច ដោយសារមន្ដ្រីអាជ្ញាធរជាតិអប្សរាគម្រាមដឹកសម្ភារៈយកទៅរក្សាទុក។ អ្នកស្រីរំពឹងថា ចៅសង្កាត់ថ្មី ដែលបានជ្រើសរើសដោយពលរដ្ឋកាលពីថ្ងៃទី៤ខែមិថុនានេះ នឹងជួយដោះស្រាយបញ្ហាជូនពួកគាត់បាន។អ្នកស្រីបន្ដថា«គ្នាផ្ទះតូចៗដាក់តែគោមួយដាក់មិនកើតមិនអោយគ្នាធ្វើទេថា បើសិនចចេសហ៊ានតែធ្វើឡានដឹកយកឥវ៉ាន់អស់។
ហើយគ្នាទៅបោះតង់ហើយនាំកូនប្រពន្ធទៅដេកនៅកណ្ដាលវាល់ស្រែខ្ញុំឃើញចឹងខ្ញុំស្រណោះអាណិតយើងអ្នកស្រុកអ្នកស្រែវាពិបាកវេទនាណាស់រួសផ្ទះអស់»។ ករណីនេះ នគរប៉ុស្តិ៍ មិនអាចទាក់ទង អ្នកនាំពាក្យ អាជ្ញាធរជាតិអប្សរាលោកស្រី ចៅ ស៊ុនកិរិយា ដើម្បីឆ្លើយតប បានភ្លាមៗនៅឡើយទេ ដោយទូរស័ព្ទនៅក្រៅសេវា។ ទោះជាយ៉ាងណា អ្នកឃ្លាំមើល ការរំលោភសិទ្ធិមនុស្ស នៃអង្គការលីកាដូខេត្ដសៀមរាប លោក គឹម សួរ យល់ឃើញថា ការបន្ធូបន្ថយ ឬការឲ្យពលរដ្ឋសង់លំនៅឋានក្នុងពេលឃោសនារកសំលេងឆ្នោតនោះ គ្រាន់តែចង់បានប្រជាប្រិយភាពរបស់ខ្លួន នៅពេលបោះឆ្នោតប៉ុណ្ណោះ។
លោកបន្ដថា សំណង់ដែលពលរដ្ឋបានសង់រួចហើយនោះអាជ្ញាធរជាតិអប្សរា គួររៀបចំឲ្យមានដំណោះស្រាយមួយសមរម្យ ឲ្យមានភាពចំណេញទាំងពលរដ្ឋនិងស្ថាប័នរបស់ខ្លួន ដើម្បីកាត់បន្ថយជម្លោះប្រសើរជាងការគម្រាមកំហែង។ កាលពីម្សិលមិញនៅក្នុងវីដេអូខ្លីបមួយពីបណ្ដាញសង្គមហ្វេសប៊ុក បានកើតជម្លោះគ្នារវាងពលរដ្ឋនិងមន្ដ្រីសណ្ដាប់ធ្នាប់អាជ្ញាធរជាតិអប្សរា ដោយមន្ដ្រីទាំងនោះគម្រាមដឹកសម្ភារៈ និងរុះរើផ្ទះពលរដ្ឋ ដោយចោទថា សាងសង់គ្មានច្បាប់អនុញ្ញាត។
ពលរដ្ឋនៅភូមិអញ្ចាញសង្កាត់នគរធំបានប្រាប់ថា កាលបោះឆ្នោតសកលឆ្នាំ២០១៣ លោក ឃឹម ប៊ុនសុង អភិបាលខេត្តសៀមរាប បានចុះកាត់ខ្សែបូរណ៍ ប្រកាសថា ដាក់ភ្លើងរដ្ឋអោយពលរដ្ឋប្រើប្រាស ពលរដ្ឋខំតែអរឃើញគេដឹកបង្គោលភ្លើងមកទំលាក់ពេញដីតាមផ្លូវទ្រនប់អញ្ចាញ តែបោះឆ្នោតរួចរហូតដល់ថ្ងៃនេះមិនទាន់មានភ្លើងរដ្ឋប្រើផង។ ពលរដ្ឋពោលទាំងអស់ជំនឿថា មន្ត្រីក្រោមឱវាតសម្តេច ហ៊ុន សែន ចូលចិត្តបោករាស្ត្រ កុហក់រាស្ត្រ ធ្វើបាបរាស្រ្ត នេះហើយជាហេតុធ្វើអោយគណបក្សប្រជាជនបាត់បង់សំលេងឆ្នោតជាច្រើនឃុំសង្កាត់៕
.jpg)
.jpg)
.jpg)
.jpg)
.png)
.jpg)
.jpg)
.jpg)
