ជន​ជា​តិ​ថៃ​២នាក់​ប្រើ​​អាវុធ​បាញ់​ប្រ​ហា​ពេល​សមត្ថកិច្ចចុចាប់​គ្រឿង​ញៀន

កម្លាំង​អាវុធ​ហត្ថ ខេត្ដ​បាត់​ដំបង​ ចាប់​ខ្លួន​ជនសង្ស័យ​២​នាក់ប្ដី​ប្រ​ពន្ធ ដែល​ប្ដីជាជន​ជាតិ​ថៃ​ និង​ប្រ​ពន្ធ​ជា​ជន​ជាតិ​ ខ្មែរ​ បន្ទាប់​ពី​មាន​ការផ្ទុះ​អាវុធ​ជា​ច្រើន​គ្រាប់​ ដែល​បង្ក​ឡើង​ដោយ​ជន​សង្ស័យ​ខាង​លើ បាន​បើក​ការ​បាញ់​ប្រ​ហារ​មក​លើ​កម្លាំង​ អាវុធ​ហត្ថ ​និង​កម្លាំង​សមត្ថ​កិច្ច​ផ្សេង​ទៀត​ ជា​ហេតុ​ធ្វើ​ឱ្យ​សមត្ថ​កិច្ច​ប្រើ​សិទ្ធិ​ការ​ពារ​ខ្លួន​ បាញ់​តបត​ទៅវិញ ​បណ្ដាល​ឱ្យជន​សង្ស័យជា​ប្ដីរង​របួស​ត្រូវ​ត្រ​គៀកតែ​មិន​ស្លាប់។​

ហេតុការណ៍ចុះបង្ក្រាបមុខសញ្ញាចែក ចាយគ្រឿងញៀន ដែលធ្វើឱ្យមានការភ្ញាក់ ផ្អើលុយ៉ាងខ្លាំងពីសំណាក់ប្រជាពលរដ្ឋខាង លើនេះ បានកើតឡើង កាលពីវេលាម៉ោង៩ ព្រឹកថ្ងៃទី៩ ខែតុលា ឆ្នាំ២០១២ ស្ថិតនៅផ្ទះ ជួលរបស់ជនសង្ស័យទាំងពីរ ក្នុងសង្កាត់ស្វាយប៉ោ ក្រុងបាត់ដំបង ខេត្ដបាត់ ដំបង ។

មេបញ្ជាការ​រងអាវុហត្ថទទួល​បន្ទុក​សេនា​ធិការ​ខេត្ដបាត់​ដំបង​ លោក អ៊ឹម ដារ៉ា បាន​ឱ្យ​ដឹង​ថា ជន​សង្ស័យ​ទាំង​២​នាក់ប្ដី​ប្រពន្ធ ​ត្រូវ​បាន​ចាប់​ខ្លួន​ក្រោយ​ព្វីផ្ទុះ​ អាវុធ​ជា​ច្រើន​គ្រាប់ ដែល​ជន​សង្ស័យ​ជាប្ដី​បាន​បាញ់​ប្រ​ហារ​មក​លើ​សមត្ថកិច្ច​លោក​ ខណៈ​កំ​ពុង​ចុះបង្ក្រាប​គ្រឿង​ញៀន​នេះ ។​

លោក​អ៊ឹម ដារ៉ា​បាន​បញ្ជាក់​ថា ពេល​កំ​ពុង​បាញ់​ត​ដៃ​គ្នា​នោះ ​បាន​បណ្ដាល​ឱ្យ​ជន​សង្ស័យជាប្ដីរងរបួសត្រូវត្រគៀក ប៉ុន្ដែសមត្ថកិច្ចរបស់លោក មិនបានរងគ្រោះថ្នាក់នោះឡើយ ។

បើយោងតាមមេបញ្ជាការរងអាវុធហត្ថ រូបនេះ ក្រោយផ្ទុះអាវុធរួចនិងចាប់ខ្លួនហើយ សមត្ថកិច្ចបានរឹបអូសគ្រឿងញៀនពីជនសង្ស័យទាំងពីរបានមួយចំនួន រួមទាំងកាំភ្លើងមួយដើម៕