​លេច​ធ្លាយ​រូប​អាក្រាតរបស់ ប៉ុបពី តារា​ភេទពីរបី

តារាសម្ដែងកែភេទពីប្រុសមកជាស្រី ប៉ុប ពី បានចេញមុខបកស្រាយចំពោះការ ធ្លាយចេញរូបភាពអាក្រាតកាយរបស់នាង បន្ទាប់ពីរូបនោះត្រូវបានគេ បង្ហោះ ពេញបណ្ដាញសង្គម Facebook។

ការ ចេញមុខបកស្រាយក្នុងពេលនេះ របស់តារាសម្ដែង និងជាពិធីករ ប៉ុបពី នាពេលនេះ ក្រោយរូបថតអាក្រាតកាយរបស់នាង បានលេចធ្លាយលើបណ្ដាញ Facebook កាលពីពាក់កណ្ដាលខែមុន(តុលា)នេះ ធ្វើទស្សនិកជន ក៏ដូចជាអ្នកគាំទ្រ កើតរឿងក្ដីក្រហាយ ប្រើពាក់អសុរោះមួយចំនួន ព្រោះតែគេយល់រូបស្រាតននលគកនោះរបស់នាង ធ្វើឲ្យប៉ះពាល់កិត្តិយស និងសេចក្ដីថ្លៃថ្នូររបស់ស្ត្រីខ្មែរ។

ពាក់ព័ន្ធនឹងបញ្ហា នេះ តារាសម្ដែងកែភេទ និងជាពិធីកររូបនេះ បានអះអាងថា រូបភាពដែលគ្មានសំលៀកបំពាក់ក្រាលគ្រងសូម្បីតែបន្តិចនោះ ជារូបភាពយូរមកហើយ ដែលនាងបានឲ្យបងស្រីរបស់នាងថតយ៉ាងអាថ៌កំបាំងនៅប្រទេសថៃឡង់ដ៍ កាលពីជាង៣ឆ្នាំមុន។

តែទោះជាយ៉ាងណា នាងគ្មានបំណងផ្សព្វផ្សាយដើម្បីបានល្បីនោះឡើយ គឺនាងឲ្យបងស្រីរបស់នាងថត គ្រាន់តែចង់ទុកមើលរាងរៅរបស់នាង ដើម្បីប្រៀបធៀបភាពខុសប្លែកគ្នា នៅពេលមុន និងក្រោយការវះកាត់ប្ដូរភេទពីប្រុសមកជាស្រី ថាតើមានភាពខុសគ្នាកម្រិតណាប៉ុណ្ណោះ។តែគួរស្ដាយព្រោះតែរូប អាក្រាតនេះរបស់នាង ត្រូវបែកធ្លាយបែបនេះ ព្រោះតែនាងធ្វេសប្រហែសបានធ្វើឲ្យជ្រុះបាត់ទូរស័ព្ទទំនើបផ្ទុក រូបអាថ៌កំបាំងនោះទៅវិញ។

ប៉ុប ពី លើកឡើងថា “ខ្ញុំសោកស្ដាយ តែអ្វីៗហួសអស់ហើយ…”។  ជាមួយនឹងការសោកស្ដាយនេះ ប៉ុបពី ស្នើសុំការលើកលែងទោស និងអត់ឱនឲ្យនាងផង ត្បិតអ្វីៗដែលបានបែកធ្លាយនោះ មិនមែនជាការតាំងចិត្តទេ សំខាន់រូបភាពដែលគេយកទៅបង្ហោះចែកចាយបន្តគ្នានោះ វាហួសពីការពិតទៀតផង។

ប៉ុបបី ថ្លែងថា “រូបនេះ ជារូបគេយកទៅកែ ព្រោះខ្ញុំបានស្លៀកខោខ្លី(ខោលីអូ) ដែរ មិនមែនគ្មានអ្វីសោះអីចឹងទេ”។

ទោះ បីជាយ៉ាងណា គេមិនបានដឹងថា ការបកស្រាយប៉ុន្មានម៉ាត់របស់ ប៉ុប ពី អាចស្រាយកំហឹងនៃសុភាពបុរស និងសុភាពស្ត្រីដែលឲ្យតម្លៃស្ត្រី និងប្រពៃណីដ៏ល្អផូរផង់របស់ខ្មែរកម្រិតណានោះទេ ខណៈពួកបានធ្វើការរិះគន់យ៉ាងចាស់ដៃរួចហើយ ក្រោយធ្លាយចេញរូបភាពអាក្រាតតាមបណ្ដាញសង្គម និងការចុះផ្សាយមួយប្រាវនៃសារព័ត៌មានមួយចំនួនរួចមកនោះ។

យ៉ាង ណា ក៏ដោយ ប៉ុបពី បញ្ជាក់ថា អ្វីគ្រប់យ៉ាង ស្រេចទៅលើការគិតរបស់មហាជនប៉ុណ្ណោះ ព្រោះនៅក្នុងបណ្ដាញសង្គមមួយនេះមិនមែនមានតែនាងនោះទេ សូម្បីឥស្សរជនសំខាន់ៗដទៃទៀត ក៏គេអាចយករូបភាពទៅកាត់តតាមចិត្តនឹកឃើញរបស់គេដែរ។

ជា ថ្មីម្ដងទៀត បានជាធ្លាយព័ត៌មាននោះ ទាំងមិនបានតាំងចិត្ត ប៉ុប ពី បានសម្ដែងការសោកស្ដាយ និងសុំការលើកលែងទោសពីមជ្ឈដ្ឋានទូទៅ ចំពោះនាងផង។ បន្ថែមពីលើនេះ តារាកែភេទពីប្រុសមកជាស្រីស្ទើរគ្រប់លក្ខណៈ ប៉ុបពី ស្នើសុំឲ្យមានការជឿជាក់លើបុគ្គល ជាជាងការជឿជាក់លើរូបភាពបង្ហោះលើបណ្ដាញអ៊ីនធើណែតទាំងស្រុងខ្លាំង ពេកផងដែរ៕
អត្ថបទ៖ សំ ជំនាញ

Sabay