លោក ឈូក បណ្ឌិតត្រូវចាប់ខ្លួននៅខេត្តរតនគិរី

ប្រភពរបស់មន្រ្តីតុលាការខេត្តស្វាយរៀង កាលពីព្រឹកថ្ងៃទី០៣ កក្កដា ២០១៣នេះបានឲ្យដឹងថា លោក ឈូក បណ្ឌិត អតីតអភិបាលក្រុងបាវិត ត្រូវបានសមត្ថកិច្ចចាប់ខ្លួនបានហើយ នៅខេត្តរតនគិរី ខណៈដែលលោកឈូក បណ្ឌិត ត្រៀមឆ្លងដែនទៅកាន់ប្រទេសវៀតណាម ។

ប្រភព ព័ត៌មានដដែលបានឱ្យដឹងបន្ថែម ថា លោក ឈូក បណ្ឌិត ត្រូវបានសមត្ថកិច្ចតាមចាប់ខ្លួនតំាងពីនៅរាជធានីភ្នំពេញ ខណៈមានប្រភពថាលោកឈូក បណ្ឌិត ទើបចេញពីបើកលុយនៅធនាគារមួយកន្លែងថ្លៃលក់ដីបានជាង១លានដុល្លារ ។

ប្រភពបានបន្ថែមទៀតថានៅខណៈពេលនេះ លោក ឈូក បណ្ឌិត កំពុងស្ថិតនៅក្នុងការឃុំខ្លួនពីសំណាក់សមត្ថកិច្ច នៅក្នុងខេត្តរតនគិរីនៅឡើយទេ គិតត្រឹមម៉ោង៣និង២០នាទីរសៀលថ្ងៃទី០៣កក្កដានេះ ហើយនឹងត្រៀមបញ្ជូនខ្លួនទៅឃុំនៅខេត្តស្វាយរៀងតែម្តង ៕