ឈើជាង៤ម៉ែត្រគូបដាក់ស្លាប់ហោះអស់សាំងធ្លាក់ចូលប្រឡាយត្រូវបានសមត្ថកិច្ចស្រង់យកអស់

ឈើគ្រឿងគេចពន្ធជាង៤ម៉ែត្រគូបដឹកតាម​គោយន្តកន្ត្រៃពីស្រុកស្វាយលើ​សំដៅចូល​ក្រុងសៀមរាប ត្រូវបានសមត្ថកិច្ចដេញប្រផាប់ចាប់ប្រភីង ចចារគ្នាមិនត្រូវ ក៏បង្ខំចិត្តកាត់ខ្សែទំលាក់ចូលក្នុងប្រឡាយទឹកក្បែរភ្លឺស្រែក្នុងភូមិចំបក់ ឃុំរលួស ស្រុប្រាសាទបាគង។

ឈើប្រភេទយាង ឈ្លីក ប្រវែងពី៦ម៉ែត្រទៅ១០ម៉ែត្រ មានមុខកាត់ពី ៥x១៥ និង ៥x២០ ជាង៤ម៉ែត្រគូបដែលឈ្មួញ​បានទំលាក់ចូលក្នុងប្រឡាយត្រូវ​បានឯកឧត្តម ម៉ក ធារ៉ា ស្នងការរងនៃស្នងការនគរបាលខេត្តសៀមរាប ទទួលផែនសេដ្ឋកិច្ច បញ្ជាអោយលោក លឹម សម្បត្តិ អធិការនគរបាល​ស្រុក​ប្រាសាទបាគង ដាក់​កម្លាំងការពារភ្លាមៗ បន្ទាប់ពីអ្នក​កាសែតបាន​រាយការណ៍កាលពីល្ងាចថ្ងៃទី១៧ ខែតុលា ឆ្នាំ២០២១ វេលាម៉ោតជាង៤ល្ងាច ក្រោម​ការ​ចង្អុល​បង្ហាញពីឯកឧត្តម ង៉ាន់ ភារុង អភិបាលរងខេត្តសៀមរាប។ បន្ទាប់មក​ឯកឧត្តម ង៉ាន់ ភិរុន បាន​ស្នើអោយ​ជំនាញរដ្ឋបាល​ព្រៃ​ឈើ​ដាក់​កម្លាំងនិងបធ្យោយដឹកជញ្ជួនស្រង់យក​ឈើ​ទាំងអស់យក​ទៅ​រស្សាទុក​នៅ​ផ្នែករដ្ឋបាល​ព្រៃឈើបន្ទាយស្រី ស្ថិតនៅឃុំព្រះដាក់ ស្រុកបន្ទាយស្រីទាំងយប់ ព្រោះបារម្ភខ្លាចក្រុម​ឈ្មួញ​លួចដឹក​ជញ្ជូននៅពេលយម់។

ប្រភពពត៌មានសុំមិន​បញ្ចេញឈ្មោះបានលួចខ្សឹបប្រាប់ចាងហ្វាកាសែតកម្ពុជាសុវណ្ណភូមិថា ឈើខាងលើនេះចេញពីស្រុកស្វាយលើមកជិតដល់ស្រុក​ប្រាសាទបាគងត្រូវ​បាន​ខាងជំនាញបរិស្ថានធ្វើស៊ី (យកលុយក្រោមតុ) មួយតង់ លុះមក​ដល់ស្រុក​ប្រាសាទបាគងត្រូវ​បាន​មេព្រៃ និង​អ្នក​កាសែតធ្វើស៊ី (យកលុយក្រោមតុ) មួយតង់ទៀត បន្ទាប់មកធ្វើដំណើរមិន​បាន​ប៉ុន្មានផង​ មានមេព្រៃម្នាក់ទៀតទារលុយប្រាំរយដុល្លារទៀត តែចចារគ្នាមិន​ត្រូវ ទើប​ម្ចាសឈើសម្រេចចិត្តបើកគោលយន្តកន្ត្រៃសំដៅវាលស្រែកាត់ខ្សែទំលាក់ឈើ​ចូល​ក្នុងទឹកប្រឡាយយ៉ាងដូច្នេះ។ ប្រភពបានបន្តថា ម្ចាស់ឈើខាងលើនេះឈ្មោះ ណាក់ រស់នៅគោគស្រឹតក្បែរផ្សាក្រោម ជាឈ្មួញធ្លាប់រក​ស៊ីដឹកឈើយូរហើយ តែចេញឈើមួយជើងនេះ គឺលោតឆ័ត្រ(អត់បង់លុយក្រោមតុ) ទើបជាប់ជុងបែបនេះ។

សុភាសិតខ្សែបានពោលថា ដំរីងាប់កំយកចង្អេងបាំង ផោមក្នុងទឹកគង់តែស្អុយ បើមិន​ចង់អោយគេដឹង គួរណាកំប្រព្រឹត្ត ឃើញគេមិន​និយាយ កុំថាគេមិន​ដឹង គួរណាតែនាំគ្នាធ្វើ​ការ​អោយបាន​ល្អដើម្បីជួយជាតិមាតុភូមិ៕ ដោយ៖ ផ្លុងរ៉េត