រណ្ដៅដីខ្នាតយក្ស ជីកដល់ក្បាលប្រែត កំពុងដឹកជញ្ជូនអាចម៍ដីជ្រុះពាសពេញផ្លូវរាល់ថ្ងៃ ខុសបទដ្ឋានបច្ចែកទេសក្នុងស្រុកអង្គស្នូល រីឯប្រធានរ៉ែ និងថាមពលខេត្តកណ្តាល រក្សាភាពស្ងៀមស្ងាត់?

ខេត្តកណ្ដាល ៖ ប្រភពពីប្រជាពលរដ្ឋ រស់នៅឆក់ឈើនាង ឃុំឆក់ឈើនាង ស្រុកអង្គស្នួលបានបញ្ជាក់ឲ្យដឹងថា ក្រុមឈ្មួញ កំពុងធ្វើសកម្មភាព យកគ្រឿងចក្រជាច្រើនគ្រឿងសម្រុក ជីកកាយអាចម៍ដីយ៉ាងជ្រៅ មិនទាន់ឃើញមន្ត្រីជំនាញមូលដ្ឋានក្នុងស្រុកអង្គស្នួល និងមន្ត្រីជំនាញខេត្តនិងក្រសួងរ៉ែនិងថាមពលណាម្នាក់ចុះទប់ស្កាត់នៅឡើយ។

ប្រភពពីប្រជាពលរដ្ឋក្នុងមូលដ្ឋានបានអោយដឹងថា៖ទីតាំងរណ្តៅដីមួយកន្លែងនេះកំពុងបន្តអាជីកម្មរបស់ខ្លួនជារៀងរាល់ថ្ងៃដោយជីកកាយយកអាចម៍ដីដឹកជញ្ជូនទៅលក់អោយឈ្មួញយកលុយដាក់ខោវប៉ាវដោយមិនខ្វល់ពីផលប៉ះពាល់បាក់ស្រុតដីស្រែរបស់ប្រជាពលរដ្ឋនៅក្បែងនោះទេ។

ពាក់ព័ន្ធនឹងអាជីវកម្មរណ្តៅខ្នាតយក្ស ក្នុងចំណុច ភូមិឆក់ឈើនាង ឃុំឆក់ឈើនាង ស្រុកអង្គស្នួល ខេត្តកណ្ដាល តើលោក ខុន សេរី រដ្ឋា អភិបាល នៃគណៈអភិបាលស្រុក អង្គស្នូល បានជ្រាប រឿងរណ្ដៅខ្នាតយក្សមួយហ្នឹងហើយឬនៅ តើលោក នឹងចាត់មន្ត្រីជំនាញរបស់លោកចុះពិនិត្យសិក្សាទីតាំងរណ្ដៅដីមួយកន្លែងហ្នឹងដែររឺទេ។

ចំណែកឯលោក ប្រធានមន្ទីររ៉ែថាមពលខេត្តកណ្ដាល អង្គភាពយើងទំនាក់ទំនងសុំការបំភ្លឺមិនបានទេដោយមូលហេតុមិនមានលេខទូរសព្ទ។

ជុំវិញរឿងរណ្តៅនេះ ប្រជាពលរដ្ឋ អំពាវនាវដល់ លោក គង់សោ ភ័ណ្ឌ អភិបាលខេត្តកណ្ដាល គួរតែយកចិត្តទុកដាក់ចាត់មន្ត្រីជំនាញរ៉ែថាមពល ចុះពិនិត្យនិងធ្វើការទប់ស្កាត់ផងជៀសវាងមានបុគ្គលខិលខូចៗមួយចំនួនកំពុងតែលួចលាក់ធ្វើអាជីវកម្មរបស់ខ្លួនដោយមិនមានលិខិតអនុញ្ញាតបទដ្ឋានណាពីក្រសួងមន្ទីរ៉ែនិងថាមពល។

ប្រជាពលរដ្ឋក្នុងមូលដ្ឋាន អំពាវនាវដល់ លោក ស៊ុយ សែម រដ្ឋមន្ត្រីក្រសួងរ៉ែនិងថាមពលមេត្តាចាត់មន្ត្រីជំនាញនៃក្រសួងចុះពិនិត្យទីតាំងអាជីវកម្មរណ្ដៅដីជីកកាយយកអាចម៍ដីមួយកន្លែងនេះផង ដើម្បីទប់ស្កាត់ដល់អាជីវកម្មមួយកន្លែងនេះកំពុងតែលួចលាក់ ដោយមិនមានលិខិតអនុញ្ញាតបទដ្ឋានណាត្រឹមត្រូវ នោះទេកេងប្រវា័ញធ្វើអោយបាត់បង់ចំណូលពន្ធរដ្ឋ។បឋម ប្រភពខ្មែរអនឡាញ