ចោរ​ប្លន់​ហាង​លក់​ទូរ​ស័ព្ទដៃ​ក្បែរ​ផ្សាសូរិយា​ទាំង​ព្រឹក

ក្រុមចោរមួយក្រុម ដែលមានគ្នា២នាក់ នៅវេលាម៉ោង ៨ ព្រឹកថ្ងៃទី២០ ខែមករា ឆ្នាំ២០១៣នេះ បានចូលប្លន់ ហាងលក់ទូរស័ព្ទដៃ មួយកន្លែង នៅក្បែរផ្សារទំនើបសូរិយា សង្កាត់ផ្សារថ្មី ខណ្ឌដូនពេញ រាជធានីភ្នំពេញ បង្កឱ្យមានការភ្ញាក់ផ្អើលយ៉ាងខ្លាំង ដល់ប្រជាពលរដ្ឋ ។

សេចក្តីរាយការណ៍ ពីកន្លែងកើតហេតុបានឱ្យដឹងថា ក្រុមចោរ ដែលគេពុំទាន់ដឹងអត្តសញ្ញាណ បាន​ចូលបន្លំខ្លួន ធ្វើជាអ្នកទិញទូរស័ព្ទ ហើយដើរទៅជិតអ្នកលក់ ធ្វើការភ្ជង់គំរាម ដោយកាំភ្លើងខ្លី រួច​ហើ​យប្រមូលទ្រព្យសម្បត្តិ និងលុយ មួយចំនួន គេចខ្លួន បានដោយសុវត្ថិភាព តាម ម៉ូតូមួយគ្រឿង។