រញ្ជួយដីដ៏ខ្លាំងអង្រួនប្រទេសកូស្តារីកា

ពួក អ្នកជំងឺទាំងនេះត្រូវបានជម្លៀសចេញពីមន្ទីរពេទ្យនៅក្នុងរដ្ឋធានី សាន់ហ្សូស៊េ បន្ទាប់ពីរញ្ជួយដីដ៏ខ្លាំងកម្លាំង៧,៦រិច្ឆទ័រនេះក្រុមមន្ត្រីបាន និយាយថា រញ្ជួយដីដ៏ខ្លាំងដែលមានកម្លាំងរញ្ជួយ៧,៦រិច្ឆទ័រនេះបាន វាយប្រហារនៅឆ្នេរសមុទ្រប៉ាស៊ីហ្វិចនៃប្រទេសកូស្តារីកា កាលពីថ្ងៃពុធ ដោយបានសម្លាប់មនុស្សចំនួន២នាក់ និងបណ្តាលអោយដួលរលំបង្គោលខ្សែភ្លើងនិងទូរស័ព្ទហើយនាំអោយមានការព្រមា អំពីរលកស៊ូណាមីផងដែរ ។

ពួកអ្នកស្រុកក្នុងតំបន់នេះ បាននិយាយថាដើមឈើជាច្រើនបានដួលរលំ។ ផ្ទះជាច្រើន និងផ្លូវជាច្រើនកន្លែង ត្រូវបានទទួលរងការខូតខាតដោយសារការរញ្ជួយដីនេះ ដែលបានកើតឡើងនៅខេត្តGuanacaste ដែលស្ថិតនៅឆ្នេរសមុទ្រនេះ។ ប្រជាជបានប្រញាប់ប្រញាល់ចាកចេញពីអាគារនិងផ្ទះរបស់ពួកគេឆ្ពោះទៅ រកផ្លូវនានា ដែលស្ថិតនៅចម្ងាយប្រហែល១៥០គីឡូម៉ែត្រពីរដ្ឋធានីសាន់ហ្សូស៊េនៃ ប្រទេសនេះ។

អ្នកនាំពាក្យអង្គការកាកបាទក្រហម បាននិយាយថា បុរសម្នាក់និងស្ត្រីម្នាក់បានស្លាប់បន្ទាប់ពីពួកគេបានទទួលរងការ គាំងបេះដូងនៅទីក្រុងFiladelfia ដែលស្ថិតនៅចម្ងាយប្រហែល១០គីឡូម៉ែត្រពីចំណុចរញ្ជួយដីនេះ។

ប្រធានាធិបតីកូស្តារីកា លោកស្រី លួរ៉ា ជីនជីឡា បាននិយាយថា “ អ្វីដែលសំខាន់បំផុតនៅពេលនេះគឺមិនត្រូវភ័យជ្រួលច្រាលនោះទេ ពីព្រោះមិនមានការខូតខាតខ្លាំងនោះទេ”។

មណ្ឌលព្រមានរលកស៊ូ ណាមីប៉ាស៊ីហ្វិចរបស់អាមេរិកបាននិយាយថា ការព្រមានអំពីរលកស៊ូណាមីត្រូវបានធ្វើឡើងចំពោះប្រទេសកូស្តារីកា ប្រទេសប៉ាណាម៉ា និង ប្រទេសនីការ៉ាហ្គា ប៉ុន្តែក្រោយមកការព្រមាននេះត្រូវបានលុបចោលទៅវិញ៕ ដោយ CCKNEWS